تسقيط ماتور ٢ كامة للانوس ١ موديل ٢٠٠٠

السادة الأفاضل بعد التحية

معلش انا مصدعكم كتير معايا وبالأخص الاستاذ طارق، بس معلش محدش بيتعلم ببلاش.

المهم انا ماتور عربيتي في أيامه الأخيرة واستاذ طارق بعد ما عرف المشكلة اقترح لي انا أجيب كرنك وطقم سبيكة (ماتوري معملوه ٣ عمرات قبل كده).

في واحد صاحبي اقترحلي إن أسقط ماكنة ٢ كامة وأنا قريت عليها هنا في المنتدى إنها فكرة جيدة بس محتاجة تعديل في الفرامل والجنوط. ومفهمتش أوي

عموماً لو أنا هعمل كده إيه نصيحتكم ليا وإيه هي التعديلات إللي مفروض أعملها بالظبط (١ ٢ ٣ الخ ...) ولو سمحتم إللي جرب الموضوع ده قبل كده ياريت يفيدني.

ربنا ما يوريكم إللي أنا شفته في العربية ولا من الصنايعية.

شكراً جزيلاً

استاذ لانوس 2004
هيفيدك فورا
تحياتي

شكراً جزلاً

http://www.nilemotors.net/Nile/102600-a.html (تعديل الفرامل الامامية اللانوس)

http://www.nilemotors.net/Nile/25969-1-2-a.html (يعني ايه لانوس 1 ولانوس 2)

شكراً شكراً

هشفهم ولو فيه سؤال هقوله

شكراً

هو الموضوع مرتبط ببعضة

التسقيط ملوش اى علاقة بتعديل الفرامل من الناحية الميكانيكية... هى كل الفكرة ان الفرامل الحالية مش هتوقف العربية خالص بالمكنة ال2 كامة

و عشان تعدل الفرامل لازم الاول تغير الجنوط و تركب جنط 14 عشان ال13 مش هيركب على الفرامل المعدلة

MMamdouh

اقتباس:

---

المشاركة الأصلية كتبت بواسطة mmamdouh

هو الموضوع مرتبط ببعضة

التسقيط ملوش اى علاقة بتعديل الفرامل من الناحية الميكانيكية... هى كل الفكرة ان الفرامل الحالية مش هتوقف العربية خالص بالمكنة ال2 كامة

و عشان تعدل الفرامل لازم الاول تغير الجنوط و تركب جنط 14 عشان ال13 مش هيركب على الفرامل المعدلة

mmamdouh

---

هل تكبير الجنط يخلى عداد السرعة يخلف؟؟ على اساس ان العربيه حتقتع مسافع اكبر بنفس عددو اللفات الخارجه من الجيربوكس؟؟

شوف انا مشيت سنتين تقريبا بماتور توين كام 110 حصان من غير تعديل الفرامل لانى اصلا مكنتش اعرف يعى ايه تعديل فرامل وعرفته من المنتدى ونشكر المعلم--المدرس يعنى-الكبير ممدوح
بس كنت بجيب تيل اصلى وطنابير محترمه
المهم تغير الماتور
هتلاقى مواتير 1500 اتنين كامه و1600 اتنين كامه المهم الحاله قبل السعه لان الفرق مش كبير بينهم فى القدرة
انته هتشترى ماتور لانوس يعنى مخلوع من عربيه لانوس مش نوبيرا
علشان متتعبش والميكانيكى يعك فيه وتسقط المكنه مكان القديمه على نفس قاعدة الماتور وهيركب على نفس فتيسك عادى
لو لقيت المكنه عليها ترس فلام اتوماتك هتفك ترس الفلام من مكنتك وتركبه عليها وخلاص
ولو عرفت تبدل كنترولك مع الى هتشترى منه يبقه ممتاز جدا معرفتش كنترولك يشتغل عادى--ان شاء الله--بس يفضل تغيرة-الضفيرة واحد ما فيش مشكله فيها

اقتباس:

---

المشاركة الأصلية كتبت بواسطة lutenit030

هل تكبير الجنط يخلى عداد السرعة يخلف؟؟ على اساس ان العربيه حتقتع مسافع اكبر بنفس عددو اللفات الخارجه من الجيربوكس؟؟

