مشكلتى مع السياره الجميله

**AhmedGen2** · 13-10-2008 07:11 PM

المشاركة الأصلية كتبت بواسطة ahmedsiyam

و يا حبذا لو تقفل الزجاج كمان و تفتح الهواء الخارجى بتاع التكييف

مفهمتش الحتة دى ازاى؟

**tutankhamoun** · 14-10-2008 07:24 AM

المشاركة الأصلية كتبت بواسطة IslamGen2

مفهمتش الحتة دى ازاى؟

سأقوم بالرد بعد اذن الاستاذ احمد صيام طبعا

عند الجري السريع بالسيارة يجب غلق الزجاج حتى يقلل من مقاومة الهواء للسيارة و بذلك يزيد السرعة و يقلل استهلاك البنزين
اما موضوع الهوا الخارجي بتاع التكييف
ده تشغله لو حسيت بالحر و انت قافل الزجاج
و المقصود مش التكييف
هوا بس جاي من الخارج عن طريق فتحات التكييف

**mazagnge** · 14-10-2008 09:31 AM

[quote=shehabhopazone;448461]كنت عاوز اسال الاخ العزيز تزت عنخ امون اكتر من سؤال للجين 2
quote]

الـفـــ مبروووك ــــ يا توت ولى العهــــد

يا تربي في عزو تزت عنخ امون عزو

مش ها تنازل عن السبوع

علبة كشرى مرفقة بالكمالة و من غير ABS & EBD

**ahmedsiyam** · 14-10-2008 06:00 PM

الله ينور يا اخ توت

**AhmedGen2** · 14-10-2008 06:30 PM

المشاركة الأصلية كتبت بواسطة tutankhamoun

و المقصود مش التكييف
هوا بس جاي من الخارج عن طريق فتحات التكييف

مانا فاهم ، أقصد أشغل ازاى الحكاية دى؟ ، أنور البكرة اللى فى النص؟ ووالبكرة الأولى مطفية ، مظبوط؟

**tutankhamoun** · 14-10-2008 06:57 PM

المشاركة الأصلية كتبت بواسطة IslamGen2

مانا فاهم ، أقصد أشغل ازاى الحكاية دى؟ ، أنور البكرة اللى فى النص؟ ووالبكرة الأولى مطفية ، مظبوط؟

البكرة اللي في النص بتنورها لما تكون عايز التسقيع يكون أفضل من التكييف لأنها بتقوم بتدوير نفس الهوا في دائرة مغلقة و لا يفضل القيادة لفترة طويلة مثل ساعة مثلا حتى لا ينفذ الأكسجين من كابينة السيارة

أما لدخول هواء جديد
كل ما عليك أن تفعله هو أن تدير البكرة الأولى حسب قوة دفع الهواء المرغوبة و بعدين تتأكد أن نورها مش شغال
و بكدا بيجيلك هوا من برة العربية علشان يطري الدنيا شوية لو أنت قافل الزجاج

و لو فيه أي استفسار تاني ........... معاك

**AhmedGen2** · 14-10-2008 07:43 PM

المشاركة الأصلية كتبت بواسطة tutankhamoun

البكرة اللي في النص بتنورها لما تكون عايز التسقيع يكون أفضل من التكييف لأنها بتقوم بتدوير نفس الهوا في دائرة مغلقة و لا يفضل القيادة لفترة طويلة مثل ساعة مثلا حتى لا ينفذ الأكسجين من كابينة السيارة

بتدور الهوا فى دائرة مغلقة ودة بيسقع أكتر ازاى؟ وايه علاقته بالتأثير على نسبة الأوكسجين فى الكابينة؟.

و لو فيه أي استفسار تاني ........... معاك

يا باشا ربنا يخليك ...

آه فيه استفسار كمان

وصلة ال Aux دى ايه نظامها لحسن انا أصلى سميع وحارق سيديهات بالهبل ومش مكفى ، الأيبود أو الإم بى ثرى أو حتى الموبايل يبقى قشطة أوى ، أعتقد ال Aux مش بتخش فى الموبايل مش عارف.

**amrcd1** · 15-10-2008 12:25 AM

so2al mohem !!!

**mondy2010** · 15-10-2008 12:30 AM

الله ينور يا اخ توت

**MohabSaeed** · 15-10-2008 04:50 AM

المشاركة الأصلية كتبت بواسطة IslamGen2

بتدور الهوا فى دائرة مغلقة ودة بيسقع أكتر ازاى؟ وايه علاقته بالتأثير على نسبة الأوكسجين فى الكابينة؟.

.

بعد اذن استاذ توت ارد على الاستفسار ده

* ازاى بتدور الهواء فى دايره مغلقه و الهوا بيسقه اكتر ؟

حمثلهالك بأنك جبت ازازة ميه معبئه كانت محطوطه فى الشمس من اى ماركت فى الشارع و جبت زازه تانيه من جوه كارفور او هايبر وان و محطوطه فى جو مكيف
لوحطيتم فى التلاجه انهى زازاه حتسقع اكتر ... اكيد الى كانت فى جو مكيف

نفس الكلام بالنسبه للتكيف فى دوره الريسايكل الى بتاخد الهواء البارد اصلا من داخل صالون السياره و تعيد تبريده فبكده كفائه تبريد الهواء بتكون ازيد بطبيعة الحال من انك تاخد الهواء من بره العربيه " فريش اير " الى بيكون طبعا سخن جدا فى الصيف و بالنهار خصوصا و كفائه التبريد بتقل كتير جدا .

* ايه علاقته بالتأثير على كميه الاكسجين ؟

طبيعى انتا قاعد جوه العربيه و قافل كل مصادر الهواء المتجدد " قافل الازاز و قافل الزرار الى بيدخلك هواء من بره العربيه " و يبقى انتا بتتنفس الهواء المحبوس جوه العربيه و اكيد الاكسجين الى فى الهواء ده محدود مع تنفسك "و خصوصا لو معاك كذا فرد فى العربيه " الاكسجين حنفذ و طبعا الموضوع ده خطر جدا . بس احنا بنتكلم على المشاوير الطويله و السفر .

انا عموما دايما ماشى بالعربيه و التكيف على الرسايكل و لو المشوار طول بفتح الشباك سنه بسيطه لكام ثانيه و اقفله تانى لتجديد الاكسجين .