المشاركة الأصلية كتبت بواسطة funy76
أعضاء منتدى نايل موتورز الكرام وبالاخص قسم نيسان - عربيتي نيسان تيدا 2010 امبارح كنت مسافر ولما رجعت من السفر فوجئت ان الطاسة الفايبر اللي على الجنط الحديد مش موجودة وأكيد حد سرقها .
المهم انا سألت عليها في التوكيل ( مودرن موتورز و اوتوايجيبت ) قالوا موجودة وسعرها من غير الضريبة 390 جنيه يعني بالضريبة حوالي 440 جنيه ؟؟؟؟ طبعا سعر استهبال رسمي على حتت طاسة فايبر .
مش عارف اجيبها منين ؟؟ اجيبها من التوكيل وامري الى الله لأن شكل العربية وحش من غيرها ولا في حد تاني ممكن اجيبها من عنده بسعر مهاود شوية ؟؟ برجاء من الأعضاء افادتي .