السلام عليكم ...
انا من المنصورة أصلا بس شغال وقاعد فى القاهرة .. ومش فاضى انزل المنصورة عشان اظبط العربية
الصنايعية فى المنصورة اسعارهم حنينة ومش غاليين بعكس هنا فى القاهرة .. فكنت طالب من اى حد هنا لو يعرف مركز او صنايعية ميكانيكة وعفشة وكهربا .. اكون شاكر جدا ليكوا :shine[1]:
شوف يا كبير طلماهتبيع يبقا من الاحسن تبيع على حالتها كدا وتنزل من سعرها شويه بدل ما تخش فى شد وقرف الصنيعية وكمان لى هيشترى منك بيكون حاطط سعر معين لماركة العربية والموديل يعنى اما تشد كبيرها هيزود الف ولا حاجة خليها خسارة قريبه ولا مكسب بعيد
واشترى دماغك
جربت ابيع عربية قبل كدا حالتها كانت مبهدلة .. وطلع عينى فى بيعها عشان كل حد يجى يشوفها يطلع فيها القطط الفطسانة .. وانا مش بعرف اتكلم فى البيع والشرا .. فـ بشترى دماغى واعمل اللى فيها وابيعها بالسعر اللى انا عايزه مش اللى المشترى عايزه .. وفى الآخر بين البايع والمشترى يفتح الله.