اي توكيل اذا مكنتش تركز معاه مش هتاخد منه خدمه صح لانه بيبقي عاوز ينجز
رقم العضوية : 116012
تاريخ التسجيل : 26Oct2011
المشاركات : 53
النوع : ذكر
الاقامة : المعادى
السيارة: لانشيا
السيارة[2]: شيفورلية
دراجة بخارية: yamaha
الحالة :
ازيكو يارجالة حبيت انقلكو تجربتى مع صيانة الالف كيلو مع توكيل السبع زهراء المعادى
كان معادى الساعة 11 ونص انا كنت هناك من 11 المهم دخلت وكتبت ورقة كدة فيها بيانتى وقالى انتظر حد حينادى عليك يستلم العربية المهم فعلا حد ندة عليا وسلمتة العربية قالى فية اى تعليق ركزو بقى معايا
قولتلة ليا 3 تعليقات التكييف بيفصل كتير كل 10 ثوانى تقريبا الكمبريسيور يفصل ويشتغل تانى فمش بحس ببرودة راح قايلى اوكى دى الترموستات قريبة من الثلاجة فبيبعدوها شوية علشان متفصلش بسرعة المهم قلتلة وعايز اخد هوا من الفرامل وارجلش فرامل اليد والمشكلة الثالثة العربية بتحدف جامد ناحية الشمال وعلى طول وفى طرق كتير اوى وانا كنت قولتلكو قبل كدة انى مغير الكاوتش لو تفتكترو ومركب كونتينيتال
وقولتلة عايز اظبط زوايا للعربية تكلفيتها كام قالى 85 جنية قولتلة اوكى اظبطلى زوايا المهم كلو تمام وسلمتة العربية وشالو كل حاجة كانت جوة العربية وحطوها فى كيس فى الشنطة المهم قالى النهاردة الدنيا زحمة حتستلم على الساعة 4.30 معلش قولتلة مفيش مشكلة وكلو تمام وادانى ورقة كدة بخصم 15 جنية كوبون من الكافيتريا اللى فوق المهم طلعت فوق وطبعا مهمدتش قولت اشوفهم من فوق بيعلمو اية وخصوصا دى اول مرة اتعامل مع توكيل نيسان المهم العربية دخلت على الكوريك والراجل رفع العربية وهوب فك الفلتر والزيت وغير الفلتر والزيت وكلو تمام وللامانة مشفتوش ربط اى حاجة فى العفشة خالص غير انو مسك حاجة زى فرشة كدة وعدى بيها على الاربع كاوتشات وبعدين حط الزيت الجديد وركب الفلتر والعربية نزلت اول لما نزلت راح الراجل راكبها وطلع بيها من على الكوريك عدى على واحد كدة شكلة كبيرة المهندسين كل دة وانا واقف فوق وشايف وراح فاتحلو التكييف والتانى راح حاطط ايدة على فتحة التكييف وقالو تمام وراح ماضيلو على ورقة كدة وراح الراجل مشى وراح ناحية واحد بتاع نفخ الكاوتش ونزل من العربية وراح مظبط ظغط الكاوتش وراح ماشى بيها المهم مشى بعيد وبعدين مشفتش العربية قولت انزل ابص عليها من تحت الاقى العربية طلعت برة الهنجر بتاع الصيانة وواقفة غلبانة كدة على جنب بسأل اللى واقف جنب العربية بقولة هى العربية داخلة تانى تعمل حاجة ولا اية قالى لاء ياباشا مبروك العربية خلصت دى مستنية دورها فى الغسيل وفعلا وقفت كدة ثانية وقولتلة دورها فى