تقييم ال 1000 كم IslamGen2

**AhmedGen2** · 06-10-2008 02:45 AM

السلام عليكم

ازيكم يا جماعة كل عام وأنتم بخير العيد خلص يارب تكونوا بصحة وسلامة إن شاء الله ...

====

العداد : 1098 كم
استهلاك البنزين وقت الاستلام: 12.1 L/100Km
استهلاك البنزين حاليا ً: 9.0 L/100Km

(بدون تكييف ، يمكن شغلته مرتين تلاتة)

التقييم العام: ممتازة وكما توقعت تماما ً.

المميزات:

1- شكل خارجى وداخلى ممتاز ودة كان رأى كل اللى شاف وركب معايا.
2- ثبات وإتزان ممتاز ، كل سواقتى معظمها على طرق سريعة (الأوتوستراد طريق الجامعة).
3- إستهلاك البنزين بيقل مع الوقت ، الصفيحة بتعمل حوالى 400 كم.
4- الكاسيت ممتاز فعلا ً مكنتش حاسس بكدة فى الأول.
5- مساحة الشنطة واسعة.
6- استجابة الفرامل جيدة.

-----
---

دة اللى حاضر فى بالى ، عموما هى المميزات لا يختلف عليها أحد وأنا أتفق تماما ً مع كل الميزات اللى ذكرها الأخوة وبأكد عليها ، نيجى بأة للعيوب.

المشاكل والعيوب:

1- مساحة الكنبة ضيقة ، ومساحة الكراسى الأمامية معقولة ، وأنا قاعد ببقى مرتاح جدا ً ، لكن وانا داخل أقعد أو خارج من العربية بحس بالضيق ، أنا طولى 189 سم.
2- العفشة مش مريحة فى المطبات ، خاصة وأنا ماشى على النقر بتاعت قضبان المترو ، بحس إن النقر هتطلع من نفوخى.
3- الفتيس مش ناعم لأ ، ساعات بيعصلج ويبقى ناشف فى النقلة.
4- المالتى فانكشن فى الدريكسيون ، زرار ال Mute وزرار ال Vol - فيهم حاجة مش مظبوطة لسه حاصلة معايا من يومين ، لما بدوس - فوليوم يعمل ميوت لازم ادوس مرتين تلاتة عشان يشتغل ولما بدوس ميوت ساعات يستجيب وساعات لأ ، لازم أدوس عليه مرة أو اتنين ، ساعات يستجيب من أول مرة ( مش عارف بقى أقولهم فى الصيانة ولا لأ أنا خايف يفتحوا يبوظوا الدنيا ويطينوها أكتر ).
5- الكلاكس المفروض متركب على الإيرباج الجزء دة المفروض إنه ثابت مش كدة؟ ، لأنى بحس بخلخلة كدة لما بمسكه وأهزه ، دة طبيعى ولا ايه؟.

ملاحظات:

- سحب العربية حاسس إن الموتور مخنوق.
- أبعاد العربية محتاجة وقت عشان تتعود عليها ، الرؤية من ورا صعبة.
- الريموت لازم أقرب (2 متر/3 متر) ، المفروض 10 متر.
- الكراسى والكنبة حاسس مع الوقت هيتوسخوا فيه واحد نصحنى قالى هاتلهم كوفر ، بيتجاب منين؟.

============

دة كل اللى حاضر فى ذهنى حاليا ً ، عاوز أروح اعمل الصيانة بكرة ، ياترى هيبقوا فاتحين ولا 6 أكتوبر أجازة؟ أروح من الساعة كام؟ ، هياخدوا وقت قد ايه؟ ، وياريت حد يوصفلى أروح ازاى بالتفصيل لحسن أنا ضايع فى الطرق ، انا ساكن فى مصر الجديدة هليوبليس.

**foxmanayman** · 06-10-2008 02:53 AM

اعتقد ان 400kmفي الصفيحة كلام غلط تماما

**AhmedGen2** · 06-10-2008 02:58 AM

المشاركة الأصلية كتبت بواسطة foxmanayman

اعتقد ان 400kmفي الصفيحة كلام غلط تماما

انا لما فولت المؤشر كان 425 كم ، لو حسبتها 9 لتر كل 100 كم ، والتانك تقريبا 40 لتر ، يعنى المفروض ال 40 لتر يعملوا 444 كم ، دة نظريا ً ، فالمتوسط حوالى 400 كم كويس.

**Ayman_52** · 06-10-2008 03:18 AM

وانت طيب ياباشا..وينعاد عليك بالخير ان شاء الله

والف مبرووك عالجميله وربنا يباركلك فيها يارب ويحميهالك ويكفيك شرها

وان شاء الله كل المشاكل البسيطه تتحل فى الصيانه..ومستنين بقيه ملاحظاتك عن الجميله.

