الحمد الله انها جت سليمة
عرض للطباعة
الحمد الله انها جت سليمة
حمدا لله على السلامة أهم حاجة
طبعا حضرتك عارف إن العربيات العالية عموما اتزانها أضعف بكتير بشكل عام.. وده لازم تحطه في لاعتبارك باستمرار وانت سايق.. علشان رد فعل العربية هيكون صعب قوي وخارج السيطرة غالبا.
لو عايز تعرف معلومات أكتر عن أساسيات ثبات السيارات ممكن حضرتك تدخل على الموضوع ده
http://www.nilemotors.net/Nile/375709-a.html
نيجي بقى لموضوع الفرامل
فعلا.. زي ما الإخوة الزملاء قالوا... ممكن جدا يكون عندك خلل في ضبط الفرامل.. والخلفية بالذات
احتمال تكون المشكلة مجرد ضبط خلوص الفرامل.. وممكن يكون عندك الماستر الفرعي فيه تسريب زيت
لازم تر ح لميكانيكي أمين علشان الفرامل دي لإن حياتنا مش لعبة
...
بتهيئلى طبيعى لانك كنت على منحدر والكوبرى نازل والدوران كبير شويه فطبيعى لما تكبس فرامل وانتا بتلف تحس ان العربيه بتعوم منك بتحصل معايا كتير على الكبارى بالذات والكوبرت كله تراب كمان فلازم تتزحلق
دوست فرامل والطريق واخد دوران
الاحتمال الكبير هو بسبب الطريق (منحني + منحدر + فرامل) = فقد السيطرة علي العربية
و لكن مافيش مانع أنك تكشف علي منظومة الفرامل كلها (تيل - طنابير - ماستر - مستوي الزيت - لزوجة الزيت)
و بعد كده فوق أي كوبري يجب أتباع الخطوات التالية من باب الاحتياط :
1- تخفيض السرعة بحيث لاتتخطي ال 80 كم/س
2- قبل النزول من علي الكوبري تخفيض السرعة و لمس الفرامل بهدوء و ممكن بشكل متقطع
3- في حالة النزول من الكوبري مع وجود ملف يستحسن أنك تسقط غيار
و ربنا يستر طريقنا كلنا
اللي حصل معاك عادي جداً !!!!!!!!!!!
ده طبيعي ان العربية تعمل كده خصوصاً ان عربيتك جيب ودي ثباتها اصلاً ضايع !!!!!!
متعملش كده تاني نهائي مع عربيتك دي - عايز تعمل الحركات دي وتكسر الدريكسورن وتطلع وتجري وتفرمل مفاجئ وتلف دي ليها عربيات تاني ومعروفة للجميع وسعرها طبعاً غالي زي mercedes - BMW
المهم انك بخير و الحمد لله على سلامتك
أظن المشكلة من العربية وواضح ان الفرامل عايزة تتغير نتجية الاهتزازت والصفير اللى انت حكيت عنها
بس سرعة 80 و 100 كليو تعتبر سرعة مش عالية علشان تعمل معاك كده
الافضل انك تكشف على منظومة الفرامل
بشكركوا جدا يا جماعه عالردود والأفاده والنصايح
والله يسلمكم جميعا
هوه انا هحاول ابقى اجرب العربيه فى حته فاضيه اجرى شويه واضغط فرامل وانا رابط الحزام طبعا لو وقفت كويس يبقى المشكله كانت من ضغط الفرامل مع منحنى وانا برجح الموضوع ده
اما بقى لو قعدت تلعب يمين وشمال تانى فهروح للميكانيكى يشوف منظومة الفرامل
ملحوظه : انا لسه كنت عامل شغل فى العفشله مغير بيضات العجل وحاجه اسمها كوتشات فلافل تقريبا ومغير اتنين مساعدين ورا
ملحوظه تانيه : فرامل العربيه عندى المفروض انها كويسه اوى وبضغطه بسيطه بتلم العربيه وكانت من أكتر الحاجات اللى بحبها فى العربيه عندى