غسيل اية ورحت جارى على مهندس الاستقبال الكلام دة كانت الساعة كام بقى 12.15 تقريبا قولتلة انا عربيتى اية اللى تم فيها راح باصص على شاشة كدة قدامة وقالى تمام ياباشا العربية خلصت وواقفة على الغسيل ساعتها بقى قلبت وشى قولتلة خلصت ازاى انا مفيش حاجة من اللى طلبتها اتعملت فى العربية انا متابع العربية من فوق من اول لما دخلت لحد لما طلعت قالى ازاى ياباشا اتفضل معايا وقام معايا فعلا ودخلت الهنجر بتاع الصيانة وهنا بقى ظهر المهندس اللى شفتو من فوق وسالتة اية اللى تم فى العربية قالى تمام كل اللى حضرتك طلبتة اتعمل قولتلة اة طيب بالنسبة للتكييف اية اللى تم فية قالى التكييف تمام انا كشفت علية وكلو تمام قولتلة تمام من ناحية اية حضرتك قالى البرودة مظبوطة قولتة مع احترامى لحضرتك انا شايف حضرتك من فوق قولت للفنى افتح التكييف ورحت معاليك حاطط ايدك قدام فتحة التكييف وقولتلة تمام ومضيتلو على ورقة ومشى حصل قالى اة قولتلة طيب سامحنى ومتزعلش هو حضرتك ايدك فيها ترمومتر مثلا قالى لاء بس حسيت بالبرودة انها مظبوطة قولتة طيب حضرتك قريت الجوب بتاع العربية قالى اة قلتلة مستحيل لانى مش بشتكى من البرودة اللى طالعة من التكييف انا بشتكى من ان الترموستات بتفصل كل 15 ثانية قالى مهو دة الطبيعى بتاع العربية علشان السيفتى بتاع الكمبروسير ودة امان لحضرتك اكتر واى كلام بقى فى الحمادة قولتلة ودة اية علاقتة بان حضرتك بتبص على البرودة بتاعة التكييف وثانيا انا لو بشتكى من البرودة حضرتك اكيد فى اجهزة عندكو تقييس كمية الفريون مش تتقاس بأيد حضرتك قالى مهى حتأخد وقت وهنا صدمنى من الرد قولتلة وهو انا قولت لحضرتك انى مستعجل وبعدين مهندس الاستقبال قالى ان موضوع الترموسات وقريب من الكويل الداخلة ومش عارف اية وممكن يتبعد شوية وكدة قالى لاء دة فى الموديلات القديمة لاكن الشكل الجديد مش بنقدر نعمل كدة مفهمتش لية برضو بس قولت ماعلينا بس طالما بتحلوها فى الموديلات القديمة طب ماتحلوها فى الموديلات الجديدة طالما عارفين الحل المهم قولتلة طيب الزوايا قالى اة الزوايا العربية بتاعة حضرتك كان ظغط الكاوتش مش مظبوط كان فية عجلة 39 وعجلة 32 وهو دة اللى مخلى العربية تحدف معاك قولتلة بس بقى مستحيل لانى امبارح الساعة 10 بالييل كنت فى بريدج ستون ومظبط الكاوتش قدام 31 وورا 30 ومستحيل يكون الفرق بين جهاز بريدج ستون وجهازكو 8 او 9 درجات تفرق فى درجة اتنين بالكتير لاكن مش كل دة وبعدين انا طلبت زوايا يبقى تدخل زوايا والجهاز هو اللى يحدد اذا كانت محتاجة ولا لاء وبعدين انا عندى الحدفة دى من اول ما استلمتها من المعرض