هل ممكن ترجع تسوق مانيوال تاني بعد ماتعودت عالاوتوماتيك ؟؟؟

**bee** · 06-10-2008 11:51 PM

شوف يا باشا
انا واحد من الناس بحب المانوال
ولكل منهم مزاياه وعيوبه
على فكره كان فيه موضوع سابق بيتكلم عن الحوار ده
اعمل سيرش هيفيدك

وعشان مطولش عليك انا بسوق الاتنين عادي جداااااااا
بس عشان الامانة الاوتوماتيك مريح جدا في الزحمة
لكن المانوال متعةةةةةةةةة
وفي رأيي الموضوع متوقف على اعصابك وعلى البلد الي انت عايش فيها
يعني لو بتتنرفز بسرعه او البلد بتاعتك وطريقك زحمة خليك في الاوتو
ربنا يوفقك

**mohamed ibiza** · 07-10-2008 12:10 AM

المانوال ليه مميزات برضه عمر افتراضي اطول اعطال اقل سحب و تسارع اعلي تكلفة تصليحه اقل بكتير من الاوتو سهولة في الصيانة عن الاوتو

**احمد عز** · 07-10-2008 12:13 AM

حيبقى فى صعوبه فى الاول بس بعد كده خلاص

**ayman_elkholy** · 07-10-2008 12:28 AM

اعتقد الموضوع كلة تعود اه هاتتعب شوية فى الاول بس الموضوع بعد كدة هايكون عادى

**Amrrr** · 07-10-2008 03:34 PM

على فكرة الموضوع مش مستحيل ولا صعب اوي
هو بس محتاج منك تعود وتشغيل رجلك الشمال وبالذات انك بتسوق اصلا
يعني السنس والتعامل مع العربيات اللي حواليك موجود اصلا هتبقى القصة كلها في تظبيط رجلك الشمال بسسسس!! متقلقشي
انا قعدت سبع سنين فترة الكليه بعربية اتوماتيك بس كانت بتاعة والدتي وبعد التخرج جبت سيات مانوال طبعا وبعدين آتوس مانوال برضة بس بصراحة لو كان معايا فلوس اجيب اوتوماتيك كنت هجيب اوتوماتيك حتى لو ألف ومائة سي سي المهم رجلك على العربية هتبقى عاملة ازاي !!طبعا هتلاقي العربية الوتوماتيك معاك تقيلة على السرعات القليلة وبعدين مش هتحس بفرق بينها وبين المانوال ودا عشان السي سي الصغير

يعني من الآخر لو معاك فلوس تجيب اوتوماتيك يبقى احسن من المانوال عشان معظم الشوارع في معظم الوقت زحمة

**Amrrr** · 07-10-2008 03:35 PM

المشاركة الأصلية كتبت بواسطة bee

شوف يا باشا
انا واحد من الناس بحب المانوال
ولكل منهم مزاياه وعيوبه
على فكره كان فيه موضوع سابق بيتكلم عن الحوار ده
اعمل سيرش هيفيدك

وعشان مطولش عليك انا بسوق الاتنين عادي جداااااااا
بس عشان الامانة الاوتوماتيك مريح جدا في الزحمة
لكن المانوال متعةةةةةةةةة
وفي رأيي الموضوع متوقف على اعصابك وعلى البلد الي انت عايش فيها
يعني لو بتتنرفز بسرعه او البلد بتاعتك وطريقك زحمة خليك في الاوتو
ربنا يوفقك

+100000000000000000

**zizophone** · 07-10-2008 07:09 PM

عايز نصحتي انا بسوق مانيول وكارهه حياتي وفعلا عايز اي عربية اوتماتيك وسيبك البلد دي مش بتاع متعة انت جايب عربية علشان تشتغل بيها يبقي تجيب اوتماتيك

**M.Mokhtar** · 07-10-2008 07:41 PM

المشاركة الأصلية كتبت بواسطة mohamed ibiza

من مميزت المانوال عن الاوتو برضه ان الاوتو بيستهلك تيل امامي اكتر من المانوال فيه فرق ملحوظ

والمانويال بيستهلك اسطوانه ديبرياج

المشاركة الأصلية كتبت بواسطة Kemo0o

السواق الصح يسوق اي حاجة في اي وقت

+10000000000000

المشاركة الأصلية كتبت بواسطة katkootaya

المانوال متعه في القياده و سحب تحفه وتحس انك فعلا سايق عربيه

اما الاوتوماتيك العربيه هيه اللي سايقاك ..

واللي مابيعرفش يسوق مانوال يبقى معندوش خبره يعني ايه قياده

الميزه الوحيده في الاوتوماتيك الراحه وقت الزحمه ... لكن على طريق سريع اسمع بقه احلى صوت للموتور و كانه هيفرقع :D ده غير انه على ماتجمع سرعه معاك فيها ربع ساعه

انا طبعا بسوق الاتنين عادي جدا بس بحب المانوال اكتر ..

اللى فاهم هو راكب ايه مش هتفرق معاه اوتوماتك من مانيوال
دلوقت حتى الاوتوماتك ممكن تتحكمى فى وقت النقله والشد وصوت الموتور وكل حاجة نفسك فيها
المهم تبقى فاهم اللى انت راكبه
وعمر ما العربيه هتسوقك(ده بالنسبة للعربيات الجديدة)

وعلى فكره فى فتيس اوتوماتك بينقل اسرع من الفتيس المانيوال يعنى لا بيجمع فى ربع ساعه ولا كلام من ده
الكلام ده كله كان زمان
دلوقت احنا فى عصر التكنولوجى

المانيوال متعه بس مش فى القاهره والجيزة
الاوتوماتك مريح فى كل مكان وزمان
الجديد فى منه اوتوماتك ومانيوال فى نفس الوقت (عيش حياتك)

شوف بقى انت عايز ايه واختار