حاجة غريبة بعد غسيل بودى السيارة

**knightmido** · 06-10-2008 01:54 AM

السلام عليكم .. من يومين غسلت العربية "البودى بس" بالليل وروحت ركنتها وتانى يوم جيت ادورها حاجة غريبة اول مرة تقابلنى حصلت .... مع اول تكة حضراتكو عارفين بيحصل التشيك على العربية والتانية تدور ... فى التانية العربية ما درتش بالعكس فصلت الكهربا تماما .. ده اتكرر 3 مرات ... وبعدين اساتنيت شوية ودورت الحمد له دارت كويس ... وما اتكررش ده تانى .. مع ملاحظة ان الساعة كانت رجعت للصفر تانى واضطريت اظبطها ... يا ترى ايه اللى حصل وهل له علاقة بغسيل العربية .. وما مدى خطورته ... وشكرا

**NaderNabil** · 06-10-2008 02:01 AM

بص علي قطاش البطارية....ممكن يكون مهوي....

هو بنسبة كبيرة الغسيل ملهوش علاقة باللي حصل....بس هو ساعات بيصادف حاجتين بيحصلوا ورا بعض و ملهمش علاقة ببعض:)

**Dr Ahmed** · 06-10-2008 02:47 AM

مرة حصل معايا حاجة زى كده والعربية رفضت الدوران أساسا
والميكانيكى قال إن المشكلة إن الميه وصلت السبراتير

**faragalla** · 06-10-2008 02:52 AM

غالبا زى ما قال الاخ نادر ان العيب من قطاش البطاره او كابل الارضى الواصل للموتور لان الساعه فصلت يعنى الكهرباء انقطعت عن السياره ومتقلقش ان شاء الله بسيطه

**Sherif Khalifa** · 06-10-2008 04:54 AM

علبة الفيوزات الموجودة جنب رجلك الشمال
بعد الغسيل بالمسدس فى مياة بتتسرب ليها و بتملح الفيش من الخلف
و بتعمل المشكلة دى

الحل انك تفك الفيش و تنظفها بى سبراى 90contact او 60 (الى مفهوش زيت)
و بعد كدة تحط وراها كيس بلاستك كعازل
و بعد كدة لما تيجى تغسل عرف الولد ميجبش المسدس على المنطقة دى

**Hany A Fattah** · 06-10-2008 11:57 AM

المشاركة الأصلية كتبت بواسطة NaderNabil

بص علي قطاش البطارية....ممكن يكون مهوي....

هو بنسبة كبيرة الغسيل ملهوش علاقة باللي حصل....بس هو ساعات بيصادف حاجتين بيحصلوا ورا بعض و ملهمش علاقة ببعض:)

+111111111111