الحمد لله اخيرا هنزل اشترى اللانسر البوما

الحمد لله اخيرا هنزل اشترى اللانسر البوما الأسبوع ده او قادم ان شاء الله ناوى اجيب لانسر المانيوال اللى ب 102 لكن محتار ما بين الخليجى و مصرى
انا مش عارف انهى الأحسن بالرغم من انى قرأت الفروق ما بينهم لكن ياريت اصحاب الخبرة يساعدونى و ينصحونى و عايز اعرف المصرى فيها فرش جلد و جنوط و لا لأ انا اعرف انها بتيجى من غير راديو سى دى هضطر اشتريه و عايز اعرف قوة الموتور بالحصان و عزمه و منتظر نصائحكم و بالنسبه لترخيص سيارة هل ينفع واحد مش معاه رخصه قياده يرخصها باسمه
ملخص استفسارات:
1- الفرق ما بين المصرى و الخليجى فى لا نسر الشكل القديم و لو الخليجى افضل اجبها منين
2-المصرى فيها فرش جلد و جنوط
3-قوة الموتور و عزمه

و شكرا و كل سنه و انتم طيبين

اولا الف الف مبروك وربنا يباركلك فيها ان شاء الله
بالنسبه للمصرى والخليجى فالمصرى احسن عشان طبعا اضمن
ومفيهاش فرش جلد ولا جنوط
والمصرى 105 والخليجى 122 بس دى مشكوك فيها والله اعلم
عموما انا حاولت افيدك باللى اعرفه وانتظر رد خبراء اللانسر وهما هيفيدوك بكل حاجه بالظبط

الف مبروك مقدما على العربية

المصرى بضمان الوكيل
الفانوس الخلفى احمر ومش بتنزل بفرش جلد ولا جنوط سبور
من غير كاسيت او سى دى
فيها واحد air bag وفرامل ABS
العربية 105 حصان وبتاخد بنزين 92 عادى

الخليجى من غير ضمان (بس فيه معارض بتنزلها بضمان زى الرواس)
الفانوس الخلفى كريستال ومش بتنزل بفرش جلد ولا جنوط سبور
فيها سى دى كلاريون صوته تحفة
فيها واحد air bag ولا يوجد فرامل ABS
العربية 122 حصان وبتاخد بنزين 95 حسب الكلام اللى فى الكتالوج وممكن تحط بنزين 92 بس مش هتوصل لل 122 حصان بس اكيد هتبقى اعلى من المصرى

واكيد الاعضاء اللى معاهم 1600 مانيول خليجى يقولولك تجاربهم مع البنزين 92 وهل فيه مشاكل ولا لأ

الف مبروك يا اخى والله اختيار سليم وانا رايي هات الخليجى احسن من المصرى

هات المصري الا لو كنت تقدر تحط 95 هات الخليجي عشان تستفيد بفرق الاحصنه
يعني الخليجي لو حطتليه 92 مثلا هيديلك هورس باور بالكتير 112 في الحاله دي مفرقتش كتير يبق هات المصري و استفيد بالضمان

فعلا انا لسة جايب عربيتي المصري جامد الضمان هيفيدك وكمان العتب و الكروم بتاع المقابض حلوين ومديين شياكه و بالنسبه للهورس باور صعب انك تلاقي بنزين 95 علشان كده هتحط 92 و هيباه فرق الهورس باور 5 او 6 متهيالي مش كبير

شكرا لكل مشاركات الأخوة و اهتمامهم و اللى فهمته ان اهم فروق مابين المصرو الخليجى
الضمان و ان المصرى مش بيجى راديو سى دى لازم اركب و ان الموتور فوة الأحصنه 105 اقل من الخليجى و الخليجى بيجى بالحاجات السابقه و بسعر ارخص و رواس بيعطى ضمان لكن انا لسه فى حيرة ياريت تساعدونى
انهى الأفضل مصرى و لا خليجى

