تغيير فتيس الفليشيا

**giedo** · 11-04-2014 03:35 AM

المشاركة الأصلية كتبت بواسطة ahmed metwaly

اولا اسف للتاخير انا يدوب خلصت شغل واتعشيت وعمال افكر في موضوعك من ساعتها
اولا الفتيسين مفيش اختلاف في الشكل الاختلاف في الساعه فقط
ودي حضرتك عرفتها
ثانيا في شوية حجات ممكن تتاكد منها
هل الاداء في تحسن عن الاول ولي زي ما هوه ؟؟ لو زي ما هو راجع وشيك علي الموتور وباقي الاجزاء الي بتققل من السحب
ممكن تشوف دواسة الدبرياج ممكن متكنش بترد للاخر الطبيعي بتعها ولي بتفضل معلقه في النص
الدسك والاسطوانه ممكن يكون النوع مش كويس يعملك نفس المشكله
الفتيس نفسه حالة الاجزاء الداخليه
للعلم انا الفتيس دا لو هو فعلا 1.6 وعمل كدا تبقئ غريبه جدا لاني مجربها ومتاكد منها ولو كنت في مصر كنت جبتلك فيديوهات لعربيتي
انا فاكر لما ركبته فضلت اسبوع العربيه بتفحط في كل طلعه من اقل ضغطة بنزين وللعلم انا بستخدم بنزين 80

ربنا يعزك يا أحمد لإنك شايل همى .. والف حمدالله على السلامه من مشوارك ... بس ممكن زى ما وليد بيقول إن الفتيس هوه هوه بس كان متركب على ماكينه إنجكشن موديل فوق الـ 2000

**adhmmaamon** · 11-04-2014 09:13 AM

اولا مبروك على تركيب الفتيس ..
ثانيا الكلام واضح ان اللى انت مركبه دا فتيس 1300 .. لانى اول مره اسمع عن فتيس سريع وفتيس بطىء ..
اللى سمعت انه سريع او بطىء المارش (الكبير البطىء بتاع الفوفيرت والصغير السريع بتاع الفليشيا ) ..
اما معظم مكونات الموتور من دينامو الى فتيس الى وش سلندر فالكل تقريبا واحد .
موضوع بقى انك ترجعه هايبقى صعب .. ليه ؟؟؟ اولا من كلامك الفتيس مفيهوش عيب وشغال كويس .. ثانيا الراجل قالك مفيش حاجه اسمها فتيس 1600 واداك الفتيس السريع (مش ده كلامه ؟؟ ) وانت اشتريت منه على كده ...يبقى ايه ؟؟؟؟

اهم نقطه بقى فى الحوار ده كله ... هل هايفرق معاك ان الاول يجيب 50 والتانى 70 وووووووو ؟؟؟؟
اللى المفروض يفرق ان سحب العربيه يبقى كويس وناعم وانت بتنقل غياراتك حسب سرعه الطريق ..
وبعدين احنا فى الصيف والتحريق على الغيارات هايعملك مشكله مع الموتور ..

مره تانيه الف مبروك ..

**sakr_skoda** · 11-04-2014 09:20 AM

مش قادر افهم ازاى موتور 1600cc يبقى راكب عليه فتيس 1300cc لاكن هما الاثنين مافيش فرق ملحوظ بينهم لاكن ممكن زى الاستاذ وليد مابيقول انا بجد مقدر افتى فى الموضوع دا لاكن لو مش حاسس بفرق يبقى خلاص رجعه وركب بتاعك وخلى الفلوس عندة لما يوفر ليك فتيس 1600cc **

**giedo** · 11-04-2014 04:00 PM

المشاركة الأصلية كتبت بواسطة sakr1964

مش قادر افهم ازاى موتور 1600cc يبقى راكب عليه فتيس 1300cc لاكن هما الاثنين مافيش فرق ملحوظ بينهم لاكن ممكن زى الاستاذ وليد مابيقول انا بجد مقدر افتى فى الموضوع دا لاكن لو مش حاسس بفرق يبقى خلاص رجعه وركب بتاعك وخلى الفلوس عندة لما يوفر ليك فتيس 1600cc **

والله يا عم صبحى أنا لما روحتله بالليل لقيت اموتور على الرصيف والفتيس موجود جنبه .... والموتور كان بتاع وش أوكتافيا إنجكشن ... لكن فعلا" والله موش حاسس بفرق

المشاركة الأصلية كتبت بواسطة ahmed metwaly

احتمال كبير جدا انه يكون نفس الفتيس
بس اشمعني موديل فوق 2000 اعتقد ان الاتنين واحد
المهم حضرتك لو معاك ضمان لمدة اسبوع فك ورجعه ليه وقوله الفتيس مش كويس وركب فتيسك حاول وانت هناك تشوفلك فتيس تاني يكون كويس وقوله انا عايز فتيس راكب علي موتور 1.6 سي سي وتشوف الموتور ويفكه قدامك لان انا مستغرب بردو السعر 650 جنيه دا انا بتعامل مع الراجل بقالي اربع سنين وبشتري منه بأستمرار قطع كل مره يدهولي 700 بدون مشتملاته لوحده كدا سليطي مليطي
واتاكد من الفارغه بتاعت الفتيس الي في النص عشان دي اكتر مكان معرض للخبط من تحت "السبب الرئيسي في تغيير الفتيس بتاع المرحومه"

ماهو الإول قال يا أحمد 700 أنا إللى نزلت السعر .. عشان المعارف وعم صبحى والفتيس برضه سليطى مليطى ... بس كان فكه من مكنه إنجكشن كانت لسه جايه وحتى كان عايز يحل الاسطوانه والدسك من المكنه ويدهوملى وأنا مرضتش .... بس خايف من الحل والتركيب الكتير

