عرض للطباعة
لسه جايب العربيه من اسبوعين تقريبا ولسه بظبطها التظبيطات الاوليه
المروحة اللي هي بتاع الريادتير بتعمل صوت عالي اوي الكهربائي قالي دي هتحتاج تتغير بالقاعده بتاعتها , طيب منين يا عم قالي لا دي مش هتلاقيها جديد هتجيبها استيراد :019F3B~14:
كمان العدادات كلها واقفه قالي هتحتاج تجيبها استيراد برده
انا بصراحه مش مصدق المفروض ان دي 128 يعني قطع غيارها متوفره
هل فعلا الحاجات دي بتيجي استيراد؟
ولو كده سعرها كام؟
اللي عنده فكره يدينا رأيه وشكرا جزيلا :beat5:
ماهو انا مستغرب من اسم الموضوع دى عربية قطع غيارها عند البقال
انتظر الناس مالكى 128 يردو عليك
بعد السلام عليكم
المقصود بالاستيراد قطع غيار مستعملة استيراد الخارج و دي ممكن تلاقيه في الحرفين
يعني مفيش منها جديد؟؟؟!
لا طبعاً المروحه موجود منها جديد إيطالى وكويسه جداً
العدادات معنديش فكره الصراحه
بس موجوده طبعاً
روح للصعيدى فى شارع شبرا هتلاقى عنده كل حاجه
معقوله 128 قطع غيارها مش متوفره فى كل مكان
هو حضرتك فمحافظة ايه ؟
المروحه حضرتك بتفكها وتزيتها وبتمنع الصوت واضح ان الكهربائى ده مابيحبش يتعب العدادات فى ورشه بتصلحهم دور فى المنتدى هنا كان فى موضوع لواحد صاحب ورشه بيصلح العدادات
اماكن قطع الغيار انزل عزبه شلبى فى واحد هناك اسمه مينا متخصص فى المراوح فقط ده لو المروحه صوتها ماكتمش بعد التزيت وكمان الوكاله مليانه قطع غيار 128
شكرا جزيلا على الردود
المشكلة اني في بني سويف , هنا قطع الغيار قليلة وبالذات الاستيراد
انا طول اليوم النهارده بلف وادور , لقيت العدادات استيراد سعرها 250 جنية :019F3B~14:
المروحة في منها جديد ايطالي ب 185 والاستيراد 90-100 جنية
الموضوع كده كبر انا مش عامل حسابي على كل المصاريف دي :shyy:
هي كده الاسعار دي طبيعية ولا كده مبالغ فيها؟
لو في فرق كبير في السعر انا ممكن انزل اي حته في القاهرة اجيبها منها
لو حد عنده فكره عن الاسعار يا ريت يدلني وشكرا جزيلا :)
الصوت اللي كان في المروحة مكنش منها هي كان بسبب الحامل اللي بيربطها كان مهري خالص فكانت بتتهز مش ثابتةاقتباس:
المشاركة الأصلية كتبت بواسطة ابو لؤى
والحامل ده مش بيتباع لوحده لازم المروحة كلها على بعضها مش عارف اجيبها استيراد ولا جديد افضل!