عاوز من حضراتكم ترشحولي بطاريه للإنفرتر

السلام عليكم ورحمة الله وبركاته،،،

كنت عاوز أشتري إنفرتر تحسباً لإنقطاع الكهرباء في الصيف طبعاً وكنت عاوزله طبعاً بطاريه عربيه محترمه.

أنا طبعاً عارف إن أفضل نوعيه تمش مع الإنفرتر هي البطاريه الـ Deep Cycle بس طبعاً البطاريه دي غاليه جداً ومش موجوده كتير.

كنت عاوز من حضراتكم ترشحولي بطاريه للإنفرتر بالمواصفات الآتيه:

• أعطالها قليله, عشان هاتكون في البيت ولو حصلها حاجه هاضطر أشيلها على قلبي
• ما تكونش بتعمل إنبعاثات, عشان طبعاً هاتكون جوه البيت

ترشحولي أجيب إيه؟ مع العلم إني هاشاغل عليها مروحتين وتليفيزيون وريسيفر ورواتر؟ وأجيبها كام أمبير؟

شكراً

أنا عاوز استفسر منك علي أفضل انفرتر بالشاحن وفيوزات امان يتكلف كام وصناعته ايه

انا سمعت عن شركة عندها بطاريات deep cycle
وعارضه سعر ١٦٠٠ج تقريبا للبطارية

أنا أعتقد ده أحسن من موضوع ال مول و عملي أكتر.

اقتباس:

---

المشاركة الأصلية كتبت بواسطة ayman_amer

أنا عاوز استفسر منك علي أفضل انفرتر بالشاحن وفيوزات امان يتكلف كام وصناعته ايه

انا سمعت عن شركة عندها بطاريات deep cycle
وعارضه سعر ١٦٠٠ج تقريبا للبطارية

---

والله يا باشا أنا نفسي لسه بابحث في الموضوع ده

بس في واحد صاحبي قال لي إنه السنه اللي فاتت جاب إنفرتر 1000 وات وبيشحن وبيشتغل ups كمان بس كان غالي حبتين. كان بـ 2000 جنيه

لسه هاشوف السنه دي الأسعار وصلت لفين

وبالنسبه للبطاريه: أنا سألت وقالولي إن اللي بيقصر عمر البطاريه العاديه هي إنها تفضى للآخر. لو جبت بطاريه عاديه بس خليت بالك إنك ما تستنزفهاش للآخر المفروض إنها تعيش كتير.

اقتباس:

---

المشاركة الأصلية كتبت بواسطة svneleven

أنا أعتقد ده أحسن من موضوع ال مول و عملي أكتر.

---

أحسن لو مش هاتشغل عليه أحمال كبيره زي التلاجه والتكييف ولو الكهرباء مش هاتقطع مدد طويله

لكن لو الكهرباء قطعت 3 ساعات فما فوق يبقى كده المولد أحسن

بالنسبة للبطارية انصحك تجيب بطارية سايلة مش جافة علشان تقدر تتابع مستوى الحامض فيها وميزة البطاريات السايلة بتتحمل الأحمال الشاقة وسرعة التفريغ عن البطاريات الجافة والأفضل تحطها فى بلكونة داخلية علشان الحامض بتطلع غازات سامه مع الشحن والتفريغ وبالنسبة للامبير حسب احتياجك لكن اقل حاجة تكون 70 امبير ولو تشترى ال100 امبير بتديك وقت اطول والانفرتر بيفصل عند فولت البطارية 10.5 مابيشتغلش اقل من كده فالبطارية مش حتفضى وتوصل ل0 وطبعا ده حماية للانفرتر