**giedo** · 11-04-2014 04:03 PM

المشاركة الأصلية كتبت بواسطة adhmmaamon

اولا مبروك على تركيب الفتيس ..
ثانيا الكلام واضح ان اللى انت مركبه دا فتيس 1300 .. لانى اول مره اسمع عن فتيس سريع وفتيس بطىء ..
اللى سمعت انه سريع او بطىء المارش (الكبير البطىء بتاع الفوفيرت والصغير السريع بتاع الفليشيا ) ..
اما معظم مكونات الموتور من دينامو الى فتيس الى وش سلندر فالكل تقريبا واحد .
موضوع بقى انك ترجعه هايبقى صعب .. ليه ؟؟؟ اولا من كلامك الفتيس مفيهوش عيب وشغال كويس .. ثانيا الراجل قالك مفيش حاجه اسمها فتيس 1600 واداك الفتيس السريع (مش ده كلامه ؟؟ ) وانت اشتريت منه على كده ...يبقى ايه ؟؟؟؟

اهم نقطه بقى فى الحوار ده كله ... هل هايفرق معاك ان الاول يجيب 50 والتانى 70 وووووووو ؟؟؟؟
اللى المفروض يفرق ان سحب العربيه يبقى كويس وناعم وانت بتنقل غياراتك حسب سرعه الطريق ..
وبعدين احنا فى الصيف والتحريق على الغيارات هايعملك مشكله مع الموتور ..

مره تانيه الف مبروك ..

إنت عارف يا أدهم إنهم شبه بعض .... وإنت كنت مركبه قبل كده ...بس انا قايله على الفتيس إللى بيركب على مكنه الـ 1600 ... بس طبعا" يفرق معايا السحب طبعا" لإنى موش حاسس بإختلاف من الفتيس القديم

**AhMeD MeTwAlY** · 11-04-2014 11:19 PM

المشاركة الأصلية كتبت بواسطة giedo

ماهو الإول قال يا أحمد 700 أنا إللى نزلت السعر .. عشان المعارف وعم صبحى والفتيس برضه سليطى مليطى ... بس كان فكه من مكنه إنجكشن كانت لسه جايه وحتى كان عايز يحل الاسطوانه والدسك من المكنه ويدهوملى وأنا مرضتش .... بس خايف من الحل والتركيب الكتير

مدام الي بيفك ويركب بيفك يركب كويس خلاص مفيش ضرر بس المشكله العطله الي هتتعطلها مش اكتر وتكلفة الفك والتركيب والتحبيش اللذي منه والمرمطه رايح جاي عليه
انما لو مش فارق معاك الحجات دي يبق توكل ع الله بس تكلمه الاول قبل ما تفك واشرحله الوضع

**aw2100** · 12-04-2014 11:28 PM

فتيس ال1600 بيركبب على موتور ال1600 لكن الفتيس اللى بيركب على موتور ال1300 الأنجكشن نفس فتيس الموتور ال1300 الكاربراتير
ودى صورة الموتور ال1600

ودى صورة الموتور ال1300 الأنجكشن

**liquidator** · 17-11-2017 02:39 AM

يا جماعة على الرغم من انه الموضوع قديم شوية اللا اني حبيت ارد , ايه بقي حكاية الفتيس البطيء والسريع ؟ أولا خلونا نتكلم كلام علمي , في حاجه اسمها فتيس بنسب غيار متقاربه ( close ratio gearbox ) و في حاجه اسمها فتيس بنس غيار عالية السرعة ( high speed gearbox ) ايه الفرق مابين الاتنين ؟ الفرق ان الفتيس اللي نسب غياره متقاربه ده هاتحس معاه انك بتغير بسرعه والغيار مش بيلحق وتلاقي الموتور صوته علي , على عكس فتيس ال السرعه العاليه اللي ممكن توصل بالغيار لسرعات عاليه قبل ما تحتاج تغير , طيب ايه الميزه في كل واحد فيهم , ميزة الاولاني انه بيديك عزم و قوة سحب (تسارع )زياده على حساب السرعه القصوى لكل غيار , اما التاني بيضحي بشوية من العزم و التسارع لصالح انك تقدر توصل لسرعات اعلى في كل غيار قبل ما عداد الار بي ام يوصل للأحمر , و بشوية بحث على النت نلاقي ان فتيس الفليشيا موديلات من 1994 لحد 1997 فيها فتيس السرعة العالية , اما الفليشيا من 1998 لحد 2001 فيها فتير النسب المتقاربه , و فيما يلي بيان بنسب غيار كل فتيس فيهم , ( كل ما كانت النسبه اكبر كل ما اداني عزم و تسارع و كل ما كانت اقل كل ما اداني سرعة قصوى أعلى ) :
أولا فتيس السرعة العالية ( فيليشيا 1995-1997 ) :
1th gear ratio:
3,31:1
2th gear ratio:
1,91:1
3th gear ratio:
1,27:1
4th gear ratio:
0,93:1
5th gear ratio:
0,72:1
Final drive:
4,16:1
RPM at 120 km/h (theoretical):
3.400 rpm

ثانيا فتيس النسب المتقاربه ( فليشيا 1998-2001 )
3,46:1
2th gear ratio:
1,96:1
3th gear ratio:
1,31:1
4th gear ratio:
0,98:1
5th gear ratio:
0,76:1
Final drive:
4,12:1
RPM at 120 km/h (theoretical):
3.700 rpm

لاحظوا الفرق في ال rpm عند سرعة ال120 وانتوا تفهموا اللعبه كلها فين :) :)
يا رب أكون قدرت أفيدكوا بأي حاجه و بعد كده أفتكر كل واحد ناوي يشتري فتيس اكيد هايعرف يختار صح و اللي يناسبه :)

تحياتي لكم جميعا :)