النهارده و انا ماشى فى أمان الله لقيت العدادات كلها وقفت و أنوارها طفت :Copy of majd(4):.. حد عنده حل قبل ما اروح للكهربائى .. و لكم جزيل الشكر .( فيات تمبرا 1994 هاف إنجيكشن عدادات ديجيتال ) .
عرض للطباعة
النهارده و انا ماشى فى أمان الله لقيت العدادات كلها وقفت و أنوارها طفت :Copy of majd(4):.. حد عنده حل قبل ما اروح للكهربائى .. و لكم جزيل الشكر .( فيات تمبرا 1994 هاف إنجيكشن عدادات ديجيتال ) .
راجع الفيوزات هتلاقى فيوز ضرب
للإفادة .. أنا رحت للكهربائى و بص على الفيوزات قاللى الفيوز سليم .. قلتلو طب إيه الحل و المشكلة فين قاللى روح لبتاع عدادات .. قلتلو طب ما تشوف يمكن فيه سلكة فاصلة فى التابلوه ولا حاجة .. قاللى ماقدرش لأن التابلوه عداداته ديجيتال و ماقدرش اشتغل فيه لازم تروح لحد بتاع عدادات .. روحت البيت متنكد طبعا .... بس قبل ما اركن العربية و اسيبها جت فى دماغى فكرة كنت فكرت فيها قبل كدة بس قلت اروح للكهربائى و اريح دماغى .. الفكرة ان العربية فيها كمبيوتر .. قلت يمكن الكمبيوتر مهنج .. و طبعا الكمبيوتر لما يهنج بنعمله ريستارت .. قلت بس أشيل كابلين البطارية ( الموجب و السالب ) دقيقتين و ارجعهم تانى واهى مجرد محاولة بائسة و مش هاخسر حاجة .. بالفعل نفذت الفكرة و بسم الله فتحت الكونتاكت .. و كانت المفاجئة السارة جدا بالنسبة لى .. كل حاجة رجعت زى ما كانت و كله تمام و العدادات شغالة تمام و الحمد لله ماحتاجتش اروح لبتاع عدادت http://www.nilemotors.net/Nile/image...h22%5B1%5D.gif .. قلت انقلكم التجربة للإفادة .
شكرا لنقل التجربه ....................... والمد لله انها بسيطه .