الضمير إنعدم من الناس كلها، هام جداً وأرجو النصيحة

**Sameyes** · 06-04-2014 02:44 PM

من الآخر،
انا بقالي فترة كل شوية اسأل سؤال هنا مرة عن العفشة ومرة عن المرش ومرة عن الفتيس ومرة في صوت بيطلع في الشوارع المكسرة، المهم بعد رحلة معاناة طويلة مع فتي الصنايعية في حلوان طلع إن هلالات الكرنك أو السبيكة (مصطلح الصنيعية) متآكلة وهي سبب الصوت إللي كان طالع من العربية قدام بجانب صوت ترس المارش البندكس (تم تغيره) وكانت مسببة بوش في الكرنك مبهدل الفتيس والغيارات وللآسف كان مكتوب عليها أو مخروط عليها (٠ - ٣٠) أي إتعمل خرط للكرنك ٣ مرات أو ٣ عمرات والراجل إللي كنت شاريها منه مقليش الكلام ده. المهم الميكانيكي قاللي إن الماتور كده متهالك أو في النزع الأخير مع إنه مش بياكل زيت ومش بيطلع دخان وسحبه معقول مش بطال (بس انا خبرتي على أدي برضوا) وبيقوللي مشي حالك بيه لحد ميجيب آخره وبعدين تجيب ماتور فاضي وننقل فيه حاجت الماتور القديم يعني شورت بلوك.

أنا قرفت من الموضوع ده وكنت مفكر إنها مسألة قطع غيار مضروبة وتتغير بأصلي ولكن ماتور جديد!!! وإن الراجل إللي شاريها منه ميقوليش وإن الصنايعية مش فاهمين حاجة وبيشتغلوا الناس دي كانت صعابة قوي عليا.

أرجو النصيحة من السادة الأعضاء

ولكم جزيل الشكر

**shady tarek** · 06-04-2014 03:03 PM

حضرتك ممكن تجيب ماتور استيراد احسن ولا تنقلولا تعمل الكلام الفاضى بتاع الصنيعيه هيا كله هيفك المتور القديم وتركب الجديد وتشترى دماغك

**sharkass** · 06-04-2014 03:07 PM

بسم الله الرحمن الرحيم
شوف يا باشا انا حاسس بيك جدا و الله يكون فى عونك
لو انت شايف ان الماتور سحبه كويس و مش مضايقك يبقى سيبه لحد ما يجيب اخره خالص .
و بعد كده تنزل عزبة شلبى تجيب ماتور استيراد و يكون معاك ميكانيكى نضيف بينزل على طول يشترى مواتير من هناك و بالتالى بيكون عنده خبرة و ينقيلك ماتور محترم بالفتيس بتاعه و ان شاء الله تركبه و تنسا المشاكل إللى سببهالك الماتور القديم وده كله هيكون فى حدود 2000 إلى 2500ج .

**lad** · 06-04-2014 04:32 PM

بتتعامل مع مين فى حلوان

**Sameyes** · 06-04-2014 06:59 PM

شكراً لردود حضراتكم
وأنا بتعامل مع مركز اللاهوني لصاحبه المهندس أحمد الموجود في آخر شارع عبد الرحمن قبل الشارع الجديد إللي يودي للإوتستراد وبصراحة هو الوحيد إللي فهم المشكلة وهو شخصية محترمة جداً وفاهم شغله كويس ومعاه صنايعية كويسين

**hytham_112** · 07-04-2014 03:07 PM

من الاخر شورت بلوك انا لسه كنت فى الحوار ده بالظبط اشتريت عربية وطلع كرنك وسبايك وكان مخروط 020 فاشتريت شورت بلوك وريحت دماغى بس كان سعره من الحرفيين 3000

**ahmed_ammar010** · 07-04-2014 03:16 PM

يا باشا ماتور استيراد بدون تردد . تجيبه على مزاجك وتركبه وهبقى تحفه
الموضوع هيكلفك ما قيمته 3000 تقريبا ان زادت شويه . بس اصبر على الماتور اللى معاك لما يجيب اخره .

**Sameyes** · 07-04-2014 05:20 PM

شكراً لردود حضراتكم الكريمة

**Sameyes** · 07-04-2014 06:19 PM

طب أجيب منين ماتور استيراد ويكون مضمون

**tarek_2005** · 08-04-2014 09:51 AM

غير كرنك وسبايك وهلاليل فقط لان المكنة بتاعتك سليمة من فوق والموضوع مش هيبقي مكلف وهيفك المكنة من تحت فقط وممكن لو صنايعي كويس ميخرجش المكنة من الحوض اساساً