حد جرب جهاز تتبع الأطفال ؟؟

السلام عليكم ورحمة الله
بدور على جهاز صغير بيبقى عامل زي الميدالية بتديه لطفلك في شنطته مثلا وهو رايح المدرسة أو بتعلقه في سلسلة بيلبسها في رقبته أو أسورة حول المعصم وما شابه وتقدر بجهاز تاني معاك أو حتى عن طريق gps في موبايلك تحدد موقعه وتعرف هو فين بالضبط لو لا قدر الله تاه أو ضاع أو حد خطفه ربنا يحفظنا ويحفظ أولادنا جميعا
نفس فكرة جهاز تتبع السيارة اللي بيركب للعربية
حاولت أدور على أمازون بس لقيت يا إما حاجة عالية أوي بتعدي ال150 دولار يا إما حاجة سعرها معقول بس محدش بيشكر فيها
حد جرب أو يعرف حاجة زي كده وممكن أجيبه منين وبكام وتكون موثوقة ودقيقة في تحديد المكان بالضبط ؟

السلام عليكم ورحكمة الله وبركاته ...
فكرة هايلة فعلا فى ظل الاحداث اللى الواحد بيسمعها ربنا يسترها على اولادنا جمعيا ....
ياريت اللى جرب حاجة زى كده يفيدنا جميعا ....

متابع

لو شايف 150 دولار غالية ..... انا شايفها ولا حاجة ....... ابنك لو لا قدر الله تاه منك هتقول يا ريتني دفعت 15000 دولار مش 150

GPS Tracker Review 2014 | Best GPS Tracking Device | GPS Systems for Tracking - TopTenREVIEWS

اقتباس:

---

المشاركة الأصلية كتبت بواسطة أحمد كمال

لو شايف 150 دولار غالية ..... انا شايفها ولا حاجة ....... ابنك لو لا قدر الله تاه منك هتقول يا ريتني دفعت 15000 دولار مش 150

---

لو على أمر جهاز واحد في داهية
المشكلة للي عنده 3 أولاد فأكثر زي حالاتي يعني هتحتاج 3 أجهزة يعني أكتر من 3000 جنيه مش قليل برده

اقتباس:

---

المشاركة الأصلية كتبت بواسطة egyzizo

gps tracker review 2014 | best gps tracking device | gps systems for tracking - toptenreviews

---

أنا شفت فعلا المقارنة دي امبارح بس معظم الأجهزة أسعارها عالية برده

اقتباس:

---

المشاركة الأصلية كتبت بواسطة أبو آسر

لو على أمر جهاز واحد في داهية
المشكلة للي عنده 3 أولاد فأكثر زي حالاتي يعني هتحتاج 3 أجهزة يعني أكتر من 3000 جنيه مش قليل برده

---

نسيت طبعا فلوس الشحن والجمارك يعني ممكن ال3 أجهزة يوصلوا ل5000 جنيه مستريح !

متابع

كان فيه جهاز بس مش فاكر اسمه الصراحه
سورى يعنى كان عاملينو للكلب و يتحط فى رقبته علشان لو تاهه
سعره حدود ال ١٠٠ دولار و له ابليكشن على الايفون

هحاول اجيب اسمه

اقتباس:

---

المشاركة الأصلية كتبت بواسطة Trondo

كان فيه جهاز بس مش فاكر اسمه الصراحه
سورى يعنى كان عاملينو للكلب و يتحط فى رقبته علشان لو تاهه
سعره حدود ال ١٠٠ دولار و له ابليكشن على الايفون

هحاول اجيب اسمه

---

ما هو نفس الفكرة ممكن يشتغل لطفل أو للـ pets
ياريت تشوفلنا كده اسمه وتمنه بالضبط وأهم حاجة يكون دقيق في تحديد المكان علشان في حاجات ناس بتشتكي منها على أمازون اللي بتبقى أسعارها أقل من 100 دولار غالبا
شكلها كده هترسى على أبو 150$ في الآخر ! بس هحاول أخلي حد يجبهولي معاه وهو نازل من أمريكا علشان ميتجمركش وأوفر فلوس الشحن بس ربنا يستر والأجهزة دي تنفع تنزل مصر أساسا !!

