تغيير فتيس الفليشيا

**giedo** · 10-04-2014 10:13 AM

بسم الله الرحمن الرحيم
من وقت للتانى كان يخطر فى بالى تغيير فتيس عربيتى الفليشيا وبعد ما قرأته من مواضيع عن تغيير الفتيس للـ لفتيس الـ 1600 قررت (والقرار لله رب العالميين ) إنه أغيره ... وواحد صاحبى بيتعامل مع محل قطع غيار السيارات لإنه معاه جولف فالى مالكش دعوه ترووح معايا وأنا أظبطلك الامور وقولت بالمره أعدى على عم صبحى فى شغله أسلم عليه وروحت وتوكلت على الله الراجل قالى فى ماكينه 1600 جاياللى كامله تعللالى وخود منها الفتيس ... كام يا عمنا ... قالى 700 جنيه .... روحت رايح لعم صبحى الشغل وقالى أنا كده كده كنت رايحله وتعالى معايا ووصى عليا عند الراجل .... وكمان عم جميل الميكانيكى وصى عليا بالتليفوون كمان ... 3 توصيات
نبدأ الموضوع بإذن الله
أولا" طلع انه مافيش فتيس حاجه إسمها 1600 لكن إسمه فتيس سريع .... والفرق فى مجموعه الخامس فقط
أعراض الفتيس القديم
1. صوت الخروشة اللى من بليه عمود الدرك والعربيه باردة
2. ونه خفيفه فى الفتيس بتظهر فى النقل بيين الغيارات أو وانت ماشى براحتك
جبت الفتيس بالليل من عند المحل وكان شكله إسود كده مهبب ومرضتش أخد الديسك والاسطوانه إللى كان جاى بيهم مع إنهم (ماركة فاليوو ) والفتيس اللى كان عندى والله يا جماعه كان بيلمع كده
ونبدأ بقطع الغيار
1. فتيس استيراد بعد الكلام والمغازله 650 جنيه
2. طقم ديسك وإسطوانه وبليه ماركه باما تركى 420 جنيه (معرفه )
3. قاعدة فتيس ( شداد ) 60 جنيه
4. بالمره قاعده موتور (بتاعه طرمبه المياه ) 30 جنيه
وتوكلت الصبح وروحت للميكانييكى وقولتله إن الفتيس شكله وحش كده ... قاللى موش بالشكل وكشف على الفتيس قالى تمام .. والفتيس كان جاى بالكوزيين بتوعووو (الكبالن الداخلية ) التاجر قالى فك الكوزيين دول وهتهوملى هوما وبليه الدبرياج ( عم صبحى اتصلت بيه بالليل قاللى خاليهم زى ماهما لو كانو كويسيين وفك بتوعك وإدهمللووو ) الميكانيكى كشف على الكوزيين قالى تمام خليهم .. وغيرت هدومى وكنت معاه لإنى بحب اتابع الحاجه بنفسى ... فكينا لقينا الاسطوانه القديمه رايحه فى داهيه قاللى كنت ماشى بيها إزاى دى ..(مع إنى جربت كل تست الاسطوانه وكانت زى الفل موش عارف ) والفتيس كان جاى بالقاعده بتاعته ( قالى أحسن من القديمه ) وحلينا وركبنا ... وحلينا طرمبه المياه وروحت المخرطه كبسلى القاعده الجديده ...وعم صبحى قبل ما نجرب إتصل بيا يطمن عليا ( الله يكرمه ويثبته يا رب ) ... وزودنا مياه وبسم الله ندور ونجرب
الانطباعات من أول الدواره بعد الفك والتركيب
صوت الموتور هدى عن الاول ... ثبات الموتور داخل الحوض وعدم وصول إهتزازه لجسم السياره بفارق ملحووظ
الإنطباعات أثناء التجربه وسير السياره
موش عارف ليه حسيت موش هوه ده اللى كنت متوقعه .... خاللى بالكو معايا وحسووو إحساسى ... إحساسى بتغيير الديسك والاسطوانه طبعا" مافيهوش كلام نعومة فى المشى سحب حلو .... لكن من كلام الزملاء اللى غيرووه الفتيس إن العربيه كانت طياره ... مالقتش ده هوه هوه الفتيس القديم بتاعى مع عدم وجود الونه وصوت الخروشه والعربيه بارده ... يعنى أنا جربت إمبارح الاول مع القرص 30 والتانى مع القرص الجامد ممكن يوصل 60 بس الصوت الموتور بيعلى أوى .... والكلام ده لسه إمبارح ومطلعتش تانى بيها .. وكنت راجع تعبان فنمت ولسه التجربة سارية
وإدعوللى معاكوو والدعاء أمانه إن ربنا يكملها على خير إن شاء الله