السلام عليكم
انا مهتم جدا بموضوع الانفيرتر دة ، وكمان انا صنعت خلايا شمسية على سطح البيت هى اللى بتشحن البطاريات انا جايب بطاريتين seald lead acid 7.2 amps مؤقتا لحد ماشترى بطارية deep cycle بس بردو مش عارف اجيبها منين ،
احب اوضح حاجة بسيطة على الفرق بين البطاريات ال deep cycle وبطارية السيارة علشان نسهل على نفسنا موضوع الاختيار لبطارية الانفيرتر المناسبة باقل تكلفة
اولا :بطارية العربية
الالواح بتاعتها الداخلية بتكون سمكها قليل ، لان استخدامها فى التفريغ بيكون لفترة قصيرة بس بكمية تيار عالية ، ولهذا السبب يمكن تفريغها فقط حتى 25% من قيمة البطارية ( اللى مارش العربية بيسحبهم فى بدئ التشغيل)
ثانيا بطاريات deep cycle
ودى بيبقى سمك الالواح اكبر نسبيا من البطاريات العادية ، وبالتالى بتستحمل تفريغ حتى 75 % من قيمة البطارية علشان كدة بيسموها يطاريات الدورة العميقة يعنى بتقبل تفريغ لاكبر زمن ويمكن اعادة عملية الشحن بدون مشاكل
فبالتالى لو هانشترى بطارية عربية 100 امبير عشان نستخدمها مع الانفيرتر ، لازم مانستهلكش منها فى دورة الشحن والتفريغ بتاعتها اكتر من 25 % من قيمتها، فى الوقت دة تقدر اليطارية تعيش معاك عمرها الافتراضى اللى هو2.5الى 3 سنين بالكتير ، يعنى من الاخر هتعتبر نفسك اشتريت بطارية سعتها 25 امبير فقط
ودة اللى مخلى بطاريات ال deep cycle سعرها اغلى انك بتستفيد من سعتها القصوى اللى هى 75% من قيمتها فبالتالى لازم تكون اغلى
عموما هو دة الكلام النظرى ، لو فى حد جرب يستخدم بطارية عربية مع انفيرتر ، يفيدنا بعمرها كام لحد دلوقتى ، وبيشغلها فى حدود كام ساعة فى اليوم دة اكيد هيفيطدنا جامد لانها اوفر بكتير ،
متابع باهتمام

أنا عندي انفرتر من 6 سنوات
300 وات دا كان أعلى حاجة موجودة
أنا بشغله على بطارية العربية
الكهرباء تقطع أنزل أشغله وأوصل في الفيشة اللي في الجراج وأشغل العربية قد 10 دقايق أو ربع ساعة
ولما الكهرباء تيجي أوصل الشاحن بالبطارية علشان أدور الصبح

هي الألواح الشمسية دي منين وبكام؟؟

اقتباس:

---

المشاركة الأصلية كتبت بواسطة exact

هي الألواح الشمسية دي منين وبكام؟؟

---

ده سؤال مهم جدا وياريت نوصل لحل
لان فكرة الانفرتر غير عمليه ومتعبه ومكلفه وللاسف غير طويلة الامد

اقتباس:

---

المشاركة الأصلية كتبت بواسطة فتح الباب

ده سؤال مهم جدا وياريت نوصل لحل
لان فكرة الانفرتر غير عمليه ومتعبه ومكلفه وللاسف غير طويلة الامد

---

حضرتك الالواح دي لشحن البطاريات فقط وبعد كده الانفرتر يشتغل برضه

يا ترى وصلت لنوع بطاريه كويس ولا لسه

اقتباس:

---

المشاركة الأصلية كتبت بواسطة exact

حضرتك الالواح دي لشحن البطاريات فقط وبعد كده الانفرتر يشتغل برضه

---

اااااااااااه كده وصلت المعلومه انا توقعت ان الالواح يأتى منها الكهرباء مباشرة الى الاستعمال لكن طالما الشحنه التى يستهلكها الانفرتر يتم شحنها بواسطة الالواح اذ انه شئ مجدى واعتمادى للغايه لطالما بدون جهد او ديزل انما السؤال هنا لمن يعرف هل الكميه التى تفقدها البطاريه يتم شحنها اولا بأول ام يتم الشحن نهارا فقط
والاجابه على هذا تحدد اعتماديه المنظومه من عدمه
واخيرا شكرا لحضرتك

اقتباس:

