1000 كلم مع ساجا 2013 زيرو

**Abo-Baraa** · 09-04-2014 11:33 AM

انا بفضل الله اشتريت ساجا 2013 زيرو و فحص الالف بكرة ان شاء الله
العربية سحبها كويس جدا و الفتيس و المتور ناعمين و ال"ار بي ام" معقول على السرعات العاليه و العزل كويس و الثبات برده كويس الحمد لله

بس استهلاك البنزين عالي جدا على عربية 1300 - العربية بتعمل 10 لتر لكل 100كلم تقريبا مع اني كل سواقتي في طرق مفتوحة ومش بتشعلق في زحمة القاهرة لاني ساكن في التجمع و شغلي في المعادي

و غير كده التكيف لما بيشتغل بسمع صوت مروحة عالي جدا بتفصل و تشتغل ورا بعض بشكل سريع

ياريت ياجماعة ربنا يكرمكم لو حد عنده اي معلومة او نصيحة او توضيح بخصوص النقطتين دول يفدني افادكم الله

**amrseif** · 09-04-2014 11:59 AM

اولا الف مبروك على العربية ...
بالنسبة لعربيتك هى اوتوماتيك وللا مانيوال ؟؟؟ اذا كانت اوتوماتيك يبقى الاستهلاك كدة طبيعى بالنسبة للاماكن اللى انت بتمشى فيها .. اما اذا مشيت فى الزحمة هتاخد اكتر من كدة بكتير ..
بالنسبة لمروحة التكييف فده طبيعى جدا فى العربية ديه .. متقلقش .

**Abo-Baraa** · 09-04-2014 02:33 PM

أشكرك جدا على الرد يا استاذ عمر و الله يبارك فيك
العربية اتوماتك ... بس انا مستكتر اوي 10 لتر لكل 100كلم على عربية 1300 و كان عندي امل معدل الاستهلاك ده يتحسن بعد ال 5000 بس انت احبطتني :)
و برده موضوع المروحه ده غريب جدا - انا مش قادر اقتنع انه طبيعي, ممكن اتفهم ان صوت المروحه عالي عادي بس موضوع انها بتشتغل و تبطل ورا بعض بسرعه كده مش حاسه حاجه طبيعيه ابدا

**abdoumahros** · 09-04-2014 03:59 PM

المشاركة الأصلية كتبت بواسطة abo-baraa

أشكرك جدا على الرد يا استاذ عمر و الله يبارك فيك
العربية اتوماتك ... بس انا مستكتر اوي 10 لتر لكل 100كلم على عربية 1300 و كان عندي امل معدل الاستهلاك ده يتحسن بعد ال 5000 بس انت احبطتني :)
و برده موضوع المروحه ده غريب جدا - انا مش قادر اقتنع انه طبيعي, ممكن اتفهم ان صوت المروحه عالي عادي بس موضوع انها بتشتغل و تبطل ورا بعض بسرعه كده مش حاسه حاجه طبيعيه ابدا

عزيزي
معروف عن البروتون ان وعدل استهلاك البنزين فعلا بيتحسن بعد 5000 كيلو
اما صوت المروحه فهو عالي بس بسيط
ممكن يكون الثرموستات عاوز يظبط مدام بتشتغل وبتفصل بسرعه
عموما ان شاء الله حاجه بسيطه واطمن خالص كل ده هايطظبط لما تروح تعمل اول صيانه
وانصحك بعصام وصفا
ومبروك وربنا يبارك ليك فيها

**amrseif** · 09-04-2014 04:08 PM

المشاركة الأصلية كتبت بواسطة abo-baraa

أشكرك جدا على الرد يا استاذ عمر و الله يبارك فيك
العربية اتوماتك ... بس انا مستكتر اوي 10 لتر لكل 100كلم على عربية 1300 و كان عندي امل معدل الاستهلاك ده يتحسن بعد ال 5000 بس انت احبطتني :)
و برده موضوع المروحه ده غريب جدا - انا مش قادر اقتنع انه طبيعي, ممكن اتفهم ان صوت المروحه عالي عادي بس موضوع انها بتشتغل و تبطل ورا بعض بسرعه كده مش حاسه حاجه طبيعيه ابدا

العفو على ايه ..واهلا بيك فى منتدى بروتون وان شاء الله العربية تكون فتحة خير عليك ..
بالنسبة للرد انا بحب اكون واقعى واقول كل حاجة بصراحة .. بس العربية فى السفر كويسة .. جربتها بعد اول 1000 كيلو من غير التكييف مشيت 280 كيلو متر ب20 لتر على سرعات 100 و 120 ..بس لو شغلت التكييف حتاخد اكتر طبعا ... موضوع المروحة يمكن انت مستغربه شوية عشان لسة مش متعود عليه لكن لما تتعود عليه هتحسه عادى ...

**S O P H O S** · 09-04-2014 04:31 PM

مبروك
وشايف الاستهلاك معقول واكيد هيتحسن

**fourseasons** · 09-04-2014 09:58 PM

الف مبروك يا باشا و ربنا يديك خيرها و يكفيك شرها ان شاء الله,ياريت حضرتك تقولنا سعرها كام دلوقتى و حضرتك جبتها منين و التسليم كان فى خلال قد ايه.

**ahmed_moeaz** · 11-04-2014 02:01 PM

مبروك وعقبال مجمد قلبى واشترى بروتون بس معندناش فى اسكندرية اساسا توكيل عز العرب ، اشترى ازاى من غير ميكون فيه توكيل !!

**Abo-Baraa** · 15-04-2014 01:54 PM

المشاركة الأصلية كتبت بواسطة fourseasons

الف مبروك يا باشا و ربنا يديك خيرها و يكفيك شرها ان شاء الله,ياريت حضرتك تقولنا سعرها كام دلوقتى و حضرتك جبتها منين و التسليم كان فى خلال قد ايه.

شكرا جدا و ربنا يبارك فيك
العربية كانت عاملة 85 في اباظة و استلمتها خلال يومين
شفت عربيتين الاولانية كان فيها نقرة في السقف و رفضتها بعدها بيومين جابولي عربية تانية و استلمتها

**waelfarid** · 15-04-2014 02:12 PM

الاستاذ احمد معاذ

مبروك وعقبال مجمد قلبى واشترى بروتون بس معندناش فى اسكندرية اساسا توكيل عز العرب ، اشترى ازاى من غير ميكون فيه توكيل !!

عندكو ياباشا وانت طالع علي مصر الزراعي قبل محطة الغاز اللي قبل ابيس وانت خارج من اسكندرية