انا شايف المصري وانا لسه جايبها

الف مبروك يا باسم وربنا يحفظهالك يا رب
عموما انا هقولك الفرق بسرعه كده
المصرى كلاسيك بالخليجى كلاسيك
مصرى زياده ضمان الوكيل مصريه -بدون كاسيت ممكن تزوده بره فى حدود 2000 جنيه كاسيت متسوبيشى الاصلى -فرامل abs عتب جانبى -طاره وعصا فتييس وهاند بريك جلد طبيعى -اكر نيكل فى كل المصرى -بدون لمبه تحذير حزام امان -بدون مثلث وطفايه وشنطه اسعافات ومقياس لضغط العجل -فوانيس خلفيه حمراء -رايال على القائم
الادرنى تنقص عن المصرى عتب واكر نبيكل وتقريبا الطاره مش جلد طبيعى

الخليجى ناقص abs ,وعتب وفى عربيات فيها اكر نبيكل وفى عربيات مفيهاش -طاره وهاند بريك وعصا فتيس مش مكسى جلد طبيعى
زياده عن المصرى فى الكاسيت وفى عربيات بتنزل بكاسيت متسوبيسى الاصلى وفى عربيات بتنزل بسى دى كينود
الخليجى واعلى فى البور هورس واعتقد ان الفرق فى السواقه مش هيبان
الخليجى فى امكانيه حلوه وده جديده مده محدش يعرفها كتير وهى انه عند الحوادث الى لا قدر الله بتطلع فيها الاير باج حزام الامان بيكلبش وده بستخدم مره واحده فقط والحزام بتغير
الكلام ده كله على فئات ال1600
راى لو بتقران كلاسيك مصرى1600 بكلاسيك خليجى 1600يبقى توكل على الله وهات المصرى
لو بتقران كلاسيك مصرى1600 بهاف سبورت خليجى او مصرى 1600يبقى هات الهاف سبورت

شكر خاص للأخ mohamed_3abdel3al و Limo على مشاركتهم و مساعدتهم لى
انا ان شاء الله ناوى يوم جمعه انزل وكيل مصريه و اتوكل على الله و اجيبها منهم واتمنى من الأخ طارق مشاركته فى موضوعى و اعطاء رأيه وله كل الأحترام و تقدير

و لكل الأخوة فى المنتدى

لا شكر على واجب باسم وانت تامر وانا والله كنت محتار زيك كدا و خاصه ان الخليجي ارخص بس لو على ال 2 او ال 3 الاف جنيه الفرق هيتصرفوا على الضمان فهي هي و بالنسبه للكاسيت اكلم مع المعرض انا جايبها ب 102 بالكاسيت و الدواسات و الفرش و الغطاء كمان فهو اصلا ممكن يزودلك الكاسيت عادي و كمان قولو الكاسيت ال kenwood علشان بتاع اللانسر دا فكسان اخر حاجه ال kenwood جامد و كمان cd

شكرا على مشاركتك و اهتمامك يا محمد و انا انبارح كلمتهم فى الفرع رئيسى اسألهم على عربيه موجوده المانيوال قاولوا ادفع الف حجز و هتستلم بعد اسبوع و ربنا يسهل انا هروح نهارده و اشوف

اقتباس:

---

بالنسبه للكاسيت اكلم مع المعرض انا جايبها ب 102 بالكاسيت و الدواسات و الفرش و الغطاء كمان فهو اصلا ممكن يزودلك الكاسيت عادي و كمان قولو الكاسيت ال kenwood علشان بتاع اللانسر دا فكسان اخر حاجه ال kenwood جامد و كمان cd و الدواسات و الفرش و الغطاء

---

تقصد انى ادفع ال 102 و هيبقى معها الكاسيت ال kenwood cd سى دى والدواسات و الفرش و الغطاء

ده لو كان كده يبقى ممتاز لأنى كنت مضايق من موضوع انى هشتريها من غير كاسيت و كده و لما شوفت صبح فى جرايد نيسان تيدا 2009 جديده المعدله و كماليات ابتدى شيطان يلعب لكن كفايه حيرة و اجيب بوما اضمن و ربنا يوفق ان شاء الله
و يا استاذ محمد هو انت جبت سيارتك منين و هل تنصحنى انى اروح اشتريها من وكيل و لا اشوف موزع معتمد و ايه كماليات اللى استلمتها و بالنسبه للكاسيت و الحوارات دى هما اعطهوالك لأنك طلبت و للأقوللك عليها و جزاك الله كل خير و الف مبروك على عربيه و ربنا يحفظهالكك و يعطيك خيرها و يكفيك شرها

