مفيش اخبار عن لوجان المغربى
عرض للطباعة
مفيش اخبار عن لوجان المغربى
ولنفرض
ايه فايدتها ؟
الفايدة الوحيدة تعود عليك لو اشتريتها فاضية تماما
يعني لا تكيف ولا حتى باور !!
مش قبل منتصف 2009 على كلام الراجل صاحب التوكيل في الاهرام
واضح إنهم عمالين يأجلوا نزولها كل شوية
مرة يقولوا حاتنزل أول أكتوبر 2008 , بعد كده محمد نصير وكيل رينو يقولك مش قبل منتصف 2009
و الله أعلم بعد كده حايأجلوها لغاية إمتى تاني؟؟؟
بصراحة أنا ناوي أشتري عربية و مش عارف أستنى و لا اشتري دلوقتي و أخلص؟؟
هما بيقولوا إنها حاتنزل من غير جمارك في حدود 50 ألف جنيه
و محدش عارف فين الحقيقة في الموضوع ده؟؟
الكلام بتاع 50 الف ده ...محمد نصير نفاه فى اخر تصريحاته وقال ان سعر العربية لايتوقف على التكلفة فقط و لكن لا بد ان يتلائم مع السوق
و الكلام ده سمعته على نجوم اف ام في اخبار السيارات
و الله اعلم ايه الى يحصل
يا جماعة كلام الراجل يتضمن مغزى شديد الاهمية الى هو
ان محمد نصير بيه مش هيخسر علاقته مع غبور بيه و غيره من البهوات عشان الشعب المصري
ولا ايه يا بيه
و ادينا قاعدين ....انا اشتريت و يحصل الي يحصل :)
و الله من غير نصير و لا غيره اللي عاوز يشتريها من المغرب مباشرة ممكن جدا
والله فكرة ...لو مش هياخدو جمارك و انا داخل بيها مصر تبقى فكرة الواحد يروح يتفسح شوية و يشتريها و يجي ...بس انا متأكد انهم هيكلكعوها و يطلعو 100 مشكلة
اولها يقولك ملهاش ضمان
يا عم ناس كتير بتجيب عربيات بالشكل ده , و بعدين هما مالكم بالضمان دا بتاعك انت
اعتقد ان العربيه ده مش هتنزل دلوقتى قبل نصف 2009 حسب ما سمعت فى الراديو ولو نزلت هتنزل مفاجأه يعنى مش غير سابق انذار (مره واحده كده نصير هيعلن انه لوجان المغربى الان فى مصرى )
كل ده علشان الباشا يبيع الرومانى مش وعايز يوقف سوقها خصوصا ان فى اعتقادى الشخصى ان خبر نزول اللوجان المغربى اثر على مبيعات الرومانى جامد
انا سمعت نصير بيصوت من محمد رشيد وزير التجارة في حديث صحفي _ يعني ما هواش غول و لا حاجة
وغالبا مش هيقدر يغمل حاجة لو حصل ان ناس جابت العربية لوحدها - بس اكيد موضوع الضمان بيفرق و اكيد مميزات تانية برضة
يعني لو واحد بيلعب في السوق ب 10- 15 مليون يعني غلبان (زي حالتنا يعني )ممكن يدخل شوية عربيات و يسترزق بيهم
عادي يا جماعة - ما هي الحدود بقت مفتوحة جدا دلوقت - غن نفسي كنا في الشغل بنجيب حاجات من امريكا مش موجودة في مصر مثلا