الموضوع: ترصيص جنوط النوبيرا

المشاركة الأصلية كتبت بواسطة mr_kenawy

السلام عليكم اخوانى , لاحظت ان فردتين الكاوتش اللى قدام فى عربيتى النوبيرا 2006 تعبوا فقلت ارجعهم ورا و اطلع اللى ورا قدام , لكن لاحظت فى الوقت نفسه ان الترصيص بتاع الجنوط مختلف عن بعضه يعنى فيه جنطين ترصيصهم عريض و جنطين ترصيصهم صغير (اقل فى العرض) و علشان كدة كلفت الراجل بتاع الكاوتش انه يفك الاربع كاوتشات و يطلع اللى ورا قدام و يرجع اللى قدام ورا بس يخلى كل جنط حديد فى مكانه القديم بمعنى ان الجنطين اللى كانوا قدام يفضلوا زى ما هم و بالمثل بالنسبة للى ورا , المهم غفلت شوية عن الراجل و هو بيشتغل و بعد ما خلص شغل فوجئت بان الجنطين اللى قدام ترصيصهم مش زى بعض (واحد عريض و واحد اقل فى العرض) , و كذلك الحال بالنسبة للجنطين اللى ورا , المهم استفسرت من الراجل فقعد يحلفلى ان الجنوط كدة على حالتها اللى ان جتله بيها , و السؤال دلوقتى هو الترصيص العريض فى النوبيرا بيكون ورا و لا قدام , و لا الراجل ممكن يكون معاه حق , و ياترى ممكن اريح دماغى و ارصص من جديد , و هل الترصيص هو ضبط الزوايا و لا بيختلفوا , و ياترى فيه ارتباط بينهم و لا لأ يعنى اللى يعمل احدهما لازم يعمل الاخر و لا لأ , و ايه نظام التكلفة , و الف شكر مقدما على الردود.

الترصيص بيبقى للكاوتش مع الجنط مش للجنط لوحده
ف كده إنت لازم ترصص الأربع عجلات
و موضوع حجم الرصاص ده لكل عجلة لوحدها بدون علاقة مع باقى العجل
و كمان بيبقى للجنط الواحد من بره و من جوه (مش بيبان)
و يفضل إنك تعيد الترصيص بعد أى لحام للكاوتش (طبعا للعجلة اللى إتلحمت فقط)