شديت فرامل اليد عشان العربية تقف و قلقانة جداااااااا :(

**Amrrr** · 07-10-2008 02:27 PM

هي مفيهاش مشكلة موضوع الفرامل & المشكلة الحقيقية تكمن في انك بتنزلي بعربيتك وانتي مبتعرفيش توقفيها والدليل انك اجبرتي اخوكي يوقفها بالهاند
واهلا بيكي في شوارع المحروسة

**Amr_Moh** · 07-10-2008 02:51 PM

7`atar 3ala sor3a a3la men 40km/h
law na7ia afashet abl el tania el 3arabia 7atlef 7ata law el dereksioon ma3dool

take care

**mohamedway** · 07-10-2008 03:04 PM

المشاركة الأصلية كتبت بواسطة waled369

مفيهاش مشكلة لأن تيل فرامل اليد ملوش علاقة بتيل الفرامل أساسا
و كمان مفيش أي خطورة علي العربية من الحركة دي بس خد بالك لو انتي ماشية بسرعة عالية أو حتى متوسطة العربية هتلف بيكي و دي خطر طبعا لو حد ماشي جنبك

تيل فرامل اليد هو نفسه تيل الفرامل العاديه فى 90% من العربيات و فى بعض العربيات اللى الفرامل الخلفيه فيها دسكات بيكون ليها تيل منفصل لفرامل اليد بس الحكايه ده قليله جدا و مش هتكون موجوده الا لو عربيه محترمه جدا و علفكره لو الموضوع اللى بنتكلم فيه ده على عربيه بونتو يبقه غالبا الفرامل الخلفيه نظام حله و ده دايما بيكون تيلها شغال يد و فرامل اساسيه مع بعض تيل واحد.

**mohamedway** · 07-10-2008 03:09 PM

عاوز اطمن الأخت اللى سألت و أقولها ما تقلقيش مفيش أى ضرر حصل للعربيه و لو بنسبه 1% و عاوز اقولك انك لما بتستخدمى الفرامل برجلك بيكون التيل العلفى عليه تحميل اكتر بكتير من استخدام فرامل اليد و اللى حصل ده حاجه هينه جدا بالنسبه للى مصمم عليه التيل.

**mohamedway** · 07-10-2008 03:11 PM

خطوره الحركه ده عليكى مش على العربيه زى ما إخوه فى المنتدى و ضحوا انك ممكن تفقدى السيطره على العربيه لو على سرعه عاليه و ممكن العربيه تلف بيكى و عشان كده ما تستخدميش فرامل اليد و انتى ماشيه خالص الا فى الطوارىء الشديده زى مثلا لو فرامل العربيه الأساسيه سابت مثلا.

**ibrahimsaad** · 07-10-2008 05:34 PM

مافيش اى خطوره على العربيه من استخدام فرامل اليد

امال هى معموله ليه ؟

علشان طوارئ زى اللى حصلت معاكى دى

عموما كما قال الاخوه كل العمليه ان تيل الفرامل بيحصل له تأكل بسيط جدا ودى مسأله بسيطه تيل الفرامل بيتغير بحوالى 15 ج (انا لسه مالى تيل العجل الخلفى ب 15 ج)

وعموما موقف واحد زى ده هيكون عديم التأثير على التيل لانها مره واحده

انا احيانا كثيره كنت بانسى فرامل اليد مشدوده وامشى واروح الشغل بيها كده وبعد مااوصل اجى ارفع فرامل اليد الاقينى ناسيها ومشدوده وحصل معايا الموقف ده كثير جدا ماتعديش

ومع ذلك التيل ماحصلوش تاكل كبير يعنى لكن انا مليته احتياطا للامان فقط

يعنى اطمنى خالص

لكن مرنى نفسك كويس جدا على استخدام فرامل الرجل علشان تتعودى عليها

**aif** · 07-10-2008 06:09 PM

المشاركة الأصلية كتبت بواسطة Noha-M

مظنش فيها حاجة يا kate على فكرة لان انا مشيت بالعربية اصلا و طلعت كبرى و نزلت و مشاوير و العربية مشدود الهاند بريك بتاعها !!
اظن موش من مرة الدنيا تخرب بس متكرريهاش تانى :)

ومالاحظتيش ان العربية مش بتسحب يا نهى .......:D
يظهر ان دي عادة متأصله في البنات
انا زوجتي بتنسى الفرامل مرفوعة وتعيش حياتها ....

.
مرة اتصلت بي ... الحقني انا معطله الشارع كله ومش عارفة اتصرف ....والعربية كل ما امشي بيها تبطل ومش عاوزة تتحرك

نزلت جري .... لقيت المشكله اتحلت والحمد لله .... الناس اللي كانو وراها لما زهقو ... راحو يشوفو ايه المشكله عندها .... لقو فرامل اليد مشدودة علي الآخر ....

وطبعا العربيات اللي وراها كانو بيلطومو من الغيظ ..... وانا نزلت لقيت الموقف ده وبقيت في نص هدومي لأن معظمهم جيراني وعارفينني
.......
الخطورة في استعمال فرامل اليد مش ان التيل يستهلك ....
الخطورة ان فرامل اليد بتوقف العجل الخلفي فقط .....لأن الغرض منها هو تثبيت السيارة لما تكون واقفة ومنعها من الحركة
لكن فرامل الرجل بتوقف الاربع عجلات .... وساعات الخمسة ...لو حسبنا الاستبن ههههههههههههه
دة معناه ان لما تستعملي فرامل اليد والعربية ماشية بيؤدي ذلك الي عدم اتزان العربية وغالبا العربية بتعوم من الخلف و بتدور حسب اتجاة الدركسيون وحسب ميل الطريق والسرعة .... يعني العربية بتتصرف لوحدها زي ما هي عاوزة .....

ما تعمليش كدة تاني واتمرني علي فرامل الرجل ....
و ربنا يستر طريقك :k49:

**beautiful0mind** · 07-10-2008 06:27 PM

عادى جدا امل هيا اسمها فرامل لية بس متخديش على كده ويستحسن تتمرنى على القيادة بهدؤء وعدم التوتر عشان تقدرى تتحكمى فاعصابك

وباذن الله تبقى سواقة شاطرة بس عايز اقولك ( لسة مشفتيش حاجة )

وربنا يكون فعون السواقين اللى هيبقى مشين جانبك وربنا يصبرك على كلمهم

**Kate** · 08-10-2008 02:35 AM

المشاركة الأصلية كتبت بواسطة Amrrr

هي مفيهاش مشكلة موضوع الفرامل & المشكلة الحقيقية تكمن في انك بتنزلي بعربيتك وانتي مبتعرفيش توقفيها والدليل انك اجبرتي اخوكي يوقفها بالهاند
واهلا بيكي في شوارع المحروسة

على فكرة انا ما اجبرتش اخويا و لا حاجة يا استاذ عمر هو الى تدخل لوحدة و شد الهاند بريك تحسبا لاى حاجة يعنى كان رد فعلة اسرع من رد فعلى و انا بقدر اوقفها متقلقش ... و شكراا لحضرتك :)

-

الموضوع: شديت فرامل اليد عشان العربية تقف و قلقانة جداااااااا :(

LinkBack

أدوات الموضوع

عرض

-

-

-

المواضيع المتشابهه

فرامل اليد

اخيرا شديت العربية

فرامل الرجل ( فرامل اليد ) ضعفت قوى ... اعمل ايه

فرامل اليد

فرامل اليد

الكلمات الدلالية لهذا الموضوع

المفضلات

المفضلات

ضوابط المشاركة