الموضوع: الفرامل بتحدف شمال

روحت النهاردة للميكانيكي مش عارف و لا كأنة عمل حاجة خالص
الموضوع من اولة اصلا ان العربية اتقلبت منى بسبب الفرامل دة على الدائري بسبب الحدفة
و مرة كنت على الكورنيش بردك واحد دخل ادامي روحت كابس فرامل و كنت هخبط في اللي جنبي بسبب الحدفة

المهم انا روحتلو و قولتلة اننا غيرنا ال 4 تيل الشهر اللي فات و بردو العربية فضلت تحدف شمال

قام فاكك العجل الادماني و اعد يشوف التيل و خدة و اعد يحكه في الرصيف مع انة مش بيصفر و لا فية و ساخة لسة مالحقش عشان جديد ؟؟؟؟؟

راح اعد يشوف الهوا و قالي هناخد هوا و كارك و هوب راح مقفل العربية و ربط الكاوتشات ؟؟؟؟؟؟؟؟؟؟؟؟؟
قولتلة احنا عملنا اية كدا يعني مفرقتش عن المرة اللي فاتت حاجة لما جبنا تيل جديد
و خدنا هوا الموضوع اكبر من اننا ناخد هوا و ان التيل مش مظبوط قالي جرب بس و مش عارف اية
روحت جربت لقيت الفرامل بقت تقيلة و الاول كنت احسس عليها توقف دلوقتي لازم ادوس جامد
رجعتلة قالي ده عشان لسا بيطبع ؟؟؟؟
روحت ماشي و انا متضاق جداا
و لا شاف مساتر و لا بص شاف المواسير فيها و ساخة
المهم قالي جربها و اعمل بيها مشوار و كدا و لو حدفت تعالى بكرة نشوف اللي ورا عشان اللي قدام كويسين

المهم رجعت البيت و انا راجع جربتها لقيتها بتحدف زي ما هي و لا كأ،ي عملت حاجة
ضيعت فلوسي و ضيعت و قتي
و هروح بكرة تاني

الفيات كله فيه المشكله دى على فكره ان الفرامل بتحدف شمال ديما بس طبعا مش بالشكل الفظيع الى انت بتقول عليه ده فى واحد فى شارع مسره فى شبرا ده متخصص فرامل بس تقدر تروح هناك و تسال عند مكان سينما مسره القديمه الى اتهدت هيوصفولك مكانه بالظبط ده احسن واحده هيشوفلك حل للموضوع ده و بشكل نهائى بس خلى بالك احتمال كبير اوى تحتاج تعير طنبوره كمان ممكن تكون اتعوجت من ميه جت عليها و هيا سخنه من الاحتكاك و لما بتدوس فرامل بتخليها تقفش طبعا كل دى اقرب الاحتملات الممكنه

انا خلاص كرهت العربية وكرهت الميكانيكية و قلة الضمير

النهاردة رحت لميكانيكي تاني قمنا روحنا جربنا و كانت العربية بتحدف حدف رهيب قام نزل و شاف مين بيمسمك و كدا
و اتضح ان الفردة اليمين ورا مش بتمسك كويس وواحد بتاع تاكسي كان شايفنا قالنا كدا

المهم روحنا الورشة و قعد يفك العجل و جة يفك الطنابير الشمال اتفكت بالعافية و اليمين اول ما خلعها فكت علطول

المهم قعد كدا تقريبا بيفكر
قالي العربية عايزة عمرة فرامل ورا ؟؟؟؟؟؟؟
انا عمري ما سمعت الكلمة دة اصلا
المهم قالي بعد ما هنعملها هنعد نشوف لو في مواسير مسدودة _______و هي دة الجملة اللي كشفتة انه عايز يعمل عليا شغل
المهم قالي هنغير الطنابير ورا و المسترين و ال 4 تيل و سيلك فرامل يد و نجيب بدلهم جديد المهم كلمت واحد اعرفة قالي هيتكلفوا 240 ج
و سألته انت مصنعيتك كام قالي 150 و عشان خاطرك 120 ؟؟؟

المهم استكترت المبلغ و اصلا التل لسا ملية جديد و الطنابير كويسة بتمسك و سيلك فرامل اليد حلو و بتمسك حديد ؟؟

المهم قولتلة مش عايز شكرا و خد كشف 15 ج

اتخنقت قومت روحت للراجل اللي كنت عندة امبارح و شاف ادام و كان كويس و قالي هنشوف ورا
المهم فك تاني ورا و اعد يلعب كدا و ينضف التيل ؟؟؟؟؟؟
حاجة تخنق كلة يعد يقولك وساخة في التيل و ينضف الطنابير و يا خد هوا
يعني بالعقل كدا شوية وساخة في الطنابير هتقلب العربية ؟؟؟؟؟؟

المهم روحنا جربنا و لقاها بتحدف لقيتة بدوس فرامل و بنزين مع بعض و فضل ماشي
قولتة انت بتعمل اية
قالي عشان التل يطبع ؟؟؟
يعني التيل بقالة شهرين و مطبعش
حاجة عجيبة

المهم في الاخر رجعنا الورشة قام مغير التيل الأدماني قولتلة انت بتغيرة لية دة لسة جديد
المهم اللي فدماغة عملة و غير التيل و قالي روح جرب
المهم جيت اجرب
لقيت مرة تحدف شمال و مرة بقت مظبوطة و مرة تالتة دوست فرامل لقيت العربية عرضت في الشارع و كنت هخبط في الرصيف يعني العربية لفت 90 درجة بالظبط
و كنت هتقلب لأن العربية اتهبدت هبدة غريبة دة و انا عامل حسابي فما بال على طريق سريع و لا حاجة ربنا يستر
روحت راجعلة معرفش يقول حاجة حتى مطلبش فلوس عشان عجز ادام العربية و اعد يرمي بقى على العفشجي و يقولك دة علبة دريكسيون شوف الزوايا
مع ان العربية بتمشي مسطرة و مش بتحدف جربتها

قولولي اعمل اية و لو حد يعرف ميكانيكي كويس في المعادي يقولي