بتغير تيل الفرامل لعربيتك كل كام كيلو متر تقريبا ؟؟؟؟

**profimh** · 08-04-2014 12:26 PM

المشاركة الأصلية كتبت بواسطة m.abdou

بس الله ما شاء الله

حضرتك عربيتك اوتو ولا مانيوال

اعتقد الرقم ده كبير شويه او يمكن بقى علشان السفر كتير

ربنا يباركلك ويحفظهالك

الله يحفظك
العربية اوتو اما السفر فهو كتير تقريبا كان اكتر من نص المسافة سفر

**profimh** · 08-04-2014 12:30 PM

المشاركة الأصلية كتبت بواسطة no comment

الأرقام دى مش منطقية إطلاقاً ...!

انا معاك بس ده فعلا حصل مش مجرد كلام من زميلى لانه كان بيعمل صيانة العربية معايا فى غبور و كنت متابع الموضوع لانه بصراحة ريكورد

**svneleven** · 08-04-2014 05:44 PM

170 ألف؟ ده فيه ناس بتغير موتور علي 170 ألف أنتو بتغيرو تيل علي 170 ألف؟ ما شاء الله.

**S O P H O S** · 10-04-2014 05:11 PM

المشاركة الأصلية كتبت بواسطة mohamed.hany

انا سواقتي عنيفة شوية في البنزين و الفرامل.
هيونداي جيتز ٤٠ الف
شيفروليه كروز ٢٥ الف
كورولا ٢٠١١. ٢٥ الف

اده يا باشا انت كان معاك جيتز

لا لازم اسمع رايك الي بحترمه جدا
لاني بفكر فالعربية كعربية تانية صغيرة

**Mohamed.Hany** · 11-04-2014 08:03 PM

المشاركة الأصلية كتبت بواسطة s o p h o s

اده يا باشا انت كان معاك جيتز

لا لازم اسمع رايك الي بحترمه جدا
لاني بفكر فالعربية كعربية تانية صغيرة

عربية رائعة سحب و تجميع خيالي، عفشة ناعمة جدا و عربية عالية عن الارض.
ميزتها كمان انها واسعة جدا من جوة بعكس شكلها الخارجي، و اي استقسار تاني انا تحت مرك

**Mohamed.Hany** · 11-04-2014 08:17 PM

المشاركة الأصلية كتبت بواسطة s o p h o s

ربنا يبارك فيك علي سرعة الرد
تقيمك ايه للفرامل والثبات وعيوب العربية من رايك
وهل بتستحمل العمل الشاق زي ما انت عارف يا باشا احنا متعودين علي اعتمادية الكورولا
فيهمني انها تكون بتستحمل وبتقف وتكون معقولة
تحياتي ليك ..

كانت معايا هاي لاين ٢٠٠٨
مغيرتش غير تيل فرامل و بطارية و كلاكس و بعتها في ٢٠١١ وانا زعلان جدا بس مش قوي يعني عشان جبت معشوقة الجماهير كورولا.
العربية بتاعتي مع واحد صاحبي حتي الان و مغيرش فيها غير تيل فقط لاغير حتي يومنا هذا .
الفرامل اقل سنة من الكورولا الثبات اقل سنة من الكورولا اما بخصوص العمل الشاق فهي تستحمل جدا بصراحة.
علي ايامي كان قطع غيارها غالية سيكا بس مش عارف ايه دلوقتي و لي فكرة بتمسك سعر كويس قوي في البيع و مطلوبة جدا من الشباب عشان موتورها

**Mohamed.Hany** · 11-04-2014 08:47 PM

المشاركة الأصلية كتبت بواسطة s o p h o s

ده شهادة تقدير منك يا باشا بصراحة
انك تخلي الجيتز قريبة فبعض الحاجات من الكورولا
شكلك كنت بتحب العربية دي
وكلامك مشجع لخطوة الشراء وفعلا كلامك صح سعر بيعها غالي
علشان بتمسك سعر وكلامك بيأكد انها تستحق كده
ده احنا كده عاوزين موضوع منفصل لمقارنة العربيات الهتشباك الي ركبتها
وتعمل موسوعة فالمقارنة لانها بتبقي ممتازة منك
تحياتي ليك يا غالي ..

هي جمالها انها صغيرة و بتسلك في اي مكان و الركنة سهلة .
بس اوبشنز قليلة بصراحة لو هتقارنها بالياريس هاتش باك.
انا قارنتها بالكورولا في اني مغيرتش قطع غيار غير زيت و تيل