مشكلتى مع السياره الجميله

**shehabhopazone** · 06-10-2008 12:33 AM

اولا اهلا بيكم وانا مبسوط جدا من المنتدى ده بسبب الاعضاء المتميزين و المنتدى ده السبب اني اشتريت الجميله جين 2 بس انا بواجهه مشاكل كتيره مع العربيه اولها كنت بشتكى من سحب العربيه ولما رحت التوكيل عملولى المشكله ده بس جربت اجيب بيها سرعات عاليه مبتعديش ابدا ال 160 و بعدين حسيت انها اتخنقت تاني و ده حاجه مضيعه حلاوه العربيه من عندي و عندي ايضا اعطال كتير زي مثلا ماكينه الفوانيس عطلانه و الزجاج الايسر للسائق بيعلق و اصوات تزييه في العفشه و الزوايه اللي مش راضيه تتظبط تماما و سحب البنزين البشع على الطريق او جوه البلد و كل ده يا جماعه وانا لسه ما عملتش غير 6500 كيلو بالعربيه وصوت عالى جدا صادر من التكيف ومحدش بيساعدي في التوكيل المقرف ده .....

**r2tarek** · 06-10-2008 01:36 AM

غريبه موضوع المشاكل دى انت بجد خوفتنى جدا لانى اشتريت العربيه من 3 اسابيع بس عندى مشكله تانيه فى صوت فى العفشه فى المطبات بس لاسف انا مسافر خارج مصرفى شغل ولما ارجع هروح التوكيل هى لسه 1000 كم ومشكله البنزين فعلا عندى بتسحب بنزين كتير غير اى عربيه . حاول تروح التوكيل و شوف معاهم حل لو مفيش ابعت للشركه فى ماليزيا انا اعرف ناس هناك ممكن اعطيك ايميلهم .

**khpopo** · 06-10-2008 02:03 AM

استاذى لية ساكت ؟؟!!
وديلهم العربية فى عز الصحراوى حتى لو هاتبات العربية بس متستلمهاش غير وهى تمام.... روح م / امر او م/ احمدعبد الحميد بعد ماتسلم العربية فى مركز الخدمة واحكيلهم كل دة وانشاالله كلة هايبقى تمام

**mfhabib** · 06-10-2008 02:33 AM

ايه ماكينه الفوانيس دى ؟؟؟؟

**tutankhamoun** · 06-10-2008 09:45 AM

و ساكت ليه يا سيدي الفاضل

يجب أن تتكلم مع أحد من المسؤلين هناك
و كما قال الأخوة قبلي
كلم الأستاذ آمر ........ أو الأستاذ حبيب ... أو الأستاذ أحمد عبد الحميد

و إن شاء الله المشكلة تتحل
بالنسبة لكتمة العربية و السحب ليها كذا مشكلة

فلتر هوا مش نظيف
بنزين مش كويس
زيت مش كويس
بوجيهات

جرب تغير البنزين لبنزين أفضل من محطة أفضل
و جرب تحط منظف رشاشات
لو المشكلة مش محلولة بالطريقة دي
لازم تروح التوكيل تاني و تظبط العربية
ده أنت دافع فيها مبلغ مش صغير علشان تبقى متضايق و مخنوق

و إن شاء الله مشكلتك تتحل
ووالينا التطورات

**momenhamdy** · 07-10-2008 12:57 AM

واضح ان عندك مشاكل كبيرة شوية
ركز مع التوكيل
للاسف ممكن العربية بتاعت حضرتك يكون فيها عيوب صناعة (لا قدر الله ) المهم حضرتك متسبش التوكيل ......... عربية 6500 كيلو و فيها كل المشاكل دي غريبة شوية
و ربنا يوفقك الي الخير

**MaGiC** · 07-10-2008 01:52 AM

غريبه جدا جدا جدا جدا ممكن يكون عيب صناعه وجت على حظك بس كلو يتحل في التوكيل

**shehabhopazone** · 07-10-2008 02:37 AM

شكرا جدا يا جماعه على الردود الجميله والمفيده انا ححاول إن شاء الله مع التوكيل وادعولى بس البنزين انا بحط من بنزينه محترمه جدا و ماحدش بيشتكى منها والزيت بيتغير في التوكيل لكن بصراحه ما ركزتش مع باقى الحاجات التانيه

**shehabhopazone** · 07-10-2008 02:41 AM

مكينه الفوانيس اللى بتتحكم فى اتجاه الكشاف الامامي

**shehabhopazone** · 07-10-2008 02:45 AM

في يا جماعه عيوب غريبه ظهرت امبارح جيت من مشوار وبطلت العربيه لقيت مروحه الردياتير شغاله انا استغربت المهم قولت يمكن حتقفل بعد مده بسيطه المهم طلعت و نزلت بعديها بساعتين لقيتها لسه شغاله دورت العربيه وبعدين بطلتها وقفت والزجاج الايسر ليا اتعطل تماما وسحب البنزين يعادل 70 كيلو لكل 10 لتر انا مش عايز اقول انى ندمت و لكن مش حقول اكتر من الحمد لله