الكهرباء لما تقطع وانت راكب الاسانسير ... المشكلة الكبيرة فى الخضة ... خاصة لو فى أطفال فى الاسانسير ....اللى طالع او نازل فى الاسانسير بيتخض من العتمة ويخبط على باب الاسانسير عشان الناس تسمعة
لو ركبت كشاف شحن صغير داخل الاسانسير بحيث لما الكهرباء تقطع الكشاف ينور اتوماتيك.... دة هيحل مشكلة الخضة ويديلك فرصة تتصل بأى حد على الموبايل لو محدش سمعك فى الاسانسير
فكرة كويسة و احنا داخلين على الصيف و الدنيا ح تبقى حر لو اتركبت كمان مروحة من اللى بيتشحنوا و يشتغلوا كمان لما النور يروح
فيه فكره احسن كمان من كشاف الشحن
عرفت مؤخراً ان فيه لمبه عاديه بالشحن بتركب مكان اللمبه الموجوده
اللمبه ديه موجوده عند اى محل ادوات كهربائيه ب 20 الى 25 جنيه
الاحسن و الاحسن capacitor bank للاسانسير لو النور قطع فيه باور كفاية يوصلك لاقرب دور و يفتح لك الباب
متابع
لو ليه ميخزش طاقة توصله للدور
موجود حضراتكم جهاز عبارة عن بوردة و بطاريات back up بيركب بسهولة على اي نوع اسانسير و كل مهمته ايصال الاسانيير لاقرب دور اتوماتيكيا بدون اي تدخل في حالة انقطاع الكهرباء فجأة و طبعا مصدر الطاقة له هي البطاريات دي. في منه نوعين بالسوق المصري ارخصهم ب ٣٥٠٠ جنيه و ده بوردة مصري مع بطاريات مستوردة و النوع التاني تركي بالكامل بوردة و بطاريات ب ٤٣٠٠ جنيه و ده الافضل طبعا. البطاريات متوصلة ٢٤ ساعة لتبقى مشحونة طبعا و في حالة تلف اي بطارية ممكن تغييرها باخرى قيمتها ١٧٥ جنيه. طبعا ممكن تقسيم التكلفة على حسب عدد الشقق المستخدمة للاسانسير و هكذا.
خالص الاحترام للجميع
اشكرك اخى محمد على التوضويح وفعلا هو شى مهم جدا لاى عماره يوجد بها اسانسيراقتباس:
المشاركة الأصلية كتبت بواسطة mohamed_hamdi