مظبوط لأنها بتحصل معاه في المطالع يبقى ايه علاقتها بالموتور لو مش عارفين يتصرفوا يجيبوا مهندس من المانيا يشوف ايه المشكلة لكن مش يغيروا موتور كامل ده استهبال طبعا الراجل ده ساكن جنبي في المقطم لو لقيته ممكن احاول اسأله عن المشكلة دي
بصراحه هو الموضوع غريب و العيب اغرب
و لولا ان الخبر مدعم بوثائق مكنتش نقلته و خصوصا ان المصدر غير معروف قوي
الفكره كلها في تعامل التوكيل اللي المفروض يكون احسن من كده و خصوصا لو في عربيه غاليه و جديده زي الانسجنيا
هو مش هيخسر حاجه لو بدل العربيه و اتصرف هو مع الشركه الام في الموضوع ده
بس نقول ايه
لا لاسف مش هيعرف ياخد حقه
كتيب الضمان و بنوده هما الحكم و طبعا أي شركة هتلاقيها مظبطه كل بنود الضمان عشان ما حدش يمسكها من ايديها اللي بتوجعها. الراجل مش هياخد أكتر من موتور جديد طالما منصور مالوش مزاج يديله عربية تانية لكن رسمي مش هياخد غير الموتور.
للاسف من غير الوصول لصاحب السياره اشك اننا نوصل لمعلومات زياده خصوصا و ان مصدر الخبر مش معروف و لا مشهور و اشك انه يتابع الحاله
ربنا يسهلها لصاحب العربيه و يعرف ياخد حقه
و بالمناسبه عشان في حد بعتلي رساله زعلتني جدا بصراحه
انا عامل الموضوع للافاده و مكنتش اعرف ان في عضو تاني حاطط الخبر بالفعل في مواضيع تانيه
و ده طبعا مش هجوم علي العربيه و لا غرضي تشويه سمعتها لصالح ال f30 او غيرها
انا مليش مصلحه لا في الهجوم و لا الدفاع عن اي عربيه
انا لا مساهم في شركه عربيات و لا عندي معرض
انا بحاول اكون حيادي علي قد ما اقدر و افيد الناس و اوعيهم لا اكتر ولا اقل
كل حاجة وليها حل
بس التوكيل يقرر كده
للأسف صناعة السيارات فى الأونة الحالية ومن حوالى 7 سنين يعنى من 2007 فيها حاجه غلط
أنا ملاحظ أن قبل كده مكانش فيه مشاكل كبيرة قوى زى دلوقتى فى صناعة السيارات عامة مش الألمانى بس
شوف التويوتا الكورولا الجنوب افريقى - كانت كارثة
شوف الجيتا والباسات فى اول الفتيس ال دى أس جى - مشاكل
شوف البى ام الفئة الخامسة - تغير سربنتينة تكييف كل 120 الف كم ؟؟؟؟؟؟؟؟؟؟ وبكام انتو عارفين
شوف الأوبل فكترا والفتيس الأيزى ترونيك - نفس مشكلة الجيتا
شوف فتيس الفيات الايزى ترونيك نفس الكلام
شوف مشكلة فتيس السكودا فى الموديلات من 2006 الى 2008 لحد ماعرفوا المشكلة منين وغيروا الزيت على فترات قريبة
شوف مشاكل التعليق الناشف الخلفى بسبب التورشن بيم فى أغلب الكورى وبعض الاوروبى
مش عارف فيه ايه ؟؟ ربما احنا بنمر بمرحلة انتقالية لجيل اخر من السيارات أفضل ومعروف ان لازم يحصل مشاكل فى مراحل الأنتقال من عصر لعصر وده طبيعى وحظنا كده اننا بنشترى فى الوقت ده
اعتقد كمان 3-5 سنوات سنشهد سيارات على أعلى مستوى من الأداء والفخامة والأمكانيات - حاليا بنسمع عن مواتير تربو 1600 بتعمل 180 حصان زى الفولفو مثلا شى جميل جدا وتطور هام
بكرة ده يبقى طبيعى وتختفى من الأسواق المواتير الستوك العادية زى مابدأ يختفى المانوال من حياتنا
لازم نصبر - مالناش غير الصبر والفرجة - كان نفسى أشوف علماء ومهندسوا وشباب مصر بيشاركوا فى هذا التطوير ويخرجوا علينا بشىء جديد محترم يغير وجه صناعة السيارات فى العالم - لكن للأسف - امكانياتنا كبيرة وانتاجنا ضعيف جدا - والسلام ختام
م طارق