الجاهز ده واخد تقييمات إلى حد ما كويسة وسعره أقل من 40 دولار
Amazon.com: 5Star Urgent Response (Silver): Cell Phones & Accessories

حد يقدر يفيدنا هل هينفع يشتغل في مصر أو هينفع يعدي أساسا من المطار ولا لأ ؟

الموقع ده مصري فيه شوية أجهزة لكن أسعارهم عالية جدا والله أعلم جودتهم إيه
أجهزة تتبع السيارات - جهاز تعقب المركبات - تتبع وانذار السيارات فى مصر

شكلها كده هترسى على إن الواحد يشتري أصغر موبايل أندرويد ويعمل أكونت على خدمة Where is my mobile ويريح دماغه !

دخولهم رسمي ... مينفعش

لكن معا حد ممكن يخشوا عادى

موضوع التليفون فكره كويسه

بس. هيكون فيها الطمع لو حد غريب شاف التليفون معا الطفل

اقتباس:

---

المشاركة الأصلية كتبت بواسطة Trondo

دخولهم رسمي ... مينفعش

لكن معا حد ممكن يخشوا عادى

موضوع التليفون فكره كويسه

بس. هيكون فيها الطمع لو حد غريب شاف التليفون معا الطفل

---

ما هي دي مشكلة التليفون للأسف زائد حجمه الكبير مهما كان التليفون صغير
نفسي أوصل لحاجة زي التليفون لكن فيها gps بس مش أكتر علشان الحجم يكون صغير ونوفر مساحة السماعات والبوردة والشاشة وباقي المكونات
----------------
بخصوص أجهزة الgps يعني لو حد نازل من أمريكا ينفع يجيبهم معاه عادي لكن لو عن طريق شركة شحن مينفعش ؟ وإيه الفرق اشمعنى ده ينفع وده لأ ؟

او مرة اسمع عنه
بس الفكرة كويسة جدا
ربنا يحفظهم جميعا

ممكن تفيدنا بالجهاز اللى حضرتك جيبته ؟؟ عشان الكل يستفيد
شكرا

الواحد عايز جهاز جي بي اس بيتحقن تحت الجلد ...

بص يا باشا احسنلك الساعة ودي انها مش باينة انها فيها gps اعتقد هتعدي من الجمارك في (شركات الشحن زي ادفعلي بترفض تجبهالك عشان الجمارك مش بتعدي الحاجات الي فيها GPS) عشان شكلها طفولي
الاولاد هيحبوها وعمرهم ما هيخلعوها بيتركب فيها شريحة تليفون فيها مايك وده مهم جدا تقدر من الابلكيشن بتاعها تدي امر انه يفتح المايك الي فيها بيجبلك كل الاصوات المحيطة بالطفل لمسافة كويسة تقدر تسمع الصوت حوالين الاطفال مين بيكلمهم وهكذا
لو جبت جهاز مش الساعة هتحطه فين في شنطة الطفل او جيبه لقدر الله لقدر الله وبعد الشر يارب الطفل لو لحد خطفه ممكن يسيب شنطته او يفضي جيبه لان شكل الجهاز هيكون غريب عليه انما الساعة مش هيشك فيها خالص ولو اخدها منها تقدر تستغل خاصية المايك وبتقعد مشحونة لحد 48 ساعة
ده لينك علي امازون في انواع كتير
وربنا يسترها علي اولادنا


http://www.amazon.com/s/ref=nb_sb_no...racking+Watch+

الساعة الاندرويد مناسبة

والاجهزه ديه اكيد بترسل وتستقبل موجات اشعاعيه زى الموبايلات
فكرت هل فيها اضرار صحية ولا لا