---

لو كبرت الجنط وقللت السمك تعوض الفرق لاقرب نقطه من الوضع الاصلى
مثل
180-70-13
180-65-14
تم تقليل السمك من 70 الى65 اى5سم اى نصف القطر قل2.5 سم تعويضا عن ا بوصه الفرق بين ال13 وال14 اللى هى 2.5 سم تقريبا
اما لو استخدمت
180-70-14
تخلف فعلا

الانوس استاندر----185-60-14 ودة الى انا مركبه

شكراً جزيلاً يا جماعة على تعبكم وإفادتكم الكريمة ربنا يبارك فيكم جميعاً
بس مش عارف ليه حاسيت إن الموضوع أكبر من حجمه بمعنى اني مفروض أغير وحدة الكنترول وضفيرة وجنوط وتعديل فرامل علشان اصلاُ ماتوري القديم بيجيب آخره والعربية أصلاً عمرها 14 سنة فخلينا نتناقش بالمنطق أنا ممكن أعمل كل ده زي ما حضرتكم نصحتوني بس لو حبيت أبيع وأجيب حاجة أحدث أو موديل تاني هل ده هيفرق مع الشاري في السعر ما أظنش لأنه هيقوللي إنت ركبت بيهم وهي توبها كده ثانياُ والأهم أنا بعشق عربيتي ونفسي أخليها أشد عربية بس هل ده مناسب لشوارع بلدنا الحبيبة هل انا هحتاج السرعة والعزم والقوة في شوارع مصر هل حد من حضرتكم فرقت معاه لما عمل التعديلات دي إلا في طرق السفر طبعاً لكن داخل المدينة مأظنش إنها هتفرق في حاجة لأني ممكن اسوق لمدة 45 دقيقة على الغيار الأول والتاني على الدائري لانه واقف من الزحمة كل يوم هل هتفرق ساعتها الماتور ده 1 كامة أو 2 كامة أو الفرامل متعدلة ولا لأ لو هتفرق أنا هعمل كده من بكرة بجد. معلش انا بفكر معاكم بصوت عالي علشان إنتو أكتر ناس بثق في كلامها وخبرتها عن أي فني ميكانيكي كان أو حتى مهندس وعلشان كده أنا بفكر أجيب نفس الماتور 1 كامة بالفتيس بتاعه وشكراً كده وبلاش أفتح على نفسي حاجات أنا في غنى عنها في شوارعنا الجميلة وبرضوا أرجو النصح من حضراتكم لأني خبرتي على قدي وممكن يكون تفكيري غلط.
وشكراً جزيلاً

اقتباس:

---

المشاركة الأصلية كتبت بواسطة sameyes

شكراً جزيلاً يا جماعة على تعبكم وإفادتكم الكريمة ربنا يبارك فيكم جميعاً
بس مش عارف ليه حاسيت إن الموضوع أكبر من حجمه بمعنى اني مفروض أغير وحدة الكنترول وضفيرة وجنوط وتعديل فرامل علشان اصلاُ ماتوري القديم بيجيب آخره والعربية أصلاً عمرها 14 سنة فخلينا نتناقش بالمنطق أنا ممكن أعمل كل ده زي ما حضرتكم نصحتوني بس لو حبيت أبيع وأجيب حاجة أحدث أو موديل تاني هل ده هيفرق مع الشاري في السعر ما أظنش لأنه هيقوللي إنت ركبت بيهم وهي توبها كده ثانياُ والأهم أنا بعشق عربيتي ونفسي أخليها أشد عربية بس هل ده مناسب لشوارع بلدنا الحبيبة هل انا هحتاج السرعة والعزم والقوة في شوارع مصر هل حد من حضرتكم فرقت معاه لما عمل التعديلات دي إلا في طرق السفر طبعاً لكن داخل المدينة مأظنش إنها هتفرق في حاجة لأني ممكن اسوق لمدة 45 دقيقة على الغيار الأول والتاني على الدائري لانه واقف من الزحمة كل يوم هل هتفرق ساعتها الماتور ده 1 كامة أو 2 كامة أو الفرامل متعدلة ولا لأ لو هتفرق أنا هعمل كده من بكرة بجد. معلش انا بفكر معاكم بصوت عالي علشان إنتو أكتر ناس بثق في كلامها وخبرتها عن أي فني ميكانيكي كان أو حتى مهندس وعلشان كده أنا بفكر أجيب نفس الماتور 1 كامة بالفتيس بتاعه وشكراً كده وبلاش أفتح على نفسي حاجات أنا في غنى عنها في شوارعنا الجميلة وبرضوا أرجو النصح من حضراتكم لأني خبرتي على قدي وممكن يكون تفكيري غلط.
وشكراً جزيلاً

