اشتريت c180 2003 kompressor و كان عندى كام استفسار

السلام عليكم
انا بحمد الله يا جماعه اشتريت c180 2003 kompressor ماشية 83000كم و فى المستقبل انشاءالله هعمل تقرير عن العربية
بس في خمس حاجات فى العربية محتاجين شغل و انا كنت طامع ان حد يفيدنى
1-طرمبة السنتر لوك محتاجة تغيير عشان بتعلق
2-الكرسي اليمين فى العربية مبيتحركش كهربا اظن في حاجة فى الswitch
3-كاسيت العربسة محشور فيه كاسيت
4- فيه حتة صغيرة اوي في الجلد بتاع الكرسي مقشوطة
5-جلدة الفتيس هلكانة شوية محتاجة تتغير
لو ياريت حد يفيدنى اعمل الحاجات ديه فين و ازاى اكون شاكر جدا جدا
و شكرا مقدما

الف مبروووك المرسيدس عربية محترمة

اقتباس:

---

المشاركة الأصلية كتبت بواسطة ضى القمر

الف مبروووك المرسيدس عربية محترمة

---

الله يبارك فيك يا باشا

معقولة يا جماعة مفيش اى رد
لو سمحتوا يا جماعة يا ريت حد يساعدنى

اقتباس:

---

المشاركة الأصلية كتبت بواسطة shawcky1

السلام عليكم
انا بحمد الله يا جماعه اشتريت c180 2003 kompressor ماشية 83000كم و فى المستقبل انشاءالله هعمل تقرير عن العربية
بس في خمس حاجات فى العربية محتاجين شغل و انا كنت طامع ان حد يفيدنى

1-طرمبة السنتر لوك محتاجة تغيير عشان بتعلق
اسال عليها استيراد الاول و ممكن تعمل بحث اونلاين w203 central locking problem و تقرا تجارب الناس حتلاقى ناس كتير متكلمين فى الموضوع ده. و العربية ليها حجات كتير على المنتديات بره هنا القسم نايم شوية مقارنة بالاقسام التانية

2-الكرسي اليمين فى العربية مبيتحركش كهربا اظن في حاجة فى الswitch
الاول شوف الفيوزات من الكاتلوج, و في علبة فيوزات فى الشنطة

3-كاسيت العربسة محشور فيه كاسيت
لو الشريط كل لما يطلع يخبط فى الباب و ينزل تانى يبقى دوس eject و افتح الباب بأيدك ممكن تسنده و تخليه مفتوح بمفك صغير لحد لما الشريط يطلع

4- فيه حتة صغيرة اوي في الجلد بتاع الكرسي مقشوطة
حد بتاع فرش
5-جلدة الفتيس هلكانة شوية محتاجة تتغير
شوفها استيراد بس متستغربش من السعر

لو ياريت حد يفيدنى اعمل الحاجات ديه فين و ازاى اكون شاكر جدا جدا
و شكرا مقدما

---

شكرا جدا يا باشا على الرد

بالنسبه للكاسيت التوكيل بتاعه في احمد عرابي ( هو نفس وكيل كلاريون) ممكن ترحلهم في موتور بيتغير بيحل المشكله دي

الف مبروك ربنا يديك خيرها ويكفيك شرها
ومستنين التقرير واسعار قطع الغيار
تحياتي