السلام عليكم ورحمه الله
ازييكم يا احلى هيونداويه في الدنيا
الحمد لله واحد صحبي اشتري هيونداي اي 30 من فتره وشوفته امبارح واتيحت ليا تجربه العربيه دي
مبدايا انا مش منزل صور عشان العربيه تعتبر معروفه للجمييع وبجد التجربه دي هقولها وبكل ضميير
الانطباع العام عن داخليه السياره اللون الازرق تحفه ومش مرزق للعين تماما تابلوه السياره شيك جدا جدا وفيها شاشه بتبيين اي باب مفتوح بالضبط
العربيه صحبي اشتراها تقريبا اول ما نزلت وكانت ب 107 تقريبا مانيوال وفيها تحكم من الدركسيون فقط بدون اير باج او abs وباور كهربا
العربيه من جوا مش واسعه اوي تقريبا وسع الالنترا واوسع من عربيتي النيو اكسنت بشويه
خامات التبلوه شيك الى حد ما انا اري انها تعتبر في مستوى اللانسر الشارك
في البدايه احنا كنا 3 افراد وانا مسوقتش في الاول وكان المشوار ك الاتتي من مكرم عبيد للحرفيين وبعد كده لرمسيس ورجعنا مكرم عبيد
صاحب العربيه قيادته كانت هاديه بدون حرق وبيجري زي ما الطريق يسمع ووصل لسرعه 130 او 140
مبدايا العفشه تدخل في نطاق العفشات الناعمه مش الخشنه مش زي النيو اكسنت او لانسر بومه هي عفشه تجمع بين الثبات والنعومه
وفي اغلب هي قريبه من الميجان جدا جدا بس في الحتت المكسره محتاجه مراعاه سنه في قريبه اوي من الميجان في صوت المساعدين
وطول المشوار ما سمعناش اي صوت داخل الكابينه من النقر والبلاوي دي بس في اساس خفيف اوي بقله الامان بس ده زال لما سوقت العربيه
الانطباع العام وانا راكب ورا تحس انك راكب هيونداي بس محترمه سنه والبادي بتاعها بيتمايل تمايل بسيط مع الملفات او الغرز الجامده العربيه تعتبر مريحه وعمليه جدا والاقعده ساقطه فيها وشيك اوي
نيجي بقى لتجربه القياده بتاعتي انا سوقت من مكرم لشيراتون ورجعت تاني ووصلت لسرعه 160
الفتيس ماسك نفسه وسلس اول مش محتاج مجهود عشان تنقل ومن اول ما تدي الغيار الاول وتدوس بنزين تحس ان العربيه اتقل من انها تكون عربيه كوري وده شيء في صالحها
العربيه مافيهاش شنطه = مفيش تنطيط نهائي
عموما ناعمه الثاقعده قدام ساقطه المرايات كبيره بس مش قوي بس كاشفه كل حاجه تمام
متعرفش تشوف الكبوت اوي بس في خط مبين اول العربيه
من مرحله 20 ل 100 تحس انها عربيه عاديه وثبات طبيعي ومن 100 ل 160 فعلا بيبيان حلاوه العربيه في انها بتتعامل مع مطبات الهوا بشياكه وبدون تنطيط ولا ترزيع وبتحكم رائع جدا في العربيه لحد 160 وملفات زي الفل ومطمن وانا سايق العربيه
فرامل قويه ورائعه بدون اي بي اس بس العربيه ماشيه 15 الف كيلوو لسه جديده
الباور كان تقيل شويه بس اعتقد العربيه مش كده عشان كان في صوت في الدركسيون اعتد ان الواد خابط علبه الدركسيون او ما شابه وممكن فعلا يكون تقيل وانا شايفه ميزه عشان مسيطر على العربيه
انا من كام يوم سوقت مازذا 3 في نفس الطريق وجريت بيها برضو
الهيونداي متفرقش عنها الا بسيط شويه في الاستابيليتي والمفلفات كانت جامده فعلا ولا تقل عن المازدا اوي الا ان البادي بتاعها بيتمايل شويه بس خفيف مش زي الهيونداي القديم
العربيه فعلا راائعه ومنااافس حلو وقوي للعربيات الهاتش وانا في رايي الي ميقدرش يركب جولف او استرا او 307 يجيبها وهو مطمن
ومننساش ان العربيه تصميم الماني ومصممه للسوق الاوروبي
وهي فعلا تعتبر خرجت من نطاق كلمه هيونداي المعروفه ولكن ما يزال بها بعض اللمسات الكوريه البسيطه الي انشاء الله هيونداي بعد سنتين تلاته تخرج تماما من كلمه هيونداي
باختصار انا لو دي عربيتي انا احط راسها براس معظم العربيات الي في فئتها ومش هحط في دماغي والي مش عاجبه يجرب\
وهيلاقي ان العربيه مساويه لمعظمهم اول اقل من بعضهم بفروق بسيطه وانا متاكد ان العربيه دي لو بجنط 16 او 17 زي معظم العربيات مش هتتمايل وهتبقى جاحده في الجري والثبات مع العلم انها من اقوى 1600 الي بشوفهم
وبالنسبه لي وعن تجربه هي افضل من لانسر الشارك كمجمل عربيه وقريبه اوي من الميجان واقل شويه من المازدا 3
واخيرا ربنا يبارك لصاحبها فيها ويديله خيرها ويكفيه شرها
والى الامام هيونداي