الموضوع: مشكلتى مع السياره الجميله

اخى الفاضل تروح تقابل المهندس/ امر
علشان بس ماتضيعيش وقتك و تجيب من الاخر و هو الراجل بيهتم جدا الصراحة

لان اللى عندك محتاج شوية تركيز و بسيطة ان شاء الله

و كله مقدور عليه

على فكرة موضوع البنزين انا شايف انه انت محتاج تنظيف فلتر بنزين و بوجيهات و يعاد ضبط السيارة على الجهاز لان الكلام ده حصل معايا من فترة و العربية اتظبطت بعدها

معلش هى عربية محتاجة شوية تعب فى الاول لحد لما تظبط المشاكل اللى عندك

المشاركة الأصلية كتبت بواسطة shehabhopazone

في يا جماعه عيوب غريبه ظهرت امبارح جيت من مشوار وبطلت العربيه لقيت مروحه الردياتير شغاله انا استغربت المهم قولت يمكن حتقفل بعد مده بسيطه المهم طلعت و نزلت بعديها بساعتين لقيتها لسه شغاله دورت العربيه وبعدين بطلتها وقفت والزجاج الايسر ليا اتعطل تماما وسحب البنزين يعادل 70 كيلو لكل 10 لتر انا مش عايز اقول انى ندمت و لكن مش حقول اكتر من الحمد لله

بدل المروحة فضلت شغالة الموضوع ليه علاقه شويه كدا بالكهربا لان اول ما الكونتاكت بيقفل المحرك ملوش دعوة و لكن استمرار تشغيل المروحة يدل علي ان احتمال تكون البطارية فيها حاجة و انا ارجح الاحتمال دا

لان كان في احد الاعضاء المحترمين في المنتدي يمتلك ميجان و كان عنده مشاكل في السحب و خلافه و كان السبب البطارية و العربية موديل (2005 )
فأحتمال كبير يكون البطارية السبب لام بصراحة بروتون صعب اوي تكون عندها عربية عيب صناعة في الموتور او الجير او العفشة ممكن التقفيل لكن غير كدا صعب اوي اوي
وربنا يوفقك

المشاركة الأصلية كتبت بواسطة TrickyAhmed85

أخى الفاضل

انا كمان جربت أجرى بالعربيه مش بتعدى أبدا 165 أو 165 بالعافيه بس انا قلت ان ده عشان لسه مكملتش 5000 كيلو

الأخوه هنا فى المنتدى بيقولو ان السحب والأكسليريشن بيتحسنو بعد ال5000

بس ان شاء الله هقوللهم برضو فى صيانة ال 5000

وربنا يكرمك والمشاكل اللى عندك دى تتحل

بالنسبه لموضوع السرعه فده ليه علاقه مباشره بالبنزين و عن تجربه
وأنا رايح الغردقه مونت من أمارات مصر 92 و كنت ماشى مظم الطريق 160-180 و أنا راجع مونت من شل اللى عند السوق 90 لأن ماكنش فيه 92 مش عايز أقولك غير أن العربيه كانت بتجيب ال 110 بالعافيه و بعد تسقيط نقله كمان ففضلت ماشى 90 لحد مارجعت عشان مقرصش على الموتور

لو عايز تجرب العربيه و تشوف أمكانياتها مونها 95 من أمارات مصر و أطلع على طريق القطاميه العين السخنه و شوف سحبها و سرعتها حيكونو عاملين أزاى

المشاركة الأصلية كتبت بواسطة NGuy

موديل 2008
اوتامتيك
الون : برتفالي
تاريخ الشراء 5/8/2008
العداد : 3650
نوع البنزين : ممتاز "ده في البحرين بس في مصر يكون 97 " "ان وجد"
اعلى سرعة وصلت اليها هي 170 والسيارة كانت ثابته وتحس انها راح تنطلق بيك اكثر بس انا خفت على حالي و خففت من السرعة
المشاكل: اول ما استلمت السيارة كانت الحبة مالت الجير خشنة شوي بس الحين صارت عادية مثل باقي السيارات
النافدة تنزل بسرعة معرفش ليه
اول ما استلمت السيارة كان لما اصق الصندوق الخلفي يكون صعب تصكة "تغلقه" مرة ثانية فكان لازم اكون شوي ثقيل عليها بس الحين هو ينصك "ينغلق" بس لما انزلو وبهدوء جداً
الباب الخلفي الي على اليمين كان ما ينفتح من الخارج بس بعدين عرفت ان هذي ميزة في البروتون لان يكون فيها حبة حق حماية السيارة وتقدر تعدلها مثل سويتش اوف وسويتش اون

الحين السيارة ما فيها اي مشاكل ومعضم المشاكل دائماً تكون موقته "يعني او ما تشتريها"

دى مشاركه جبتها من موضوع تانى مع بنزين 97 جابت 170 وكانت عايزه أكتر

الموضوع عندنا فى البنزين اللى أغلبه مغشوش

لا حول ولا قوة الا بالله مشاكل العربية دى بصراحة استعباط سواء من الشركة ولا التوكيل ربنا يصبرك ويكرمك وتتحل المشكلة
ومشاكلها ابتدت تعدى التقفيل بس زى مابيقولوا والموتور القوى اللى طالعين بيه السما اهو برده مش اللى هو يعنى وبتطلع فيه مشاكل
وانا عارفة ان فيه ناس هتقول مافيه ماركات كبيرة وفيها مشاكل وده كلام صحيح بس تعالى شوف موقف التوكيل بيبقى ازاى ولو التوكيل قصر شوف لو كلمت الشركة الام هاتعمل ايه مش بروتون اللى مستهبلة فيها قوى بصراحة