كل الكلام الفارغ بتاع نظيف دا يتلخص فى جملة واحدة:
الحياة بقى لونها بمبى وكله تمام ياريس إرضى عنى وسيبنى أكمل كام سنة كمان
عرض للطباعة
كل الكلام الفارغ بتاع نظيف دا يتلخص فى جملة واحدة:
الحياة بقى لونها بمبى وكله تمام ياريس إرضى عنى وسيبنى أكمل كام سنة كمان
انا مش موضوع التصريح بالحياه الفل اللى هنعيشها ...
انا اللى غايظنى اوى انهم استغلوا نزول الاسعار العالميه فى بعض المعادن وانسبوها لنفسهم
يعنى لما زادت الاسعار ... بقى النظام العالمى الوحش هو اللى عمل كده
ولما نزلت الاسعار ... بقت الحكومه الحلوه المسكره هى اللى نزلتها علشانا !!!
حسبنا الله ونعم الوكيل ... نفس الموضوع بنشوفه فى الشغل
واحد مدير .. يشوف شغلك وشغل غيرك وينسبه لنفسه عينى عينك قدام مديرينه
لا وكمان يقولك مصر اجتازت ازمه زياده الاسعار !!!
يعنى اجتازناها ازاى مش فاهم ؟؟ مفيش اسعار ارتفعت عندنا ؟
ولا يعنى علشان نص الشعب مماتش يبقى احنا نجحنا فى اجتيازها !!
الناس دى بتضحك على مين ؟؟ عقليات الناس ايام حفر القناه مبقتش موجوده للكلام ده !!
طيب طالما انتوا حلوين كده فى اجتياز الازمات ... عملتوا ايه بقى فى ازمه الدويقه والناس اللى فعلا ماتت ؟؟
عالم عايشه فى الوهم وسايبين البلد تولع بجاز ... حتى الجاز مش راضيين يرخصوه
بجد أول مرة أحس إني هايجيلي سكتة دماغية !!
حكومة ايه اللي عملت؟ الأسعار العالمية انهارت من شهرين، بدأت بالقمخ والزيوت لغاية الألبان، عندنا بقى اللبن -مثلا- زاد لـ 6.5 أو 7 للمعلب و4.5 أو 5 للسايب من غير مناسبة
أسعار الحبوب ثابتة رغم انخفاضها عالميا بما لا يقل عن 20%
الزيوت أظنها كما هي دون تغيير
اللحوم ولعت
والسبب مش الفشخرة ولا المنظرة .. السبب الاحتكار
نقسي اعرف التصريح ده اتقال ازاي؟
بالمناسبة أسعار الوقود حاليا أرخص من أسعارها حين صدور القانون المشئوم اللي رفع أسعار الوقود .. يعني -نظريا- المفروض أسعارهم ترجع زي ماكانت .