الموضوع: استفسار بخصوص رخصة السيارة

المشاركة الأصلية كتبت بواسطة falcon191

عربيتي نيوأكسنت 2009 و 1599cc عند تجديد الرخصة كتبوا فيها أكسنت 1500
هو ده كده صح ولا غلط بالنسبة للمرور؟

الموديل "أكسنت 1500" بس أعتقد المفروض يكتبوا "نيو أكسنت" أو "أكسنت mc"

يا ريت الهيونداوية يرضوا عليا أصلي قلقان من زيارة المرور مرة تانية

ولا تشغل بالك هى هى 1500 ولا 1599 نفس الضريبه وبعدين دي غلطه فى الطباعه المره الجايه تتصلح ولا تروح ولا تيجى بس المره الجايه خد بالك وعدلها قبل ما تمشى من المرور يمكن تفرق لو حبيت تبيع العربيه مثلا انا عربيتى اخت بتاعتك مكتوب هيونداي فقط ولا يوجد موديل اصلا ليه مش عارف ومهتمتش كلها شكلسات ملهاش لازمه تقبل مروري شكرا

المشاركة الأصلية كتبت بواسطة megaman

ولا تشغل بالك هى هى 1500 ولا 1599 نفس الضريبه وبعدين دي غلطه فى الطباعه المره الجايه تتصلح ولا تروح ولا تيجى بس المره الجايه خد بالك وعدلها قبل ما تمشى من المرور يمكن تفرق لو حبيت تبيع العربيه مثلا انا عربيتى اخت بتاعتك مكتوب هيونداي فقط ولا يوجد موديل اصلا ليه مش عارف ومهتمتش كلها شكلسات ملهاش لازمه تقبل مروري شكرا

دا أنا اللي متشكر جدا....
أصل أنا بعد ماكتشفت الموضوع ده وأنا في البيت ،حسيت ان دمي هرب ،أصل مشوار المرور ده عبارة عن فترة كفاح لازم نمر بيها وأنا اعتبرت نفسي خلصتها خلاص.

يا باشا انا لسه مرخص يوم الاحد والاتنين اللى فات انى كنت بغير موتور وبثبته على الرخصه ولك ان تتخيل الذل والمعاناه فى الفحص واعادة الفحص عشان البصمه مكنتش واضحه وتناكة المهندس والضابط والعسكرى وامين الشرطه والموظفه ده غير زحمة النيابه وكمان الصول اللى بيرفع البصمه مش عاجبه انى مقولتلوش انى بغير موتور واللى زاد وغطى فاتورة الموتور ضاعت منى فى المرور ولقيتها تانى يوم بعد ما حالى وقف وفى الاخر الرخصه طبعو فيها تاريخ الفحص 2015 بدلا من 2017 دخلت للحاسب الالى عشان يعدلها المهم عدلها بعفاشه ل 2017 انا اتضايقت وقلت حروح اطبعها تانى يوم وبعدين قولت لا كفايانى كده مش حستنى ساعتين على الاقل وخلتها زى ما هى

انا عربيتى اكسنت ار بى ومكتوب فى الرخصة ( اكسنت ) بس

والله أنا باشكركم جميعا على ردرودكم و دايما دي سمة من سمات أصدقاء النيل موتورز انهم مش بيتأخروا على حد بالنصيحة..يا رب يبارك فيكم ونكون دائما في أحسن حال.