مصر وهى بتولعه

**blazer** · 06-10-2008 09:51 AM

بلدنا بقالها فتره قصيره جدا
كل يوم حريقه كبيره وضخمه
مجلس الشورى
المسرح القومى
مصنع شيبسى
مصانع الغزل والنسيج
مصانع بلاستيك
و كتيير بس مش فاكر
وطبعا دى حاجهه غريبه فا ايه هو السبب

**دموع الثلج** · 06-10-2008 09:59 AM

سعادتك نسيت اهم حاجه ولعوها ومش هتتطفى ابدا

الاسعار

ونسيت حرائق القطارات

ونسيت اخر حريق فى العباره من كم يوم

حسبى الله و نعمه الوكيل 30.000 حاله حريق لمنشئات فى خمس سنوات ليه

انتظروووووووووووووا تسونامى الحرائق فى مصر

وتطبيق لنظريه انا بكررهه جدا

انا ارجح نظريه المؤامره

**Nour_Peugeot** · 06-10-2008 12:38 PM

يجد حسبي الله و نعم الوكيل في البيحصل ده حرااااااااااااااام

**mostafabakry** · 06-10-2008 05:35 PM

ولا مؤامرة و لا حاجة يا جماعة دا نتيجة طبيعية جدا جدا لحالة افهمال و التسيب و الفوضي المنتشرة في كل ربوع مصر و علي صعيد كل المؤسسات و الهيئات و المصالح و خصوصا الحكومية منها

اهماااااااااااااااااااااا اال شديد و عدم تحمل للمسؤولية من جانب كبار المسؤولين و لا مبالاه اكيد هيكون نتيجتها مصائب و كوارث في كل المجالات
ولسه هناك ما هو قادم
و لا تنسوا ان ما خفي كان اعظم

عمااااااااااااااااااااااا ااااااااار يا بلد

احلي تعليق انا سمعته عن تردي الوضع في مصر هو توقيع الأخ العزيز كريم منير اللي كان بيقول
" يامصر لو نيلك صلصة مش هيكفي الكوسه اللي فيكي "
هو دا احسن تعبير عن حال البلد

**blazer** · 07-10-2008 03:32 PM

بس مش للدرجه دى
هو اه الاهمال فى مصر على اشده بس مش قادر اقتنع ان الموضوع يجى فى الحرايق بشكل رهيب
عارف لو كانت كلها مصالح حكوميه كنت قولت ماشى
انما الموضوع دخله فيه مصانع وشركات ليها وزنها فى السوق مش هيوصل الاهمال جواها للدرجه دى

**yahyanaabil** · 07-10-2008 07:38 PM

البلد بتولع عشان تقريبا معندناش هيئه خاصه بالسلامه او حتى كود مصرى فيه قوانين تظبط العمليه ديه زى الكود الاوروبى كده (هوه حاليا فيه بعد الشركات بتتبع الكود الاوروبى فى مصر)

**D . a .\ AYMAN** · 08-10-2008 04:43 PM

المشاركة الأصلية كتبت بواسطة yahyanaabil

البلد بتولع عشان تقريبا معندناش هيئه خاصه بالسلامه او حتى كود مصرى فيه قوانين تظبط العمليه ديه زى الكود الاوروبى كده (هوه حاليا فيه بعد الشركات بتتبع الكود الاوروبى فى مصر)

ياباشا احنا عندنا كل الأكواد والقوانين اللى ممكن تتخيلها ولا تتخيلها بس المشكلة في التطبيق

ده حتى قانون المرور الجديد لاهو جديد ولا حاجة وكل اللى عملوه انهم زودوا العقوبات فقط من غرامات الى غرامات أو حبس وطبعا الحبس عمره ما هايطبق إلا إذا جالهم مزاج ... واستحدثوا المثلث وشنطة الإسعافات

إحنا عندنا قوانين (مش قانون واحد) كتير لحماية وسلامة المنشآت الحكومية والخاصة على السواء وكل قانون ينطبق على نوعية معينة من المنشآت بس للأسف مش فاكر نصوص ولا أرقام مواد القوانين دي عشان أحطها هنا وعموما هية معظمها بيبقى ضمن قوانين الجهات والمنشآت دي نفسها (بس طبعا لا يوجد تطبيق لأى منها)

وبعدين ياجماعة انتوا ناسيين ان مصر جه عليها وقت كانت كل سنة تقريبا معظم الهيئات التابعة للحكومة تلاقيها بتبدي تتحرق في خلال شهر يونية ونوفمبر عشان الجرد السنوي طبعا (لزوم مداراة السرقة اللى حصلت طول السنة)

ويمكن يكونوا بيحاولوا يرجعوا الأمجاد دي تاني