صيانة الالف وسرقة يونايتد جروب نيو صنى

بسم الله الرحمن الرحيم

انهاردة قولت احجز صياناة الالف انا عامل حوالى الف كيلو فقولت احجز

بقة صيانة الالف .. اقرب مركزين ليا هما يونايتد ش قوية بسمعها لما اقفل الازاز وعايز اطمن الصوت

ده طبيعى ولا لأ وكدة كدة الفرامل بيتكشف عليها فى صيانة الالف .. المهم كلمت يونايتد جروب

حجزت وبسأل على تفعيل الانذار اللى فى المركز لقيتهم بيقولولى 150 جنيه! طب ان شاء الله

وايه الاستغلال والابتزاز ده! المهم قفلت وانا متدايق وكلمت السبع قاللى انت المفروض سوبر

صالون يكون الانذار متفعل وانا بصراحة مش عارف هو متفعل ولا لأ لانه فى التوكيل قالى انه

مش متفعل وبفعله فى الضمان! المهم بسأله طيب وهو اصلا تفعيله بكام قالى لأ مجانا!

طبعا بدون تردد عرفت ان التانيين دول حرامية!! وحاسس ان السبع هيبقوا كويسين وسمعتهم

بصراحة كويسة جدا يارب يبقوا تمام ومش مهم اضرب المشوار بس اتعامل مع ناس معاهم ضمير

وبيشتغلوا بذمة .. ان شاء الله هعمل موضوع تانى اكتب فيه تقرير الالف كيلو مع العربية.

شوف اوتو ايجيت

تفعيل الانذار فى التوكيل سواء للصالون او السوبر مجانااااااااااااا قولا واحدا - انا مفعله فى اوتو ايجيب من سنه تقريبا مجانااااااااااا

باشا فرع الضراسه دفعني 150 جنيه اعمال كهرباء ( تفعيل انذار)

هو مفروض تفعيل الانذار مجانى لكن عموما بيختلف من توكيل للتانى انا شخصيا حاسبونى على 50 ج اعمال كهرباء واعتقد انها تفعيل الانذار

وده فى الاتحاد الوطنى بطنطا

فعلته فى صيانة الالف فى السبع مجانا
بس اللى اعرفه انه بيبقى متفعل فى السوبر الصالون لكن محتاج تفعيل فى ال ex

يا باشا متعملش صيانة فى القاهرة غير فى مكانين فقط :
1- أتو أيجيبت أبورواش
2- السبع بزهراء المعادى

غير كده يبقى حمادة بالجنزابيل

انا اتعاملت مع اتوايجبت كذا مرة و الحقيقة توكيل محترم و التعامل كويس و بيغيره اللي محتاج يتغير في الضمان بدون مناقشة ....

اما بخصوص الانذار: بيكون متفعل في السوبر صالون قبل ما تطلع من المصنع لكن الex بيكون غير مفعل فالتوكيلات بتفعله و غالبا بيكون مجانا .
وبما ان حضرتك عندك سوبر صالون- ربنا يباركلك فيها - فمش محتاج تفعيل لانه مفعل فيها من قبل ما تطلع من المصنع و ممكن حضرتك تتاكد بنفسك بانك تقفل السيارة بالريموت و تستنى ٣٠ ثانية و ثم تفتح احد الابواب باتسخدام المفتاح مش الريموت و بعد كام ثانية كدة هتلاقي السيارة بتزمر. وده بيحصل لو حد فتح الباب او الشنطة بدون الريموت لو كانت السيارة في الاصل مقفولة بالريموت.