السلام عليكم ورحمه الله وبركاته
كنت عايز أخد رأيكم فى موضوع الكاوتش..
العربيه كيا ريو خليجى والكاوتش كله كونتننتال مقاس 17 - 45/205
فيه فرده باظط وعايز أغير فرده تانيه, الكونتننتال اللى فى السوق ب1200 جنيه وكنت سألت واحد بتاع كاوتش قالى ممكن تجيب كاوتش أسمه كومهو ب500 جنيه بدل الكونتننتال الغالى أوى ده..
فكنت عايز أعرف الكومهو دى كاوتش كويس فى الجنوط ال17 وينفع أصلا أركب عجله كومهو مع 3 عجلات كونتننتال ولا هيبقى فيه مشكله فى مشى العربيه والجرى وكده ؟؟
هو يقصد كومهو اكستا بس مش ب 500 خالص ...مفيش 17 ب 500
بس انا عامة بكره الكاوتش الكوري من تجربه زباله مع الهانكوك
وكده كده اي كاوتش هتركبه عال 17 في الطرق المعفنه دي هيبوظ
ياباشا ال 17 اغلي من 500 انا جيبت ال 16/45/205 كومهو اكستا ب 500 فعلا اكيد ال 17 اغلي يعني بس الكومهو كويس مش وحش
وللاسف انا نفس حالتك عندي فردة باظت طلع فيها بالونه صغيره في الجنب :( بس بعد استعمال سنه 18 الف كيلو بس .
الكومهو اكستا الكورى ممتاز وكده كده ال 17 فى اى ماركه انت وحظك مع شوارعنا الجميله
يعنى هو ممكن يركب كاوتش 16 بدل 17 ولا بيبقى مكتوب على الكاوتش ؟
الكونتننتال اللى فى السوق ب1200 جنيه ؟؟؟اقتباس:
المشاركة الأصلية كتبت بواسطة romeo9
الكونتننتال مقاس ١٦ ب 690 أزاى مقاس ١٧ ب1200 جنيه ؟؟
أه والله ب1200 جنيه وأرخص سعر سمعته كمان وماكنتش لاقى المقاس ده..اقتباس:
المشاركة الأصلية كتبت بواسطة midnightman_74
يعنى حضرتك تنصحنى بالكونتننتال ولا فيه نوع تانى ممكن أجيبه ويبقى أرخص شويه ؟
الكومهو يابشا على فكرة كويس جدا اه فى انواع احسن منه بس هو برده من الانواع الكويسة والعربية عندى جاى زيرو بيه ولما بحب اغير كاوتش بجيبه برده اصل حرام بصراحة اروح اجيب كاوتش الفردة ب1200جنيه وتبوظ لاى سبب واضطر اغيرها وبتاع الكاوتش برده شكرلى فى الكومهو اكتر من مرة
1200 جنيه للدرجة دي !!
من وجهه نظرياقتباس:
المشاركة الأصلية كتبت بواسطة romeo9
لو كان باستطاعتك تغيير فردتين كاوتش هيكون افضل طبعا من حيث نقشة الكاوتش ومدة الاستخدام و ظبط توازن السيارة
.
انا بالنسبة لنوع الكاوتش
انا كنت في بريدجستون من حوالي اسبوع"فرع عباس العقاد"
بعد التعامل شديد الاحترافية و توضيح الفارق ما بين كافة الموديلات و الماركات.
سألت عن مقاس 17 لنيو سيراتو.
الراجل مدير الفرع مشكورا شرح لي الأنواع كلها
وكمان عملنا مقارنة بسيطة بين بريدجستون وغيرها
و حدد لي اهم مميزاتها
حيث ان الكاوتش المقاس 17 سعرها 900 جنيه تقريباً
والميزة الأهم في هذا النوع ان الطبقة الجانبية المحيطة بالكاوتش بها "طبقتين" وليس طبقة واحدة كباقي الأنواع.
مما يعني اذا كان احتمال كاوتش 17 من اي نوع انع يعمل بلالين بنسبة 80%
هيكون احتمالية وجود بلالين في مقاس 17 بريدجستون
هيكون 10% فقط
.
دا غير اسم بريدجستون وكفائتها الواضحة كاداء و ثبات علي السرعات العالية واداء الفرامل معاها.
ياكونتيننتال ياببريدجستون ..... دي اهم حاجه في العربيه ومينفعش تسترخص في حاجه زي دي
-continental أو michelin
بريدجستون الافضل
فى البدايه لازم تغير فردتين علشان مينفعش تمشى بنقشة فى 3 عجلات و 1 مختلفة هتلاقى العربيه مش مظبوطه و بتعوم فلازم تجيب فردتين
و عندك 3 انواع اختار بنهم :
1- كونتيننتال ( غالى بس تمنه فيه ) و هتجيب فرده واحدة لو نفس نقشه الاصلى لو لقيتها لان الكونتيننتال فى كذا نقشة .. لو نقشة مختلفة تجيب فردتين
2- بردجستون
3- يوكاهاما
اخبار الاستبن عندك اية ... نفس النوع ولا مختلف ؟؟
ربنا يوفقك للافضل ان شاء الله
طيب بالنسبه لجنط 16 خليجي ممكن اعرف المفروض نوعه ايه؟