انا معايا 128 موديل 85 1100 سي سي
المهم انا جبت لها كاوتش و جنوط 14 عرض 185
ارتفاع 60
المهم العربية بقى ثباتها أحسن من الاول بكتير بس العربية ثابتة لحد سرعة 120
و بعدها بلاقى العربية هتبدأ تتهز و الدريكسيون يتهز هو كمان
هل دة كدا ترصيص و لا عشان ال 128 خفيفة و مش ثابتة اصلا و نظام التعليق بتاعها تعبان ؟؟
رصص الكاوتش... الاعراض دى تماثل اعراض الكاوتش اللى محتاج اتزان
MMamdouh
اى جنط فى الدنيا سبورت او عادى يلزمه ظبط اتزان ( ترصيص )لان دى مش مشكله جنط ده بيبقى لوجود اختلافات فى كثافات الكوتش اثناء صبه فى المصنه و ده بيخلى فيه اجزاء خفيفه و اجزاء تقيله و ده الى بيسبب الرعشه و ده مش معناه ان العجله بتترصص مره واحده لحد ما نرميها لان مع الوقت بيحصل تاكل غير منتظم فى الكوتش و ده بيخليه فيه اماكن تقليه و اماكن خفيفه يعنى عن تجربه شخصيه على الاقل نراجع على الترصيص كل 5000 كيلو ده هيحافظ على العربيه اكتر لان الاهتزاز الى بيحصل من الغربله بتاع عدم اتزان العجله بيسبب تلف فى العفشه
على فكره فى معلومه نسيت اقولها عشان دى ناس كتير مش عرفها الاجهزه المخصصه للترصيص نوعين فى مكن ترصيص سرعات عاليه و ده مش موجود غير عند اماكن قليله اوى و الى متوفر اكتر منه مكن ترصيص السرعات البطيئه انت ممكن تكون مرصص العجل و بيمشى معاك كويس اوى لحد سرعه 130 او 140 بس بعد كده بتظهر الغربله
هي الغربلة بتظهر عند 120 و انت طالع بس تقريبا في الاول مكنتش موجودة و بتزيد مع الوقتاقتباس:
المشاركة الأصلية كتبت بواسطة cooldjstuff
طيب لو انا هعمل ترصيص ما تعرفش الاربع فرد يتكلفوا كام
البنزينه بتاعت التعاون الى ورا مسرح البالون فى العجوزه فيها جهاز ترصيص سرعات عاليه
الفرده ب 5 جنيه بالكتير اوى