اللواء حسن البرديسى يعلن الحرب على فوضى المرور

إعلان الحرب على فوضى المرور

كتب ـ عبدالهادى تمام وهانى بركات:
http://www.ahram.org.eg/Media/News/2...460504-846.jpg
مشهد نأمل فى أن يختفى قريبا من مصر

بعد أن وصلت فوضى المرور إلى حد غير مسبوق، تمثل فى الاختناقات التى تشهدها العاصمة، أطلق اللواء حسن البرديسى ـ مساعد وزير الداخلية لمرور القاهرة ـ تحذيرا لقائدى السيارات، يفيد بأن زمن الفوضى انتهي. البرديسى الذى كشف عن توقيع نحو 235 ألفا و147 مخالفة مرورية متنوعة فى العاصمة خلال شهرين ـ حذر قائدى السيارات من أن فرق الانتشار السريع وكاميرات مراقبة الطرق والمحاور، تكشف جميع المخالفات المرورية، وترصد أى سيارة تسير فى الاتجاه المعاكس، مؤكدا أنه ستتم إحالة المخالفين بالسير المعاكس إلى النيابة فورا. واذا كان مرور القاهرة قد حرر عشرات الآلاف من مخالفات انتظار سيارات فى الممنوع و20 ألف مخالفة دراجة بخارية، فإن الجيزة ـ توأم العاصمة ـ استجابت هى الأخرى للقضاء على فوضى المرور، حيث قرر اللواء مصطفى درويش ـ مدير إدارة مرور الجيزة ـ إعلان الحرب على العشوائية بالشوارع للقضاء على التكدس المرورى ومعاقبة المخالفين.

فكرونى بتصريحات وزير الداخلية السابق
إن اللى هيمشى عكسى مش هنسيبه

http://www.nilemotors.net/Nile/302423-a.html

وبتصريح محافظ القاهرة ان التوكتوك اللى هيتمسك على الطرق الرئيسة هيتصادر
على العموم

أفلحوا ان صدقوا
شبعنا تصريحات
المهم التنفيذ على أرض الواقع
وعلى الكل مش ناس وناس

يا باشا البلد عمرها ما هيتصلح حالها
بتوع المرور دول اصلا قمة فى التعنت و القرف
انا من المنصورة
الى من المنصورة يقولك بقت عامله ازاى كل الشوراع زحمه
وانك تلاقى عسكرى او امين شرطه مفيش
امبارح راكن العربيه ومعايا عربيات كتير ادامى فى مكان فاضى مفيش عربيات بتعدى منه اصلا ومش مخالف و لا قاطع طريق
اجى ابص الاقى معمولى مخالفه على الازاز مخالفه تعطيل مرور
مع انه الشارع ماشى و العربيات بعيد عن اى زحمه اصلا ومكان متعارف انه الناس بتركن فيه
انا شيلت المخالفه بكل هدوء و قطعتها و قلت البلد دى عمرها ما هتنضف ولا هينصلح حالها
بدل ما ماشيين يوزعوا مخالفات على العربيات يقفوا ينظمو المرور ولا يفتحو الطرق و يمشوا بتوع الميكروباصات الى بيقفوا فى اى مكان وفى الشوارع المهمه

للأسف الحملات ديه موجهه للعربيات الملاكى فقط
انما الميكروباصات اللى سبب ازمة المرور بالكامل ماشيه من غير نمر وعربيات لا تصلح للاستهلاك الادمى

فيه كمين علطول عند محطه البحوث تلاقى الكمين سايب الميكروباصات بتحمل فى نص الشارع وعربيات كلها مخالفات ويروح للملاكى يشوف رخصه
وبعدين ميجيش يطبق الانتظار صف تانى وهوه مش موفر لا جراجات ولا اى حاجه
عاوز يحل ازمة المرور يبقى فيه رقابه مشدده على الميكروباصات
ويلغى نظام السياس
ويوقف ظابط شرطه وعساكر معاها فى الاماكن المعروفه بالزحمه زى مثلا الطالبيه بالهرم تلاقى الشارع 4 حارات وحاره بس اللى ماشيه علشان سائقى الميكروباص اللى واقفين فى وسط الطريق

حسبنا الله و نعم الوكيل. طب انت مش هتعمل حاجة و احنا عارفين انك مش هتعمل حاجة. اتلهي بقي و اسكت مش كمان بتفشر علينا. الواحد خلاااااااااااااااص زهق فعلا.