انا جبت العربية من اسماعلية من معرض اسمه راما موتورز هو ليه كذا فرع في العريش و الزقازيق و كذا حته وا انا الي قولتله على الكاسيت الكينوود طبعا و قلتله على الحوارات الباقيه لاني كنت بنزل اشتري عربيات مع صحابي و عرفت ان المعرض ده بيكسب بالعبيط فلو طلبت منه اي حاجه هيعملهالك

انا رأيى اى كان اختيارك فلابد يكون موضوع الabs له الاولوية عندك - ممكن اى حاجة تزودها فى العربية بعد كده
لكن ال Abs لأ طبعا وده فى غاية الاهمية خصوصا لو بتسافر كتير

اقتباس:

---

المشاركة الأصلية كتبت بواسطة محمد عبد المجيد

انا رأيى اى كان اختيارك فلابد يكون موضوع الabs له الاولوية عندك - ممكن اى حاجة تزودها فى العربية بعد كده
لكن ال Abs لأ طبعا وده فى غاية الاهمية خصوصا لو بتسافر كتير

---

انا أؤيد هذا الكلام بشده و عدم وجود الِABS فى الخليجى سبب كافى جدا انه يخليك تجيب المصرى ده غير ان الضمان مهم برده و باقى الفروق فى الكماليات و فرق الهورس باور و الحجات التانيه ده مش هتحس بفرقها خالص خصوصا انك هتجيبها مانوال فالعربيه مش هتبقه مخنوقه و لكن الABS امكانيه ملحوظه جدا فى العربيه و مهمه جدا بصراحه و انا جربتها فى مواقف صعبه على سرعات عاليه ده غير انك شبه مستحيل تزودها فى عربيتك لو مش نازله بيه أصلا.

(الABS لا يجعل السياره تقف فى مسافه أقل و لكن بتاخد نفس المسافه اللى بتاخدها اللى مافيهاش ABS و لكن الABS يجعل استخدام الفرامل أمان جدا حتى لو دوست فرامل على الأخر و انت على سرعه 180 كم /س و انا جربت كده و أنقذتنى بانى أوقف العربيه من غير ما أتقلب أو العربيه تلف بيا و أقدر اظبط العربيه لحد ما وقفت لأنه باختصار ما بيخليش العجل يقفش خالص مهما دوست فرامل و بيدى أقصى قوه فرمله للعجل بس فى نفس الوقت تكون القوه ده مناسبه لالتصاق العجل بالارض واى قو فرمله زياده عن قوه التصاق العجل بالارض هتتسبب فى ان العجل يقفش و مش هتفيد توقيف العربيه فى حاجه بيشيلها)

شكرا جزيلا على مساعدتكم فى حيرة المصرى او خليجى من كلامكم ان مصرى افضل و على اساس كده كلمت الوكيل فى فرع رئيسى قالى تعالى احجز بألف جنيه و حدد اللون و بعد 3 او اربع ايام هتستلم
انا ناوى على المانيوال اللون فيرانى و كنت عايز اعرف منك اللون الفرش انا بختاره و لا هو بيجى زى ما هو و بنسبه للكماليات العتب و الأكر نيكل و دواسات و غطاء هما لازم يجيوا مع العربيه و لا اطلبه زى كاسيت و سألتهم على kenwood قالوا مش موجود عندهم اصلى بتاع عربيه و بنسبه للحجز و الأستلام هل صدقين و لا هيطلعوا عينى و يسلمونى بعد شهر
و شكر خاص لكل مشاركات الأخوة و مساعدتى و اتمنى من الأخ المحترم طارق سماع رأيه فى موضوعى و جزاكم الله كل خير

بالتوفيق يا استاذ باسم ومعلش اتأخرت في الرد مش عارف الموضوع ده كان تايه مني ليه مقريتوش غير النهارده

لون الفرش بينزل مع لون العربية مش اختياري
وبالنسبة للتسليم هما صادقين ولو العربية عندهم في المعرض ممكن تستلم فورا كمان وتستلم خطاب المرور وشهادة البيانات تاني يوم الصبح وترخص في نفس اليوم او تاني يوم بالكتير

