الموضوع: ماجر شقه ومش عارف اعمل ايه مع السكان ال كانوا فى يوم جيرانى

السلام عليكم


انا ماجر شقه فى الهرم لمدام من السودان ساكنه فيها هيا واهلها وناس نحسبهم على خير ان شاء الله ومحترمين بس المشاكل بدات مع العماره اولا اصل الغسيل بينقط علينا رحت حليت المشكله وجبنا غساله لان مكنش فيه وعملت منشر غسيل بعيد عن السكان خالص
بعد شويه :- القمامه بتتمرى قدام باب العماره قلت يمكن علشان اختلاف الثقافات مثلا فنبهت على الساكنه انها تخلى بالها وترمى القمامه فى مكانها وهيا سيده بتستجيب للتنبيهات والموضوع بيمشى كويس
بعد شويه :- اصل الاولاد الصغيرين بيعملوا حمام على السلم برضوا نبهت عليهم والموضوع بيمشى
مع ان فى كل مره سابقه انا مش متاكد انهم هما ال بيعملوا كدا بس طبعا التهمه موجهه ليهم وخلاص من بعض سكان العماره والعماره عندنا فيها شخص ربنا يسامحه غاوى مشاكل من ايام ما كنت ساكن هناك

انبارح رايح علشان اخد الايجار

قابلت الراجل ال على طول بيعمل مشاكل دا وطبعا اسلوبه فى النقاش قزر جداااااااااااااااا علشان كدا مكنتش عايز اتناقش معاه بس هو مصمم يتناقش وكان موجود بعض سكان العماره وقلتله محدش بيشتكى غيرك وواجهتهم ببعض طبعا هو كان متوقع ان الناس كلها هتيجى معاه بس مش عارف هل الناس امامى بكلام ومعاه بكلام ولا ايه الوضع بالظبط

اعمل ايه اكبر دماغى وانشله يولع ولا اخليها تطلبله البوليس مره علشان يرحمها ولا ايه

مع العلم ان وصلى معلومه انه كان عايز يشترى الشقه وتحت دى الف خط يمكن عايز يطفشها علشان ياخدها لابنه مثلا ؟؟؟؟

اعمل ايه يا شباب