مشكله في ال usb في كاسيت الفلوانس 2014

كما هو مكتوب في عنوان الموضوع ، عندي مشكله صغيره في فتحة ال usb في مسجل الفلوانس لو في حد واجه نفس المشكله يقولي وايه الحل

المشكله لما تكون مشغل ملفات من ال usb و بعدين تقفل العربيه و تمشي و تيجي تركب تاني و تشغلها بيحصل اعادة تشغيل للمسجل بعد ما تشتغل الأغنيه لمدة كام ثانيه و بعدين لما تشتغل الأغنيه نكمل من مكان ما كانت واقفه عليه و الكلام ده حصل معايا 3 مرات في نفس اليوم
انا اول مره حصل معايا غيرت الفلاش لأنها كانت مش بتشغل معظم الملفات اللي فيها ، و الفلاش ديسك الجديد شغل كل الملفات بس حصلت المشكله ديه 3 مرات

مش عارف المشكله منين ، ممكن تكون ان الفلاش عليها فولدرز كتير و الملفات جواها او عيب في الفلاش ديسك نفسه او اخر حاجه ممكن افكر فيها ان يكون العيب من المسجل نفسه

افيدونا افادكم الله

بص ياباشا اولا فورمات الفلاشة لازم يكون fat 32
وينصح إنك متستخدمش فلاشة أكبر من 8 جيجا
جرب كده وقولي إيه ألاخبار

هو في اكتر من واحد اشتكوا من الموضوع ده واعتقد انه ليه علاقه بالفيرجن بتاع سوفت وير الكاسيت

انا بستخدم فلاشه 16 جيجا وعادي مفيش اي مشكله وفعلا لازم يكون الامتداد Fat 32 زي ماخالد بيه قالك كده وحاول تجيب نوع نضيف زي Sandisk مثلا

السوفت وير فيرجن بتاع الكاسيت عندي 2.2 وبقيه الارقام مش فاكرها الصراحه بالتوفيق


تحياتي

مظبوط ياحمد بك
مواقع كثير بتنصح ب SANDISK
وناس كتير فمواقع أجنبيه اشتكت من الفلاشات اللي فوق 8 جيجا
بالنسبة للفيرموير فهو واحد وبالظبط مكتوب كده وياريت تتأكد من المعلومة
firmware version first_3.0.0.24 auditorium

ياخالد بيه انا لما اشتريت العربيه كان فيرجن v.1.0.0 اه والله زي مابقولك كده هم تقريبا بيحدثوا في كل صيانه اخر مره شكيت عليه 2.2.1 حاجه زي كده اما نتقابل ان شاء الله هتبقي تشوفه

بالنسبه للفلاشات انا معرفش موضوع ان المواقع بتنصح ب 8 جيجا انا عندي 16 جيجا بس مش مليانه تقريبا 8 جيجا منهم مليانين والباقي فاضي هي كل ملحوظاتي علي الكاسيت ساغات بيعمل ريستارت لمابيبقي شغال بقاله مده طويله بس

فعلا ساعات بيتنح ويعمل ريستارات ومتفهمش من إيه
بشك كثير فالملفات اللي حاططها
موضوع ابديت الكاسيت اول مرة اعرفه
على كده انا الفيرموير بتاعي من غير أبديت اعلى من اللي عندك
وهلي فيه فروق فالسيتنيج أو الاوبشنز ؟؟؟؟؟؟؟

ماعتقدش ان في فروق في الاوبشنز ممكن تحديث لتحسين الاداء ونقاوه الصوت

اشكركم علي المتابعه و الرد
انا فعلاً مجرب كل اللي قولته عليه FAT32 و SCAN DISK وجربت ال 16 و ال 8 جيجا ، و الموضوع شكله زي ما حضراتكم و ضحتو انه لما يشتغل كتير بتحصل التهنيجه ديه
بس ده لما تكون مركب الفلاش و العربيه تشتغل ، انا جربت اشيل الفلاش و لما اركب العربيه تاني اركبها و محصلش اي ريستارت بس الجميل :glasses08: انك لما تركب الفلاش انها بتشغل علي اخر ملف كانت واقفه عليه ، ما احلاكي من فلوانس
علي فكره انا السوفيت وير عندي firmware version first_3.0.0.24 auditorium
انا هاجرب انواع تانيه من الفلاش ديسك لأني اعرف انه في انواع بتبقي مش متوافقه مع السوفت وير و هابقي اديكم خبر

اقتباس:

---

المشاركة الأصلية كتبت بواسطة miceg

مظبوط ياحمد بك
مواقع كثير بتنصح ب SANDISK
وناس كتير فمواقع أجنبيه اشتكت من الفلاشات اللي فوق 8 جيجا
بالنسبة للفيرموير فهو واحد وبالظبط مكتوب كده وياريت تتأكد من المعلومة
firmware version first_3.0.0.24 auditorium

---

اعتقد السوفيت ويرده version first_3.0.0.24 auditorium بينزل في اعلي فئه عشان Renault 3D Sound by Arkamys الموجود لجوده أعلي في الصوت ، و الله اعلم

اقتباس:

---

المشاركة الأصلية كتبت بواسطة mhoter

اشكركم علي المتابعه و الرد
انا فعلاً مجرب كل اللي قولته عليه FAT32 و SCAN DISK وجربت ال 16 و ال 8 جيجا ، و الموضوع شكله زي ما حضراتكم و ضحتو انه لما يشتغل كتير بتحصل التهنيجه ديه
بس ده لما تكون مركب الفلاش و العربيه تشتغل ، انا جربت اشيل الفلاش و لما اركب العربيه تاني اركبها و محصلش اي ريستارت بس الجميل :glasses08: انك لما تركب الفلاش انها بتشغل علي اخر ملف كانت واقفه عليه ، ما احلاكي من فلوانس
علي فكره انا السوفيت وير عندي firmware version first_3.0.0.24 auditorium
انا هاجرب انواع تانيه من الفلاش ديسك لأني اعرف انه في انواع بتبقي مش متوافقه مع السوفت وير و هابقي اديكم خبر

---

للتصحيح السوفت وير عندي version first_3.0.0.27 auditorium

ممكن نجرب اللينك ده ... لحل مشكلة الفورمات بتاعة ال USB
[url=http://www.damasgate.com/vb/t298980/]