شكرا على مشاركتك يا استاذ طارق و اهتمامك كان عندى استفسار انا من وجهه نظرى شايف المصرى ممتاز بالرغم انى شايف السيارات الخليجى اكتر فى شارع لكن بعد ما عرفت ان تكييف واحد وان موتور مصرى 107 ببنزين 92 ارتحت و ان فيها abs و كل كماليات اخرىو جلد طبيعى للفتيس و طارة و الهاند بريك و ضمان و كمان عتب و اكر نيكل لكن هل اكر نيكل دى من داخل فقط ام فى مقابض كمان و ناقصها كاسيت فسألت توكيل قالى ممكن تركب الأصلى ب 2000 جنيه لكن kenwood cd
مش متوافر عندنا فهل تنصحنى بأن اجيب الأصلى و لا اجيب نوع تانى و هل الأصلى ممتاز و ما هى امكانياته و هل المفروض توكيل بيعطينى والدواسات و الفرش و الغطاء ام لا
و بالنسبه لطارة هل هى جديده مثلث
و بالنسبه لمعلوماتى و من منتدى انه لا يوجد اى فروق نهائى فى موديل 2008 و 2009 مظبوط ام لا
و ايه اللى بيجى مع سيارة و بستلمه زى الأستبن و كوريك وريموت و ضمان و ايه تانى
و اسف على كثرة استفساراتى و جزاكم الله كل خير على مساعده و المعلومات قيمه

هل العفشة السبورت تجعل السيارة منخفضة عن السيارة ذات العفشة العادية؟ارجو الافادة يا حضرات

بخصوص الراديو كاسيت الأصلي فهو ممتاز طبعا انما (راديو كاسيت) يعني مش سي دي وبالتالي فالسعر ده ممكن تجيب به راديو سي دي احسن بكتير ،ودي وجهة نظر الشركة في انزال العربية الـ 1300 و 1600 بدون راديو كاسيت وهي ان الجمارك بترفع من سعره وبالتالي لما نجيب تجهيزاته في العربية (اللي هي الأربع سماعات والضفيرة والاريال) فقط والعميل يشتري اي راديو كاسيت او راديو سي دي على ذوقة بالمبلغ ده هيكون افضل للعميل.

بخصوص الدواسات والفرش والغطاء فدي مش بتتقدم في معرض الشركة انما ربما فيه معارض تانية بتقدمها كاغراء للعميل للشراء منها

طارة الدركسيون في 1600 بأنواعها هي الجديدة المثلثة انما الـ 1300 هي اللي بالطارة القديمة

فعلا مفيش فرق تقريبا بين 2008 و 2009

بتستلم مع العربية : الاستبن والكوريك وحافظة جلد فيها مفتاح العجل وأربع طاسات والولاعة

اقتباس:

---

المشاركة الأصلية كتبت بواسطة kotta

هل العفشة السبورت تجعل السيارة منخفضة عن السيارة ذات العفشة العادية؟ارجو الافادة يا حضرات

---

لأ بالعكس .. العفشة الرياضية بتخللي العربية مرتفعة عن العربية بدون عفشة رياضية وده لأن رياضية يعني عفشة ناشفة شوية تستحمل المطبات ولازم تكون عالية للتعامل مع المطبات

شكرا لك يا مهندس طارق على اهتمامك وردك
و هل فعلا تكييق مصرى ماسورة واحدة وت كييف الخليجى 3 ماسورات علشان كده بيقولوا تكييف خليجى اقوى هل هذا صحيح لأنى باسمع ان خليجى تكييفه و دهان و باور هورس و صاج اقوى هل هذا صحيح لأنى احتمال ان شاء الله بعد شغل اروح احجز سيارة فى توكيل ادعولى

انا كمان عندى نفس الحيرة ما بين المصرى و الخليجى بس انا هجيب 1300 مانيوال يا ترى مين الاحسن فيهم

خليجييييييي ووفر فلوسك أنا أعرف تلاتة عندهم لانسرات خليجية بقالهم كذا سنة وإلى الآن لم يواجهوا أي مشاكل على الإطلاق

خلاص هتوكل علي الله وإن شاء الله خير

اتوكل على الله و ان شاء الله مش هتندم و اكثر من الأستخارة لكن ناويت على المصرى و لا الخليجى

الخليجى مفيش اى مشاكل انا عربيتى بقالها سنه معايا ومفيش اى مشاكل

الف الف مبروك وربنا يباركلك فيها ان شاء الله