السلام عليكم انا عايز اعرف رايي الناس
انا معايا كيا شوما هاي لاين 99 (abs ,air bags فتحه سقف) و عايز عربيه تكون فيها نفس الاوبشنز اللي في عربيتى و اخري 65 او 70 الف فا مافيش غير العربييتن دول جين 2 و الاوكتافيا
انهى احسن ؟ وليه ؟
عرض للطباعة
السلام عليكم انا عايز اعرف رايي الناس
انا معايا كيا شوما هاي لاين 99 (abs ,air bags فتحه سقف) و عايز عربيه تكون فيها نفس الاوبشنز اللي في عربيتى و اخري 65 او 70 الف فا مافيش غير العربييتن دول جين 2 و الاوكتافيا
انهى احسن ؟ وليه ؟
ايه الاوبشانز اللي محتاجه؟ فتحة سقف هتلاقي في الاكتافيا .. ايرباج و abs هتلاقي في ال 2
a4
يكفي مشاكل الجين 2 حضرتك ممكن تخش علي قسم البروتون وتشوف
ههههاقتباس:
المشاركة الأصلية كتبت بواسطة ahmedalaahosny
ربنا يبارك لملاكها فيها
بس ان بتكلم ان عيوبها اكتر من a4
تحياتي
هو صراحة ياباشا ال a4 شكلها عوجيزي شوية وشكل قديم بس كثبات واداء وفرامل الالماني مافيش كلمه توصفه بس ف الاخر كشكل هتحس انها بقيت قديمه انما لما اشتري عربية مثلا 2010 وهي هي شكل الزيرو موديل السنة صدقني الواحد بيحس بقيمه اللي دفعه اكتر وبرده كتسارع البروتون تكسب لان الاوروبي ف التسارع تحت ال 60 ف الضياع
تمام اللة ينور عليك بس دة عشان العربية تقيلة شويةاقتباس:
المشاركة الأصلية كتبت بواسطة ahmedalaahosny
لكن ك top speed
عربية ممتازة
تحياتي
واضح ان رايك راى مش موثق
والدليل
https://www.youtube.com/watch?v=zvaZMPTZnsg
يا ريس الجين2 ممتعة
وفراملها عندى روعة مع التيل البوش الالمانى
وممتازة فى المناورات وحدوته فى الثبات وطلقة فى السرعات وبلا عبوب عندى الحمد لله
هيا رخمة فى مرايات الاجناب اتعودت عليها بس رخمة
راينج ال 65- 70 يجيبوا ايه و احس انى ركبت و غيرت من الشوما
يا جماعة المسألة مش مستاهلة
الجين عربية كويسة والمشكلة مش فيها
عربيتن جين مع شخصين الاول هيمدح فيها جدا والتاني العكس
فالموضوع مسالة حالة ورأي والقياس علي اني كنت راكب ايه قبلها
محدش هيختلف علي ماتور الجين
بالنسبة للاختيار اني راي سيبك من الاثنين وزود واكرب مازدا 3
تحياتي ..
