الموضوع: اسعار قطع غيار الكريستاله

خلف
سعر شداد خلفي الكبير 75 والصغير 75 سواء اليمين او الشمال(جديد)
مقص خلفي تايواني 145(جديد)
مقص الدنجل كامل 250 (زوزا الحرفيين)مافيش منه جديد
جلبة دنجل تايواني 65 وتركبها عند الخراط ب 10 جنيه(جديد)
فانوس خلفي 140 وامامي130 وفلشر امامي 25 (كله ديبو)(جديد)
موتور:
طنبوره كرنك مستعمل 150 وجديد 450 وترس الكرنك مستعمل 150 وجديد 400
مسمار كرنك 50 (مستعمل)وجديد لو لاقيته ب80(نادر ما تلاقيه)
كباس تكييف 500 في الحرفيين وعند زووزا في الحرفيين ب 600 بالقاعده
عمود كرنك ب700 بالسبيكه مستعمل .وممكن الفصال فيه
سير كاتينه 65 كوري او ايطالي مش فاكر(عند الدوليه في الحي السابع م.نصر)
باور ودينامو 80 جنيه(الصعيدي في الحي السابع)
قنطره موتور امامي من غير القواعد جديده 180 جنيه(نافع دمشق)
بوجيهات 55 واحد شمعه والتلاته شمعه ب80 (الدوليه في الحي السابع ومالقتش في اي حته ارخص من ده)ان جي كيه
اسلاك بوجيهات ايطالي 65 من اولاد جابر في دمشق
طقم الجوانات كامل تايواني 125 جنيه (الدوليه في الحي السابع)
طبه زيت 5 جنيه
غطا زيت 25 جنيه بتاع الهيونداي,,
ريداتير كامل 350 تايواني(نافع دمشق)وهو هو نفسه عند اولاد جابر ب 420
سوست فرامل اصلي 40 جنيه (الدوليه الحي السابع مدينه نصر)وب 80 عند اولاد جابر
تيل فرامل احسن حاجه الكوري ب 60(الدوليه م.نصر)
تيل خلفي 140(شارع دمشق)
طنابيرامامي اخر مره سألت عليها ب180 (نافع شارع دمشق)
الداخل:
مجموعه العتب الداخلي مستعمل الأربعه 200 (الحرفيين)
مجموعه زراير الإزاز مستعمل (250 جنيه ومش هاتلاقي الشمال كله يمين خلي بالك عشان مش هاتبات مكانها صح)(زوزا الحرفيين
زرار نور الصالون 10 جنيه
مجموعه فيوزات صغير 5 جنيه
امام:
شنب اكصدام امامي 65 جنيه(نافع دمشق)
اكصدام امامي او خلفي 160 وكارتيره عجل امامي او خلفي 35 الواحده(نافع دمشق)
فلشر امامي 25 (جديد)
شبكه اماميه من غير علامه 35 وبعلامه 45
مقصات امامي 150 الواحد تايواني(الصعيدي السابع م.نصر)

الحاجات دي ارخص اسعار في الأماكن اللي مكتوبه جنبها,,مش هاتلاقيها ارخص سعر في مكان واحد,,بس الأمانه الشركه الدوليه في الحي السابع مدينه نصر بجد ارخص سعر وناس بجد تمام وساعات بشتري حاجات بالغالي من عندهم

اناا معايا كريستاله 2000 ولسه شاددها والاسعار كانت كالاتي فى شهر 10 / 2017
اشتريت فانوسين قدام الواحد كان ب 350 جنيه من شارع احمد سعيد لانى دوخت على نوع debo
اشتريت فانوسين اشارات الواحد كان ب 120 جنيه نوعهم debo
اشتريت فانوسين خلفى الواحد كان ب 280 نوعهم debo
اشتريت رفارف قدام الواحد كان ب 375 جنيه
اشتريت اكصدام امامى بالفوجات والشبكة من الحرافيين كانوا عاملين 1500 جنيه
اشتريت اكصدام خلفى من الحرفين كان عامل 900 جنيه وكان كل الظوافر بتاعته كامله الحمد لله انما الى حالته نص نص بيبدء معاك من 650 جنيه بس محتاج شغل فايبر