ومن ساعة ماظبط الكاوتش الماكسس اللى جاى فيها قالى اوكى حندخلها تانى ونكشف على التكييف ونكشف على الزوايا وهنا بقى حسيت طيب ماهى كانت جوة لاحول ولا قوة الا بالله اتفضل حضرتك فى الاستراحة طلعت فوق وطبعا كنت متوقع علشان انا كنت رخم معاة انى اخر واحد حخرج من المركز بس الصراحة مخرجتش اخر واحد هما بيقفلو الساعة 5 تقريبا انا مشيت 5 الا ربع بالظبط المهم دخلت العربية على التكييف بعد ماطبعا مادخل قبلها بتاع 4 عربيات وقعدت على الجهاز بتاع حوالى ساعة الاربع ويظبط حاجات ويشغل حاجات كدة فى الجهاز اللى واصل بالعربية ومش عارف اية وراح جايلى قالى التكييف تمام مش ناقص ولا جرام زى ماقولت لحضرتك قولتلة معلش انا كدة مطمن اكتر متزعلش قالى اوكى انا مش داخل تحدى مع حضرتك انا المهم انى اقدملك الخدمة بشكل بريح حضرتك وتكون راضى عنة هو بصراحة محترم جدا لدرجة انك متعرفش ترد علية وبعدين دخلت على الزوايا وخرجت وجيت الساعة 4 ونص ندهولى تعالى حاسب روحت احاسب ولقيت مكتوب زيت وفلتر وضريبة ومش مكتوب الزوايا قولتلهم انتو معلمتوش الزوايا برضو قالى لاء اتعملت قلتلة طيب عايز اعرف تم فيها اية قالى حييجى لحضرتك ريبورت مكتوب فية الزوايا واللى تم فيها وتقدر تتناقش فيها مع المهندس وفعلا المهندس جالى بالريبورت وقالى فعلا حضرتك عندك حق العجل كان مفتوح شمال بس مش كتير والعربية ظبطت زوايا قولتلة طيب متزعلش منى لو انا كنت خدتها وسافرت بيها ولا مشيت ليها لصيانة الخمسة الاف وفيها زوايا مش كان الكاوتش حيبوظ وساعتها انتو مكنتوش حتعملولى حاجة طبعا ردو بقى اللى نرفزنى اكتر قالى لاء مش للدرجادى لان الظبط من كتير اوى ومكنش حيأثر اوى على الكاوتش وساعتها كنت اخر اليوم ومش قادر اناهد معاة واتعب قلبى قلتلة طيب شكرا يابشمهندس واستلمت العربية ومشيت بعد الغسيل المهم بقى محدش قالى حروح تانى امتى فى صيانة ال 5 الاف ولا ال 10 الاف على طول ولا ادونى ورقة بالصيانات مع انى طلبتها من مهندس الاستقبال اكتر من 6 مرات وكل شوية يقولى حاضر وينفضلى واخر مرة قالى وانتا بتستلم حسلمهالك انشاء الله ولا حياة لمن تنادى ودى كانت تجربتى مع مركز صيانة السبع زهراء المعادى وحبيت انقلهالكو
رقم العضوية : 18381
تاريخ التسجيل : 09Sep2008
المشاركات : 679
النوع : ذكر
الاقامة : ALMENOFIA
السيارة: لا يوجد
السيارة[2]: kia carens والحمد لله
دراجة بخارية: لايوجد
الحالة :
اي توكيل اذا مكنتش تركز معاه مش هتاخد منه خدمه صح لانه بيبقي عاوز ينجز
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
كل التوكيلات كده في مصر ...............