**AhMeD MeTwAlY** · 10-04-2014 11:31 AM

المشاركة الأصلية كتبت بواسطة giedo

بسم الله الرحمن الرحيم
من وقت للتانى كان يخطر فى بالى تغيير فتيس عربيتى الفليشيا وبعد ما قرأته من مواضيع عن تغيير الفتيس للـ لفتيس الـ 1600 قررت (والقرار لله رب العالميين ) إنه أغيره ... وواحد صاحبى بيتعامل مع محل قطع غيار السيارات لإنه معاه جولف فالى مالكش دعوه ترووح معايا وأنا أظبطلك الامور وقولت بالمره أعدى على عم صبحى فى شغله أسلم عليه وروحت وتوكلت على الله الراجل قالى فى ماكينه 1600 جاياللى كامله تعللالى وخود منها الفتيس ... كام يا عمنا ... قالى 700 جنيه .... روحت رايح لعم صبحى الشغل وقالى أنا كده كده كنت رايحله وتعالى معايا ووصى عليا عند الراجل .... وكمان عم جميل الميكانيكى وصى عليا بالتليفوون كمان ... 3 توصيات

نبدأ الموضوع بإذن الله
أولا" طلع انه مافيش فتيس حاجه إسمها 1600 لكن إسمه فتيس سريع .... والفرق فى مجموعه الخامس فقط
أعراض الفتيس القديم
1. صوت الخروشة اللى من بليه عمود الدرك والعربيه باردة
2. ونه خفيفه فى الفتيس بتظهر فى النقل بيين الغيارات أو وانت ماشى براحتك
جبت الفتيس بالليل من عند المحل وكان شكله إسود كده مهبب ومرضتش أخد الديسك والاسطوانه إللى كان جاى بيهم مع إنهم (ماركة فاليوو ) والفتيس اللى كان عندى والله يا جماعه كان بيلمع كده
ونبدأ بقطع الغيار
1. فتيس استيراد بعد الكلام والمغازله 650 جنيه
2. طقم ديسك وإسطوانه وبليه ماركه باما تركى 420 جنيه (معرفه )
3. قاعدة فتيس ( شداد ) 60 جنيه
4. بالمره قاعده موتور (بتاعه طرمبه المياه ) 30 جنيه
وتوكلت الصبح وروحت للميكانييكى وقولتله إن الفتيس شكله وحش كده ... قاللى موش بالشكل وكشف على الفتيس قالى تمام .. والفتيس كان جاى بالكوزيين بتوعووو (الكبالن الداخلية ) التاجر قالى فك الكوزيين دول وهتهوملى هوما وبليه الدبرياج ( عم صبحى اتصلت بيه بالليل قاللى خاليهم زى ماهما لو كانو كويسيين وفك بتوعك وإدهمللووو ) الميكانيكى كشف على الكوزيين قالى تمام خليهم .. وغيرت هدومى وكنت معاه لإنى بحب اتابع الحاجه بنفسى ... فكينا لقينا الاسطوانه القديمه رايحه فى داهيه قاللى كنت ماشى بيها إزاى دى ..(مع إنى جربت كل تست الاسطوانه وكانت زى الفل موش عارف ) والفتيس كان جاى بالقاعده بتاعته ( قالى أحسن من القديمه ) وحلينا وركبنا ... وحلينا طرمبه المياه وروحت المخرطه كبسلى القاعده الجديده ...وعم صبحى قبل ما نجرب إتصل بيا يطمن عليا ( الله يكرمه ويثبته يا رب ) ... وزودنا مياه وبسم الله ندور ونجرب
الانطباعات من أول الدواره بعد الفك والتركيب
صوت الموتور هدى عن الاول ... ثبات الموتور داخل الحوض وعدم وصول إهتزازه لجسم السياره بفارق ملحووظ
الإنطباعات أثناء التجربه وسير السياره
موش عارف ليه حسيت موش هوه ده اللى كنت متوقعه .... خاللى بالكو معايا وحسووو إحساسى ... إحساسى بتغيير الديسك والاسطوانه طبعا" مافيهوش كلام نعومة فى المشى سحب حلو .... لكن من كلام الزملاء اللى غيرووه الفتيس إن العربيه كانت طياره ... مالقتش ده هوه هوه الفتيس القديم بتاعى مع عدم وجود الونه وصوت الخروشه والعربيه بارده ... يعنى أنا جربت إمبارح الاول مع القرص 30 والتانى مع القرص الجامد ممكن يوصل 60 بس الصوت الموتور بيعلى أوى .... والكلام ده لسه إمبارح ومطلعتش تانى بيها .. وكنت راجع تعبان فنمت ولسه التجربة سارية
وإدعوللى معاكوو والدعاء أمانه إن ربنا يكملها على خير إن شاء الله