[img3]http://img203.imageshack.us/img203/8138/2vhb.jpg[/img3]

انا كا ما ابص علي اول صوره ديه جسمي بيقشعر و بحس بنرفذه شديده و اجتناق نفس
http://www.ahram.org.eg/Media/News/2...460504-846.jpg

من كتر ما سمعت كلام اعتقد المشكلة هتتحل
لاننا هنفضل نسمع فكلام ومش هننزل خالص فالازمة تتحل
(علي الاقل بالنسبة لينا)

اقتباس:

---

المشاركة الأصلية كتبت بواسطة ashrafwolf

انا كا ما ابص علي اول صوره ديه جسمي بيقشعر و بحس بنرفذه شديده و اجتناق نفس
http://www.ahram.org.eg/media/news/2...460504-846.jpg

---

الصورة من فوق كوبري غمرة
جنب بيت والدتي
دول كدة محترمين
بيقفلو الطريق الاربع حارات يحملو ومحدش يعدي من وراهم
مافيا وبلطجة وقلة اداب وسفالة
خطوط العتبة مسطرد
بسعه فوق الوصف

فعلا دي فوق كوبري غمرة وكده كمان مش زحمة

كده مش زحمه اصلا

طريقة قوية جدا وخطرت علي بالي انا في رأاي ان اي مكروباص يعطل الشارع ويكون متعمد يطبق قانون انه يضربوله الكاوتش بحاجة تبوظهوله بحيث انه ميعملش كدة تاني والله العظيم الحركة دي لو اطبقت كل سواقين المكرباصات هيترعبو رعب جامد جدا وخصوصا ان فردة الكاوتش شوفو بكام واغلي من تمن المخالفة لو يطبق قانون زي دا محدش هيستجرأ يقف اكتر من دقيقة يحمل فيها ويمشي جري

دى سمة اساسية فى كل المحافظات الزحمة وتكدس السيارات..........تعالوا شوفو فى الغربية وبالتحديد طنطا.....وسعوا شارع البحر وبعدين هى هى وشارع الجلاء 3 اة اربع حارات ويضيق عند كوبرى القرشى حيث حارة واحدة والجانبين باعة جائلين وخلاف وقوف الميكروباص بمدخل الكوبرى
الظريف الونش كل شوية شايل عربية......من الشوارع الراقية ويقدرش يكلم حد من بلطجية المكروباص.....احنا بلد فيها الكثير من القوانين ولكن لايوجد تطبيق لها وان طبق منها شئ يطبق على الغلباااااااااااااااااااا ااااااااان..........لكى الله يامصر

إتهرينا فشر ...

مواصلات غير ادمية و سوقين بلطجية عوزين الحرق و تيجى تكلم واحد فيهم يقلك يا بية انتا بتكلمنى لية انا عربيتى اغلى من عربيتك و قلة ادب و سفالة و حقد و كراهية و البلد دى مش هيتصلح حالها ابدا طول ما فيها الاشكال الضالة الى فى الشوارع طيب نحسبها بل عقل حكومة مرتشية و شعب همجى و شرطة لصوص و حرامية و عوزين ينهبو عاوز البلد تنصلع حالها ازاى حتى لو جبتلى واحد من المريغ يشغل البلد مش هيعرف ارضو بالامر الواقع و الى مش عجبو يتكل بس ياريت يقولى اتكل ازاى عشان اروح معاة

هههههههههههههههههه - كوميدي جدا - 235 ألفا و147 مخالفه
لا كتير بصراحه
يعني دول نسبة كام فى الميه من 6.8 مليون سياره مرخصه (( مرخصه )) فى القاهره فقط
90 % منهم ماشيين غلط
هههههههههههههههههه - مضحك جدا

مفيش فايده

هم يضحك وهم يبكي

وانا لله وانا اليه راجعون