---

المشاركة الأصلية كتبت بواسطة فتح الباب

اااااااااااه كده وصلت المعلومه انا توقعت ان الالواح يأتى منها الكهرباء مباشرة الى الاستعمال لكن طالما الشحنه التى يستهلكها الانفرتر يتم شحنها بواسطة الالواح اذ انه شئ مجدى واعتمادى للغايه لطالما بدون جهد او ديزل انما السؤال هنا لمن يعرف هل الكميه التى تفقدها البطاريه يتم شحنها اولا بأول ام يتم الشحن نهارا فقط
والاجابه على هذا تحدد اعتماديه المنظومه من عدمه
واخيرا شكرا لحضرتك

---

من اسمها الواح شمسية بتشحن فى الضوء فقط ولازم الشمس تكون قوية لزياده انتاج الكهرباء بمعنى ان الكهرباء المنتجة مرتبطة بقوة الشمس كل ماتزيد الأضاءة وطبعا ماتشحنش فى الغيوم او فى الظلام وللاسف قدرتها فى توليد الكهرباء ضعيفة فبتحتاج كمية الواح كتير علشان تشحن البطارية خلال ساعات النهار وليها حسبه هندسيه لحساب عدد ساعات الشحن والمساحه المطلوبة من الخلايا الشمسية حسب قدرتها على توليد الكهرباء
والمشكله هنا ان سعر الخلايا الشمسية غالى !!!

المتجر ده خاص بي واي حد عاوز حاجة انا في الخدمة تشكيلة مميزة من البطاريات الديب سيكل والانفرترات
الاندلس للتسوق
تقبلو تحياتي احمد فاروق

هل من الممكن وضع لمبه امام الالواح بدلا من الشمس تفاديا للغيوم وغيرها من المعوقات ولا ايه

الاخ الكريم لايصلح بحيث لو وضعنا لمبة مثلا 200 وات امام اللوح ممكن ينتج حوالي 100 وات فطبعا لا يوجد فائدة
الحل ان يكون عندك بطاريات تخزن فيها وممكن تستخدم نوع هجين بيعتمد علي الشمس والرياح
واي اسالة انا في الخدمة
احمد

الكهرباء بتقطع دلوقتى مرتين في اليوم بالرغم من اننا في الشتاء ........... الصيف بقى وربنا يديكم وايانا الخير والصحه مش عارف هيقطع كام مره ولمده اد ايه .....

السلام عليكم ورحمة الله وبركاته
اخوكم فالله م اسلام نجيب صاحب شركة المهندس لانظمة الطاقة
بنستورد انفرتر وups اجهزة هندى ماركة تريبالtripal وسوكام sukamوليمنوس
وبطاريات ديب سايكل وجلdeepcycle gell وهى بطاريات خاصة بتخزين الطاقة
وافرعنا بالقاهرة فيصل ومدينة نصر ووسط البلد
والشرقية ابوحماد فاقوس الزقازيق ابوكبير
ارقامى 01028233770
01220076488

اقتباس:

---

المشاركة الأصلية كتبت بواسطة ahm_fa2002

الاخ الكريم لايصلح بحيث لو وضعنا لمبة مثلا 200 وات امام اللوح ممكن ينتج حوالي 100 وات فطبعا لا يوجد فائدة
الحل ان يكون عندك بطاريات تخزن فيها وممكن تستخدم نوع هجين بيعتمد علي الشمس والرياح
واي اسالة انا في الخدمة
احمد

---

انا اعلم جيدا ان اللمبه تهدر فى الطاقه اكثر وبالتالى فقد الطاقه الاكبر لكن انا بتكلم فى الفكره نفسها هل الالواح تشحن بوجود لمبه امامها او اى ضوء اخر من عدمهبهد ذلك يكون هناك اكتر من حل وليكن مضاعفة الالواح بحيث تعطى شحن اكثر بحيث تضاهى مره ونصف على الاقل

السلام عليكم ورحمة الله حرصا منى على تقديم اجابات لحضراتكم اخوكم فالله م اسلام نجيب مستورد انفرتر هندى ماركة سوكام sukamوماركة تريبال tribal وبطاريات ديب سايكل deep cycle وجل المانى وامريكى واتحاد اوروبى ارقامى 01220076488
01028233770