بص حضرتك انا اول مره اسمع عن حاجه اسمها فتيس سريع ومع ذلك عادي
انا واحد من الناس الي ركبت الفتيس دا في 3 عربيات مختلفين في الموديل
وعربيتي شخصيا ركبته فيها اربع سنين
التغيير كان ملحوظ بشكل كبير جدا
الاولني 50 التاني كان بيجيب 80 التالت 110 او 115 بقيت النقلات مكنتش ببص علي العداد لان العداد كان بيجري مش بيتحرك
مع ملحظة شئ انا كل سنه كنت بغير موتور بكسر موتور لاني اتعودت الشد والجري والحرق لدرجة اني دلؤقتي لما بركب عربيه ستيبترونك بمشي علي النقلات اليدويه مش العادي داء وحش بعيد عنك
يا ريت تراجع الفتيس
بس سؤال هنا
هل حضرتك لما جبت الفتيس لحظة ان في اختلاف في الساعه بتاعة السرعه لان ساعة السرعه في 1.6 او السريع علي كلام حضرتك بتكون مربعه مش دائري زي 1.3 او البطئ
اتمني اني اكون افادة حضرتك
تحياتي
Metwally :*

**giedo** · 10-04-2014 01:07 PM

إنت فينك يا عم أحمد ... ما هو إنت من الناس اللى خلونى أغير الفتيس .... الله يرضى عليك يا احمد ساعه عداد السرعه اللى بتركب فى الفتيس ولا اللى بتركب فى العداد نفسه .... ثانيا" هوه كان الاختلاف فقط فى ساعه المارشدير ... أفدنى يا احمد عشان لو كان كده أرجعووو... وربنا يبعد عنك الشر

**AhMeD MeTwAlY** · 10-04-2014 01:49 PM

انا مسافر كمان 10 دقائق مسافة 700 كيلو اول ما اوصل بالسلامه هتابع مع حضرتك يعني ان شاء الله النهارده بليل

**giedo** · 10-04-2014 02:47 PM

ربنا يسترها معاك ويكفيك شر الطريق وترجع بالسلامة ....وإن شاء الله هستناك

**sakr_skoda** · 10-04-2014 04:41 PM

انشاء تكون تجربة موفقة وربنا يكرمك :

انما انا ليا بعض الملاحظات يعنى ازاى الاول بيجيب 30 بالعافية طيب لفات الموتور على كام علشان نحكم صح على الفتيس خلى عدد لفات الموتور توصل الى 3000 لفه وبص على الكليمترات هنا نقدر نحدد السرعى القصوى مع الحرق على الغيار يعنى صوت الموتور مش مقياس المقياس عندنا عدد لفات الموتور**

بعدين سرعة السحب والتجميع دى مسؤلية حاجات تانية فى العربية كهرباء وكاربرتير ونوع البنزين ايضا يعنى لو 80 بيختلف عن 92 على السلانسية وانتا وقف بعد التسخين يجب ان تكون عدد لفات الموتور على1000 لو اقل يؤدى هذا الى ضعف التجميع والسرعات العليا**

فانا عاوزك تقولنا الاول عدد الفات 3000 السرعة كام كيلو والثانى 3000 لفة السرعة كام كيلو وهكذا لكل الغيارات وعاوزك تمشى على الخامس بس دا ماتجيبوش الا بعد ال 90 كيلو علشان العربية متسقفش منك وسحبها يموت يعنى تجمع الرابع لما توصل 90 او 100 وعدد الفات على 3000 انقل على الخامس المفروض تجيب معاك 120 كيلو على عدد لفات 2500** وربنا يستر طريقك*

**المنسي** · 10-04-2014 10:59 PM

مبروك الفتيس الجديد وكان الاستاذ وليد كان حاطط صورة ليه هحاول اجيبهالك وتقارنها بالفتيس اللي ركبته وان شاء الله خير

**aw2100** · 11-04-2014 01:12 AM

ياباشا الفتيس اللى حضرتك غيرته فيس 1300 بس موديل فوق ال2000 بيبقى بتاع الموتور الأنجكشن وده نفس الفتيس القديم فتيس ال1600 شكلة مختلف شويه علشان من الداخل معدل عن الفتيس العادى بس مش متوفر وعلى فكرة بيخلى العربية طلقة وبتوصل سرعتها فى الخامس ل170ك ومش معنى انه كان راكب على موتور 1600 ممكن يبقى فتيس 1300 راكب على الموتور 1600 عادى وده موضوع حطيت فيه صورة الفتيس ال1600
http://www.nilemotors.net/Nile/389703-a-2.html
http://www.nilemotors.net/Nile/214797-1600.html