الموضوع: غيرت اسطوانه و ديسك و بليه و باظت بعد شهرين

بصراحه راجل محترم فى زمن عجيب

مخيف موضوع قطع الغيار ده

المشاركة الأصلية كتبت بواسطة saladin125

السلام عليكم كنت من فترة ذهبت الي speed service center و غيرت اسطوانه الدبرياج و الديسك و البليه و و كتبت تقرير و ده الرابط بتاعه

http://www.nilemotors.net/Nile/28764...post3875403975

بعد شهرين بالظبط لقيت نفس عيب الاسطوانه رجع تاني تخيلت انها حاجه بسيط كلمت الباشمهندس هاني في speed service center و رحتله طلعنا جربنا و كانت الصاعقة العربيه جابت اسطوانه تاني.
بجد انا حصلتلي صدمه سيبك من الفلوس اللي اتصرفت و الوقت بس مش كل شهرين افك فتيس و اركبه. قلت للمهندس هاني ازاي يحصل كده و احنا بقالنا شهرين فقالي قطع الغيار فيها مشكله.
المهم كلمنا صاحب محل قطع الغيار و كان فاكر الموضوع لاني لسه قبلها بيوم كنت شاري منه قطع الغيار لصيانه التمانين.
و انا لازم اكتب اسم المحل لانه ادي انطباع بجد مش لطيف تماما (المحل اسمه اوتو عمر في جسر السويس) الراجل اول ما المهندس هاني كلمه و قاله الموضوع و ترضي ان صاحب العربيه يخسر كده راح رادد طب و انا اعمل ايه يعني انا اللي اخسر؟ (بجد نرفزني) و لما بدانا نضغط عليه قال طيب هاتوهالي انا اوديها للمستود و هويقول رايه الفني
انا معرفتش اعمل ايه طيب منا هفك و اركب حاجه تانيه اجيبها منين و اضمن ازاي انها مش زي للي قبلها و ده طقم مش رخيص
فجاءة و بدون مقدمات لقيت الباشمهندس هاني بيقولي انا هغيرلك الطقم انت مالكش ذن انا اللي وديتك للمحل ده.و انا جايب طقم جديد اهو هركبه علي حسابه و اضمنهولك.
انا معرفتش اقوله ايه لاول مرة في حياتي حد يحجرني باخلاقه كده. الاكتر من كده كمان انه شغللي اتنين فنيين في العربيه في اقل من ساعتين كانت العربيه خلصت. حاولت اساهم معاه با جزء و هو دماغه ناشفه مرضيش ابدا.
انا حبيت اعمل الموضوع ده لسببين
اولا حبيت انبه كل الناس ان في قطع غيار كتير قوي في السوق الناس بتبعها علي انها اصليه و هي اي كلام. و لازم يتحط حد للتاجر اللي بتجيب الحاجات دي
ثانيا بجد الباشمهندس هاني راجل مهما كتبت مش هقدر اوفيه حقه. بس انا بحاول ارد جزء صغير من جمايله

الاستاذ الفاضل
احمد بك صلاح
بص انا حطيت نفسي مكانك بس كده شوف انت كده و قوللي
لا يمكن ان تهتز ثقه عملائنا بنا مهما حدث
هل تعتقد اني خسرت ؟؟؟؟
اعتقد اني كسبت اخ فاضل و صديق محترم ,,,,,,, و دي كبيره عندي قوي
و دايما لينا مبدا واحد (((((((((( كيف ترضي عميلك))))))))))9
تقول تيه بقي تربيه غبور هههههههههههه
بالنسبه للماديات اعتقد ان الله بيشيل من هنا و يكمل في حته تانيه و كده كده هو اللي بيشوف
و علي حسب علمي ان فيه ايه قرانيه (( و قل اعملوا فسيري الله اعمالكم و رسوله و المؤمنون )) ان مكنتش غلط
انا منتظر تشريفك زي ماتفقنا يا كبيررررر

المشاركة الأصلية كتبت بواسطة mesaharaty

مبروك حل المشكلة ، وفعلا المهندس هانى من أجدع الناس اللى ممكن تتعامل معاهم فى حياتك .

ابراهيم بك
يكفي سوالك عليا من حين لاخر كمبدا للصداقه و الحب من حين لاخر عليا و تقصير كبير مني ؟؟؟ظ
شوفت مين فينا بقا اللي جدع

رجل و الرجال قليل

احب اولا اهنئ م.هاني بالعيد وكل سنة وانت طيب يا هندسة ....وكمان اهنئه على افتتاح المكتب المجاور للمركز وهو مركز استقبال للعملاء ومن تقدم الى تقدم ان شاء الله ..
فعلا م. هاني من الشخصيات النادرة والامينة في زمن قلت فيه الامانة والمصداقية .والميكانيكية اللي كل واحد عايز يفتح شغل وخلاص....واهم حاجة عنده انك تكون راضي ومبسوط...وهو مستمع جيد لشكوتك وكمان بيعرف يريحك ازاي...يعني انا مثلا بقعد اسال واستفسر كثير لاني موسوس حبتين وبقلق لما حاجة تحصل في العربية...فيطمني ويقولي عربيتك زي الفل متقلقش ...انا كنت اليوم عند م. هاني بغير كبالن وفلتروطرمبة بنزين وضبطلي العربية تمام والحمدالله
الراجل مش بيرضى ياخذ اي فلوس الا لما العميل يجرب السيارة ويكون راضي ..رغم الحاحي الشديد باني لازم امشي عشان الحق اروح 6 اكتوبر..الا ان الباشمهندس هاني رفض بشدة وقالي اطلع جرب عربيتك وطمني ..
شكرا م. هاني وربنا يكتر من امثالك