انا مش عارف الa4 فيها الاوبشنز اللي عايزها دي ولا لأ , اظن الاخوة يفيدوك اكتر مني
عموما رأيي
لو عايز اداء رياضي فعليك و على الجين2
لو عايز اعتمادية عليك و على الa4
لو عايز فخامة و راحة , ممكن تفكر في ميجان2
ده بفرض ان الكماليات في التلاتة واحد , و ان كنت اظن ان الترتيب فيهم للميجان2 ثم الجين2 ثم الa4
راى محترم بس الميجان 2 الانسجام معاها مأساه الا لو العربية زيرووو فقط
وانا سالت اكتر من واحد باع الميجان2 فى اعلانات قديمة على دوبيزل
وللامانه الكل اجمع انى مجبهاش واسك عال رينو كله حصلهم هسهس من ال رينو
بسبب الميجان2 ههههه
الخلاصه
الجين2 مفيش منها شكوى جوهرية ابدا
ممكن شكاوى فى الريش واللى يجى فى الريش بقشيش
هههههههههههههههههه ماقدرش اقول انهم غلطانين الحقيقة
الميجان عموما يا تجيبها حالتها كويسة و مكشوف عليها في التوكيل من الآخر يا ما تجيبهاش من اصله
بتبقى دي عربية و دي عربية تانية خالص , حتى بتبقى بتتباع ارخص كتير كمان
في حين ان اللي معاه ميجان نضيفة بتلاقيه ضارب في العالي
في العموم ال3 عربيات محترمين و يمكن انا قصدت اجيب لك كل واحدة فيهم من الآخر لأني وقعت في الاختيار ده نفسه بين ال3 عربيات دول و زيادة عليهم النيسان صني و المازدا3 و اللانسر الشارك قبل ما اجيب الميجان2 , مع تأكيد طبعا ان كل واحد فينا احتياجاته من العربية اللي بيجيبها غير التاني
بص يا ريس انا معايا قبل الجين2 فاميلى 98 وحاليا اكورد 84 كاملة خليجى
انا بقيت اعتمد على جين2 بعد ربنا طبعا لانها بتسعفنى فى الزحمة وبسرعتها وتجميعها الهايل بجيب بيها
ولادى من المدرسة ومشاويرى رغم قلتها
دا ميمنعش ان الاكورد ممتعة عنها بكتير رغم انها اققدم جامد لكن ليها سحر الهوندا الازلى وخصوصا انها
متحافظ عليها زى البروتون
مشكلة عدم شرائى للميجان2 ان اللى باعوها خلاص قالولى بلاش ابعد عنها
عربيتك لو مرتاح معاها خلاص حظك جميل الحمد لله لكن لا تصلح لترشيحها لحد مينفعش
مبدئيا لو هانتكلم على الجين2 فهي عربية محترمة جدا و درستها لما حفظتها صم و كنت على وشك شراء برسونا زيرواقتباس:
المشاركة الأصلية كتبت بواسطة carrier
اما عن الميجان فانا لو شبه مقتنع بس انها عربية سيئة عمري ما هارشحها لحد لان دي شهادة ربنا هايسألني عنها و انا مش حمل دعوة واحد بس يتضلل بسببي و يقع في مشاكل
اما عن المقياس اللي حضرتك واخده للحكم انها عربية سيئة فهو غير كافي
في مقابله عندنا هنا على نايل ناس باعوها و جابوا عربيات فئات احدث و فئات اعلى و مع ذلك مازالوا على عشقها
التفسير ببساطة ان اللي جابها و ما كشفش عليها ، لبس عربية متهان
و ده كتير
او عاملها كعربية ب60 الف جنيه، فطبعا بهدلته زي ما هاتعمل اي عربية ب150 الف جنيه تتعامل كده، و اغلب الناس دي بيبقوا كده
هي كعربية ببساطة عيبها الاساسي ان اعتماديتها مش عالية
يعني عايزة مواظبة على الصيانات الدورية و عايزة اللي يشتغل فيها يبقى بيفهم فيها زي كل العربيات الجديدة
لو هانعمل مقارنة مفصلة سريعة بين الميجان2 و الجين2
لصالح الجين، التسارع بفرق كبير خصوصا تحت ال100 ، و الثبات، مع تأكيد ان ثبات الميجان2 كويس، لكن الجين احسن ، و الاعتمادية
لصالح الميجان، الباور في نعومته و زاوية دورانه ، و الفرامل بفرق كبير ، و الخامات الداخلية بفرق كبير ، و الكماليات مع تاكيد ان كماليات الجين مش وحشة، و المساحة الداخلية، و عزل الصوت بفرق كبير ، و استهلاك البنزين، و الارتفاع عن الارض، و مستوى التوكيل بفرق كبير، فتيس الميجان ستبترونيك
بالنسبة لقطع الغيار ماعرفش الاصلي بتاع الجين2 بكام
لكن كمثال التيل الاصلي بتاع الميجان ب500 و المقص الاصلي بالف جنيه
و الاستيراد منتشر و اسعاره كويسة، كمثال الفانوس الخلفي بتاع شكل2008 الاقل انتشارا سعره من250 ل300 جنيه استيراد
و التجاري موجود و اسعاره رخيصة برده
كمثال التيل الامامي الريمسا ب180 جنيه و المقص التركي ب200 جنيه
Sent from my GT-N7000 using Forum Runner