رقم العضوية : 92982
تاريخ التسجيل : 31Mar2011
المشاركات : 3,749
النوع : ذكر
الاقامة : Cairo
السيارة: Fiat
السيارة[2]: Fiat
دراجة بخارية: لا
الحالة :
مبروك الصيانه
وانت المفروض يبقى معاك كتيب الصيانه ان مكنتش استلمته من المعرض
فبتستلمه من المكان اللى المعرض اداك ورقه تستلم بيها كتيب الصيانه
بالنسبه للصيانات هتروح كل 5000 كم
يعنى هتروح لما العربيه تعمل 6000 كم ثم 11000 كم
طبعاً لو انت غيرت زيت 10000كم وهوه ده الافضل
يبقى صيانة ال 5000كم هتبقى تربيط عفشه وخلاص
بالنسبه للتكييف كل عربيات نيسان الجديده كده
لا اله إلا الله محمدُ رسول الله
رقم العضوية : 58964
تاريخ التسجيل : 15Jan2010
المشاركات : 3,927
النوع : ذكر
الاقامة : سـكـــــودا فورمان 1994
السيارة: سكـودافليشيا 1996
السيارة[2]: سـكــــودا كومبى 1996
دراجة بخارية: سكـــودا فابيا 2002
الحالة :
أى كلام عند بتاع الحمام
مشكور على نقل التجربة
رقم العضوية : 133785
تاريخ التسجيل : 21Jan2013
المشاركات : 92
النوع : ذكر
الاقامة : الأسكندرية
السيارة: كيا سيراتو
السيارة[2]: أوبل كورسا
الحالة :
انا في اسكندرية و روحت التلات فروع في كل صيانة بروح فرع غير التاني و التلاتة زي الزفت
العربية بتدخل الصيانة زي ما بتطلع و لحد دلوقتي انا مغير 3 تيل فرامل و الرابع في السكه و انا لسه لحد دلوقتي ما عملتش غير 27 الف كيلو بالعربية !! كل ما اروح التوكيل يقولي اصل نوع التيل ماكنش حلو و دلوقتي بقا حلو !
رقم العضوية : 133042
تاريخ التسجيل : 03Jan2013
المشاركات : 1,426
النوع : ذكر
الاقامة : cairo
السيارة: بيجو 301
السيارة[2]: اوبترا 2013
الحالة :
مفيش ضمير ...الناس مش حاسه اننا دافعين دم قلبنا في العربيات دي
اللهم ارنا الحق حقا و ارزقنا اتباعه
و ارنا الباطل باطلا وارزقنا اجتنابه
رقم العضوية : 133785
تاريخ التسجيل : 21Jan2013
المشاركات : 92
النوع : ذكر
الاقامة : الأسكندرية
السيارة: كيا سيراتو
السيارة[2]: أوبل كورسا
الحالة :
يا دكتور عماد ماحدش بيعامل ضميره في مصر غير لما يكون خايف لو القانون جامد كفاية على الشركات و في رقابة و عقاب لما يستهزأوا بأرواح و اموال الناس كده كان ساعتها راعوا ضميرهم مش عشان هما عندهم ضمير لكن عشان هما خايفين من العقاب القانوني
رقم العضوية : 1648
تاريخ التسجيل : 31Jul2007
المشاركات : 1,667
النوع : ذكر
الاقامة : ELHARM
السيارة: الحمد لله كدة رضا
السيارة[2]: Nissan sunny S.S.2012
دراجة بخارية: bajaj 200NS
الحالة :
احنا فعلا كنا معتقدين أن الآجانب عندهم ضمير أكتر مننا لكن فى الحقيقية هو موضوع رقابة وقوانيين وعقاب للمخطىء
رقم العضوية : 111716
تاريخ التسجيل : 29Aug2011
المشاركات : 130
النوع : ذكر
الاقامة : cairo
السيارة: Nissan Sunny
السيارة[2]: Sephia
دراجة بخارية: no
الحالة :
المشكله انهم بيستقبلوا عدد عربيات اكتر من القدرة الاسيعابيه بتاعه المكان عشان كده بيقلبوا العربيات .... ميعرفوش الواحد بيعاني قد ايه عشان يفضي نفسه يوم عشان يعمل الصيانه ونفسه كل حاجه تتعمل في العربيه عشان يقدر يمشي بيها مرتاح لحد معاد الصيانه اللي بعده ماهو عشان كده احنا اشترينا الزيرو عشان نترحم من الورش وقرفها ونتعامل مع التوكيلات ونظامها وروقانها نقوم في الاخر نتقلب ويتعمل علينا شغل برده ... حسبنا الله ونعم الوكيل
chepo سابقا
المفضلات