السلام عليكم يا رجالة
انا ناوي على العربية باذن الله بس عندي استفسارات
- الالوان المتاحة منها ايه واقدر اشوفها فين عشان طبعا المدام هي اللي هاتنقي اللون .....
البيج منها عاجبني بس عاوز اشوف كله ... كمان رأيكو ايه .. الفاتح ولا الغامق اللي بيبين تعريجات العربية

- افضل فئة ايه من وجهة نظركم للقيمة مقابل الفلوس
- فئة الهاي لاين التابلوة بتاعها بردو اسود ولا فيه منه لونين ولا فيه منه فاتح
- هل فئة الهاي لاين فيها خاصية الثبات الاكتروني ESP
- الزينون في فئة الهاي لاين .... بيعلى ويوطى ؟
- احسن توكيل لرينو فين ؟؟؟ انا من القاهرة وليه واحد صاحبي بيقوللي توكيل رينو اسكندرية محترم جدا
- انا عمري ما سوقت الفتيس الجديد ده .... طمنوني يا رجالة ايه النظام ....
- فئة الهاي لاين فيها GPS navigator ولا على رأي احمد حلمي الكاسيت ماله ؟ لو فيها .... هل باين وهو مقفول ولا ليه مكان بيستخبى فيه ؟
- صوت الكاسيت مع الاي فون ايه نظامه ؟؟