الموضوع: كام مشكلة فى صنى الشكل القديم

السلام عليكم ورحمة الله وبركاته

فى معايا كذا حاجة فى العربية كنت عايز اعرف ايه اسبابها من صقور نيسان
اولا العربية 2008 اوتوماتيك ماشية 210 الف كيلو لسه مشتريها من اقل من شهر
عملت كشف كامل على العربية فى توكيل نيسان وكانت الملاحظات كالتالى:-
1- البوجيهات كان ليها 55 الف كيلو ما اتغيرتش ففكت بصعوبة وتم تغييرها ببوجيهات ngk سعر الطقم بره التوكيل 65 جنيه
2- التيل الامامى كان متأكل فتم تغييره بتيل كورى بسعر 110 جنيه بره التوكيل برضو
3- تم تغيير سير الباور صناعة كورى بسعر 45 جنيه
الحاجات اللى كانت فى العربية ولم يتم عملها لعدم توافر قطع الغيار ولضيق الوقت
1- لم يتم تغيير زيوت الفتيس والباكم والباور وستم تغييرهم الاسبوع القادم بالنسبة لزيت الفتيس انهى احسن تغييره بالكامل هو والفلتر ولا التزويد علما بانه لم يتم تغييره منذ ان كانت العربية عاملة 155 الف كيلو
2- ماستر الفرامل الخلفى كان به جزء مكسور فالتيل مش بايت كويس فى الماستر دورت على الماستر جديد مش لاقيه وكله يقولى هات استيراد .. تنصحونى بايه ؟؟
3- طلمبة المياه كانت تعمل بدون اى مشاكل ولكن عند فك السيور وبعد التركيب وجدت تسريب ميه ولما قلتلهم ان فى تسريب بصو وقالولى الطلمبة عايزة تتغير وسعرها 400 جنيه ومصنعية 150 فقلت اغيرها بره افضل .. سعرها عامل كام واجيب انهى نوع ؟؟؟
4- قاعدتين الموتور والفتيس عايزين تغيير اللى لقيته فى السوق تايوانى 200 جنيه تنصحونى بايه ؟
5- فى صوت فى العربية لما اكون واقف واجى اطلع قدام او ورا بسمع صوت خبطة جاى من قدام المهندس فى القتوكيل قالى مقص او مساعد بالرغم من انى مش بسمع اى صوت او تخبيط فى الطوالى او المطبات هيا بس الصوت ده لما اكون واقف واجى طالع او وانا ماشى وحبيت اوقف العربية ... ياريت تساعدونى

شكرا‏ ‏لتفاعلك‏ ‏يا‏ ‏باشا‏ ‏‏ ‏‏ ‏‏ ‏انا‏ ‏فعلا‏ ‏ان‏ ‏شاء‏ ‏الله‏ ‏هغير‏ ‏القواعد‏ ‏وربنا‏ ‏يسترها‏ ‏معاك‏ ‏ومعانا‏ ‏‏ ‏