الموضوع: حريق مصنع شيبسى فى 6 أكتوبر

موضوع الماس الكهربائي ابتدي يلفت نظري لحاجة مهمة

كل البلد بقت بتولع و السبب ماس كهربائي

لو ربطنا هنلاقي ان فاتورة الكهرباء زادت هي كمان

تفتكرو غلوها عشان يقدرو يصرفو علي الماس اللي بيسبب الحرايق؟:D

و الله لو كده يبقي تفكير حكيم من حكومة حكيمة فعلا

تصفيق حاد:cute:

حرائق - تحرش جنسى - فساد غرقانة فيه البلد
صحيح على رأى كريم منير
رايحة على فين يا بلد

إحنا المفروض نعمل منتدي فرعي لساحة الأخبار إسمه "الحريقة" لحسن بقينا مش ملاحقين نطلع من حريقة ندخل في حريقة

ومع سلسلة جديدة من حرائق مصر

السيطرة على حريق شب بمصنع للبلاستيك بحي السلام بالقاهرة

تمكنت قوات الدفاع المدنى والإطفاء بمحافظتى القاهرة والشرقية من إخماد حريق شب الأحد بمبنى تابع لشركة "الشريف" للبلاستيك بحى السلام بالقاهرة.
وكان المقدم أحمد خلاف مشرف عمليات غرفة مطافىء القاهرة قد تلقى بلاغا بإندلاع حريق فى مبنى مملوك لشركة "الشريف" للبلاستيك بالمنطقة الصناعية بجسر السويس التابعة لحى السلام، حيث توجه على الفور رجال الدفاع المدنى والإطفاء بالقاهرة (50 سيارة) ونحو أربعة سلالم هيدروليكية بالإضافة إلى قوات من الإدارة العامة للدفاع المدنى والإطفاء بالشرقية، إلى موقع الحريق.
وقال اللواء محمد نصير مدير الإدارة العامة للدفاع المدنى والإطفاء بالقاهرة، فى تصريحات لوكالة أنباء الشرق الأوسط، أن الحريق شب فى مبنى مكون من خمسة طوابق على مساحة 2100 متر، وأنه تم السيطرة تماما على الحريق منذ قليل، وتجرى حاليا عمليات التبريد لضمان عدم اشتعال النيران مرة أخرى.
وأوضح نصير أن رجال الإطفاء واجهوا صعوبات أثناء عملية الإطفاء نظرا لإحتواء المبنى على كميات كبيرة من البلاستيك سريع الإشتعال، وهو ما أعاق جهود رجال الإطفاء فى السيطرة على الحريق سريعا.
وأشار إلى أن الحريق أسفر عن تلفيات كبيرة بالمبنى وإصابة كل من العقيد منتصر عبدالله والمقدم طارق عبدالعظيم من قوات مطافىء القاهرة.
وأصدر الدكتور عبدالعظيم وزير محافظ القاهرة قرارا بتشكيل لجنة هندسية فنية من حى مدينة السلام لمعاينة المبنى، وذلك فور انتهاء إجراءات البحث الجنائى والنيابة من معاينة الموقع لتحديد مدى تأثره من الحريق.
من جانبه أكد اللواء حسن كاظم رئيس غرفة العمليات المركزية بمحافظة القاهرة، أن المتابعة الميدانية للحريق مستمرة حتى الآن.
واشار إلى أن المحافظة ستتابع من صباح الثلاثاء حالة المبانى المجاورة فى المنطقة ومتابعة المعمل الجنائى لمعرفة أسباب الحريق .
وأكد عدم وجود ضحايا أو مصابين بين المدنيين.
الجدير بالذكر أن المبنى متحفظ عليه وتم بيعه لشركة "ايماك" للألياف الصناعية وحاصل على ترخيص بإقامته بالمنطقة الصناعية منذ عام 1992.

لولولولولولوللييييييييييي ييييييييييييييييييييييييى معلش اسمحولى بالزغروطه دى من صدمتى بالخبر
لازم اللى عمل كده فى مصنع شيبسى راجل fox


فاضل ايه تانى كل يوم مصنع


كل شى بيولع فى مصر ابتدوها بتوليع الاسعار وبيكملوا على المصانع والاقتصاد

انا مبقتش فاهمه حاجه خالص

هو فيه ايه ؟؟؟؟؟؟؟؟؟؟؟

قريب اوووي هيقولو تمكنت اجهزه الدفاع المدني من اطفاء المقر الرئيسي للدفاع المدني ههههههههههههه

حرائق المصانع بتكتر فى فتربات الهزات الاقتصادية المفاجئة، وده مش عندنا احنا بس ده فى العالم كله، لأن الهزة الاقتصادية المفاجئة بتخلى القيمة السوقية لمنشآت المصنع وآلاته واستثماراته اقل من القيمة المؤمن عليه بها، يبقى افضل شئ هو احراق المصنع كله ومطالبة شركه التأمين بالتعويض، والناتج النهائى هو خسائر فادحة لشركات التأمين-احدى دعائم الاقتصادى-مما يؤدى الى تفاقم الأزمة الاقتصادية ،

المشاركة الأصلية كتبت بواسطة sab3aawy

حرائق المصانع بتكتر فى فتربات الهزات الاقتصادية المفاجئة، وده مش عندنا احنا بس ده فى العالم كله، لأن الهزة الاقتصادية المفاجئة بتخلى القيمة السوقية لمنشآت المصنع وآلاته واستثماراته اقل من القيمة المؤمن عليه بها، يبقى افضل شئ هو احراق المصنع كله ومطالبة شركه التأمين بالتعويض، والناتج النهائى هو خسائر فادحة لشركات التأمين-احدى دعائم الاقتصادى-مما يؤدى الى تفاقم الأزمة الاقتصادية ،

كلام عالي
بس واقعي وحصل أمامي قبل ذلك