السلام عليكم
إن شاء الله هغير الزيوت في صيانة ال 40000 يوم الأثنين و كنت عايز اعرف رايكوا في
- زيت الفتيس 4 لتر و كنت ناوي على Valvoline Maxlife ATF
- احط اد ايه لزيت الفرامل (برضة فالفولين Dot 4)
- مش عارف احط ايه لزيت الباور و قد ايه
- للموتور هحط فالفولين SynPower 5w-40
- ايه المياه اللي اجيبها و قد ايه
هتعمل الصيانه فى التوكيل ولا بره
لو فى التوكيل اعتقد هيشترط عليك انواع معينه
الباور كهربا من غير زيت
زيت الفرامل بيتزود بس ده لو نقص اصلا
بالنسبة لزيت الفتيس فاللفولين مجربتوش وانصخك بالموجود عندهم في التوكيل
اعتقد غطا قربة زيت الفرامل مكتوب عليها dot 3 مش dot 4
هو زيت الفتيس على 40000 كيلو و ﻻ 60000 كيلو
انا بحط زيوت فالفولين و مرتاح معاها بصراحه
ياسيدى الفاضل: انا كنت محتار زى حضرتك كده و فى النهاية عملت الاتى فى صيانة 40000 للصنى
1- زيت موتور فالفولين engine armour 5w-40 .
2- زيت فتيس اتوماتيك maxlife ATF
3- .زيت فرامل DOT 3 DOT 4
4- مياه التبريدmaxlife RTU
كل المنتجات فالفولين. و إلى الان ماشى بالسيارة حوالى 5000 كيلومتر بعد الصيانة ولا يوجد مشاكل بفضل الله.
ملحوظة: تم استبدال synpower 5w-40 بالنوع الجديد engine armour 5w-40
شكرا لكم جميعا انا فعلا استخدمت فالولفين و لاول مره و إن شائ الله تكون كويسة. و حطيت زي الأستاذ aboadham عدا المياه التوكيل حطها
يا ريت تقولنا رايك عن زيوت فالفولين بعد التجربه للاهميه وشكرا
و الله أنا ممشتشي كتير بالعربية بعد الصيانة و لكن تقييم مبدئ أن صوت الموتور أهدى و الحمد لله. أنا كنت قبل كده كنت بحط ليكوي مولى و أول 4000 كيلو بيكون صوت الموتور هادى و السحب كويس ثم يقل تدرجي لحد 8000 و بعد كده الصوت يعلى و السحب يقل. طبعا هقدر اقيم بعد ال 10000 إن شاء الله
حضرتك ممكن ترجع للموضوعات في المنتدي عن فالفولين هتلاقيها ايجابية جدا.
و عامة صلى استخارة قبل ما تتشتري و ربنا يوفقك