**fahd_628** · 06-10-2008 03:22 AM

الف مبرووووووووك و ربنا يباركلك فيها

المشاكل دية بسيطة قلهم عليها فى التوكيل

و على فكرة الصفيحة = 20 لتر

**waleedss** · 06-10-2008 03:22 AM

الصفيحه 20 لتر وليس 40

**AhmedGen2** · 06-10-2008 03:25 AM

المشاركة الأصلية كتبت بواسطة fahd_628

و على فكرة الصفيحة = 20 لتر

أنا كنت فاكر الصفيحة يعنى التانك فول ، شكرا على التوضيح.

طيب على كدة الصفيحة لما تعمل 200 كم يبقى استهلاك كتير ، مش المفروض تعمل 300-350 كم؟

**ahmad alshaaer** · 06-10-2008 06:35 AM

الجين 2 بتستهلك بنزين زياده وفي اعضاء كتير هيعارضوني في الكلام ده ومنهم الاستاذ توت حبيبي ولكن انا والله في صيانة 1000 كم قلتلهم اني كنت بلين وممشيتش اكتر من 110 ومش بقرص وماشغلتش تكييف نهائيا وقالولي هنشوف موضوع البنزين ده
ولكن طبعا اي كلام وهي العربيه ياجماعه كده دي طبيعة الموتور يمكن لانه 110 حصان 1600 سي سي وكمان لوتس اللي عاملاه وكمان اعتقد انه 16 صباب
والرفاهيه دي كلها والمان ده مش ببلاش
عموما انا عرفة العربيه في ظروف مشي اي بني ادم طبيعي مهما تهدي بس الطبيعيانها بتاخد لتر كل 8 كلم صدقوني
اما بالنسبه للتزييق كلنا عربياتنا العفشه بتزيق في مطبات معينه واعتقد ده طبيعي
والحدفه اليمين دي كل الزيرو اللي ركبتوا على الطرق السريعه تلاقي الدريكسيون محمل يمين شويه
وبالنسبه للنشفان اللي في العربيه دي العفشه الرياضيه لان الاسفللت اللي عندنا في مصر طبعا مش زي اللي بره
بالنسبه للاوتوماتيك اخر سرعه بيها وعلى يدي 185 مهما تقرص عليها
وده طبيعي انا اخويا معاه جيتا 2008 اخرها 190 مع ان عدادها 260
العربيه بتبقى مخنوقه شويه في الغيارين الاول والتاني طبعا في الاوتوماتيك وخصوصا مع التكييف ده كمان عاااادي
الجين 2 عربيه حلوه وربنا يحافظ لنا عليها بس كل الكماليات والجمال ده ب90000 جنيه
والكمال طبعا لله وحده يعني ماتقارنش عربيه ب90000 جنيه بعربيه ب200000 جنيه مثلا زي الجيتا لان فيها بردوا نفس الكماليات
اتمنى تكونوا فهمتوني
واللهم ارزقنا القناعه والحمد لله رب العالمين
اخوكم احمد الشاعر

**ahmad alshaaer** · 06-10-2008 06:37 AM

بالمناسبه نسيت موضوع الريموت
الريموت هما عاملينه مايفتحش الا من قريب عشان لو حد لقى المفتاح وانت مثلا في باركينج كبير مايدوسش ويعرف العربيه فين وياخدها ويمشي
وجهة نظر ليه فايده وفيها عيب!!!!

**tutankhamoun** · 06-10-2008 07:08 AM

الف مبروك يا استاذ اسلام

بالنسبة لاستهلاك البنزين

يا جماعة لازم تفهموا العربية صح علشان موضوع الاستهلاك
عايز تطلع كل قوتها
استحمل الاستهلاك العالي
عايز توفر بنزين
تسوق واحدة واحدة و انت طالع بيها في الأول و متزودش عن 80 الى 90 كم / س
و هنا هاتوفر جامد
لان مش انا لوحدي اللي مجرب الموضوع ده
فيه اصحاب كتير اعرفهم جربوا طريقتي و نجحت معاهم

و برضه فيه الاستاذ احمد صيام كان دخل و قال ان الاستهلاك في السفر معاه كان 07 كل 10كم يعني اللتر تقريبا يعمل 13 كم

الكيك داون و القرص على الموتور لازم يحرق بنزين و ده في اي عربية مش العربيات 1600 بس
حتى ال 1300 لو عملت فيها كدا بيزيد استهلاكها عن الطبيعي

بالنسبة للعفشة
أتاكد من ضغط الكاوتش يا استاذ اسلام
قدام 32 و الخلف 30 .......... أو 30 للأمام و 28 للخلف
شوف افضل تولفية ليك من دول
بس انا بفضل
32 ....... 30 ....... بيقلل الاستهلاك و في نفس الوقت بأخد المطبات بشويش
لان متنسوش ......... عفشتها رياضية و مش لازم تكون ناعمة علشان الثبات

بالنسبة لخنقة الموتور
ده طبيعي علشان التليين
بعد اول 5000 كم ........ العربية بتتحول و بتكون افضل كثير

و تحياتي للجميع