مشكلتي حاليا كلها في السوستة او الشداد بتاع الشنطة و الموضوع محتاج خبرا بجد

السلام عليكم
انا عربيتي كيا ريو 2002 و للاسف اشتريتها من واحد و فيها حاجات ناقصة دوخت علي ما عرفت اجيب معظمها
حاليا انا عندي مشكلة ان الشنطة مبتفتحش من جوه لان مفيهاش لادراع و لا واير و لا اي حاجة و عشان كده لازم ابطل و انزل افتح الشنطة بالمفتاح
و النقطة الاسوء ان الشنطة مفيهاش شداد او السوستة و دول الجزء اللي يخلي الشنطة تترفع لفوق لما يتفتح القفل و طبعا بضطر ارفعها لفوق بايدي و اجيب عصاية و احطها واقفة تثبت الشنطة علي ما اجيب اللي هجيبه بقه
و لما سألت عن السوستة كتير قالولي الشنطة تقيلة و لازم تجيب السوستة بتاعتها مخصوص عشان دي اللي هتستحملها

الاستفسار
حد يقدر يفيدني اجيب السوستة منين؟ ؟؟؟؟
و هل فيه بديل من سيارة اخري بس يكون امان لانه زي ما قلت كتير حذروني مجيبش بتاعتها؟ ؟؟؟؟
هل ممكن حد يسأل و يفيدني لاني دورت كتير و مش لاقيها و الاكيد مفيش منها جديد و هيكون في المستعمل بس؟
و هل تنصحوني بايه عشان افتح العربية بطريقة غير المفتاح و اني اضطر انزل من العربية

و شكرا و معلش لو كنت طولت عليكم