---

كان عندى نفسك حوارك بتاع الكرنك وفكرت فى المكنة التوين كام .. وانا عند بتاع الاستيراد قعدت ادور عليها واسال لقيت سعرها اغلى من العادية بالاضافة ان الميكانيكى بتاعى قعد يحور ويقولى ضفيرة وكنترول .... وحسيت ان حيلوص فيها ولو عملها على مزاجى حيبقا غصب عنه وممكن يفتى فى حاجة اثناء التعديل ولو لا قدر الله حصل حاجة وجيت اشتكيله حيعملى مليون حوار ويقولى مش قلت لك .... حتى لو الحوار بسيط
المهم فى الاخر ريحت دماغى وجبت شورت بلوك عادى واحد كامة وركبته وما شاء الله الموتور حالته جميلة جدااااا ومريحنى ..... الكلام ده من شهر تقريبا وادينى ماشى فى موضوع ورق الموتور ومستنى رقم الصادر من المرور

الموضوع تغير الماتور باتنين كامه ابسط من اى تصور--بس الميكانيكى هوة الى بيعقدها

يا جماعة شكراً لإهتمامكم
أديني بدرس الموضوع كويس وربنا يسهل وفعلاً زي ما إنتوا قولته هي مشكلة صنايعي

انا معايا مكنة ٢ كامة... بصراحة فرق السما... انصحك لاتعمر مكنة ولا نبهدل نفسك.. هات شورت بلوك ٢ كامة بالمانفولد والفرن وخلاص... وانسى همومك وانسى ان العربية تبقة بطة لما تشغل التكييف... انا كنت جايب الشورت بلوك ب ١٧٠٠ وكان لقطة بصراحة والميكانيكى أخد ٣٠٠ جنيه من بقه.... وبصراحة إستهلت كل قرش إتدفع فيها

استاذ jam
شكراً على إفادتك الكريمة بس ليا كام سؤال
هل عدلت الفرامل أو الطنابير والكاوتشات وهل غيرت حاجة في الطفيرة أو وحدة الكنترول
معلش أنا مش فاهم الموضوع قوي؟

انا كدة كدة كنت معدل الفرامل الامامية من فترة كبيرة جداً ومعدلتش اى حاجة فى الضفيرة او كنترول العربية... اللى ممكن تحتاج تعدله هوا انك تطول سلك حساس الشكمان شوية... وانتا بتعملها فى ٣٠ ثانية بالتمام... ولو فيه اى استفسار انا تحت امرك

كنت جايبه منين الشورت بلوك ال 2 كامه ؟ ومن امتى تقريبا

من حوالى سنتين وكسر وكان لقطة بصراحة... كان عند تاجر وعايز يخلص منه علشان محدش يعرفه وكان من شارع الوحدة فى امبابة... وكان ب ١٧٠٠ ... حاجة تانية نسيتها.. انتا لازم تاخد مع الماكنة قاعدة كباس التكييف لانها فارقة عن اللى فى الماكنة القديمة حوالى ٢ سم.. والكباس مش هيبقة شغال تمام

خد قرارك بسرعه عشان موضوع منع استيراد قطع غيار السيارات المستعملة
هيخلى الاسعار نار وكمان هيخلى التجار تبيع البواقى اللى عندها بأسعار اعلى وهو متسويش اصلا

شكراً جزيلاً لحضراتكم
ربنا يسهل إن شاء الله واللي فيه الخير ربنا يكمل فيه