-
رائحة بنزين من الكابوت
صباح الخير على كل الموجودين بالمنتدى
انا بتواجهنى مشكلة
اولا انا عندى سيارة 127 موديل 1982
والمشكلة هى انا لما بدور العربية الصبح بطلع عينى وبعد لما بتدو
بشم رائحة بنزين جمدة واعتقد انها من الكابوت مع العلم انى لسة مغير طلمبة البنزين والبوجيهات
ارجوا تفسير هذة الرائحة .
وشكراااااااااااا
-
انا زمان كان عندى نفس عربيتك دى بس مو 83
والمشكله دى بالضبط قابلتنى وقعدت كام شهر مكسل الى ان فحصتها بنفسى ومجدت ان فيه خرطوم مستخبى به قطع من اسفل عند احد الثنيات والبنزين بينقط منه!!
غيرته والمشكله انتهت ب 5 جنيه فى نص ساعه
بالتوفيق ان شاء الله
-
+1
ممكن يكون فلتر البنزين مسدود ومش بيوصل بنزين للكاربراتير او رشاش الكاربراتير نفسه مسدود او بايظ .
-
ممكن تكون الابره بتاع الكرابياتير مش مضبوطه و الاعراض اللي قولتها تمشي مع الجزئيه الي بتكلم عليها
الابره دي لو بايظه حتخلي العربيه تشرق و بالتالي حطلع ريحه بنزين جامده و كمان ما دورش معاك علي طول الصبح علشان بتكون العربيه شرقانه
-
احتمالات أخرى لرائحة البنزين داخل الكابينة :
أنا جربت رائحة بنزين قوية ، سواء بنزين خام أو محروق في عربية 127 موديل 83 وهي :
1. رائحة قوية دائمة .. اكتشفت أن الغطاء الكاوتش بتاع عوامة قياس البنزين في التانك مش موجودة ، وده كان بيخلي البنزين يطير ، وبيخلي رائحة العربية بنزين على الآخر ، وفتحة العوامة تحت كسوة الشنطة .
2. فيه ماسورة فايظ داخل الشنطة على الشمال ، يمسكها خرطوم عريض أحياناً تكون به تشققات كبيرة لأنه نادراً ما يتغير .
3. بارومة أو خرم في أرضية العربية من الأمام تشعر معها بحرارة الشكمان من الأسفل ، وتدخل ناتج خرطوم فايظ الاحتراق إلى الكابينة بسهولة لو الخرطوم طويل .
4. لو خرطوم الفايظ قصير هيدخل رائحة بنزين محروق من فتحات التكييف خاصة أن أغلب علب تكييف 127 مكسرة لعدم استخدامها .
هذا طبعاً بالإضافة إلى ما قدمه الزملاء الأعزاء
تقبل خالص مودتي
-
أهم حاجة تكشف عليها بسرعة
انا كان معايا 127 موديل 83 و حصلت المشكلة دي و تهاونت فيها و العربية ولعت فيها النار
لان الباشا الميكانيكي مكانش مربط علي الخراطيم كفاية
-
إكشف على الكاربراتير وخصوصا العوامة والإبرة، وممكن تغيرله طقم بيكات، ولو الاكس والباب مش سلام غير الكاربراتير بحالة
وبالمرة غير وش الإسبراتير، لأنه رخيص جدا وفى كثير من الحالات بيكون هو سبب عدم دوارة العربية صباحة بسبب انه بيمسك رطوبة
-
ياريت بالمرة تشوف الخراطيم وماسك فلتر البنزين
-
اطمن الأول على الرفاس و فلتر البنزين
Content Relevant URLs by
vBSEO 3.6.0 PL2