الموضوع: مساعدة في تربية سمك الزينة

المشاركة الأصلية كتبت بواسطة almohaor

السلام عليكم ورحمة الله وبركاته

المفروض على كل مبتدىْ فى تربية اسماك الزينة
انه يبدأ بالانواع البسيطة اللى موش محتاجة عناية وخبرة كبيرة
مثل الجوبى و والمولى والسورد تيل وهى رخيصة الثمن ويمكن تربيتهم معا بدون مشاكل
وهى اسماك ولادة سهل تفريخها وتربية صغارها حتى يكتسب المبتدىء خبرة
وتكون المياه مناسبة بعد ذلك لاضافة الانواع الغالية
كمان اهم شىء قبل البدء فى شراء السمك مهما كان نوعه هو( اعداد وتهيئة مياه الحوض)
اى البيئة التى سيعيش فيها السمك وبغيره سيموت معظم ان لم يكن كل الاسماك فى بداية تشغيل الحوض
وذلك بملىء الحوض بالمياه واضافة مزيل للكلور واضافة بعض الاكل ويفضل نوعية القشور بكميات بسيطة يوميا لتنشط البكتريا فى الحوض وتشغيل فلتر الهواء به لمدة لاتقل عن اسبوع بدون وضع الاسماك به
ثم يفضل وضع جزء من مياه حوض قديم بس يكون مضمون وخالى من الامراضوممكن تاخده من اسفنجة فلتر الحوض القديم
وده مهم جدا حتى يمكن اضافة بعض البكتريا النافعة للسمك المسؤله عن تحويل فضلات السمك او الخفض من نسبة النتروجين بالحوض الناتج من تحلل فضلات السمك الاخراجية فى مياه الحوض ومعادلته حتى لايضر بالاسماك وتنتشر الامراض به
يجب ملاحظة قوة فلتر الهواء وفلتر التنظيف وكمان قوة السخان فى الشتاء مع حجم الحوض
كما يجب ملاحظة توافق بعض الانواع المختلفة فى احتياجهاتها من حيث البرودة او السخونة للمياه وبخاصة فى الشتاء وكذلك درجة الحموضة او القلوية ph للاسماك فى مياه الحوض علما بان الدرجة المناسبة لمعظم الاسماك تتراوح بين 24_28 درجة مئوية
مع ملاحظة لايتم تجديد كل مياه الحوض مرة واحدة بل على مراحل للحفاظ على وجود البكتريا النافعه للاسماك فى ماء الحوض وده يتوقف على كمية الفضلات الناتجة من الاسماك حسب نوعها وحجمها
لايتم اضافة اى اسماك جديدة للحوض مرة واحدة حتى لاتحدث صدمة حرارية للسمك الجديد لاختلاف درجة حرارة المياه بالكيس مع مياه الحوض لذلك يوضع كيس الاسماك الجديدة كما هو مغلق لمدة لاتقل عن ثلاث ساعات ثم يضاف جزء من ماء الحوض لمياه الكيس بالتدريج ثم يوضع السمك بعدها بالحوض بعد ان تأقلم على درجة الحرارة الجديدة بالحوض
يتم اطعام السمك مرتين صباحا ومساء وذلك باضافة كمية قليلة من الاكل ولاتضاف كمية اخرى الا بعد ان يأكلها السمك حتى لايتخم او لاترسب بالقاع وتتحلل وتخل بph ماء الحوض وبالتالى يمرض السمك او يموت
وبالتجربة ستعرف الكمية المطلوبة .ويفضل ان تصوم السمك يوما فى الاسبوع عن الاكل ولاتخف لن يموت من الجوع
ارجو ان اكون افدت الجميع وبخاصة المبتدئين

معلومات ممتازة يا باشا وجزاك الله كل خير

المشاركة الأصلية كتبت بواسطة aw2100

صراحة الأخوة الأعضاء افادوك بمعلومات قيمة جدا
ودى شوية نصائح ليك
من الصور الحوض ضيق على عدد الأسماك فية معادلة لتربية السمك فى الأحواض بتقول ان كل سم من طول السمكه بيحتاج 2 لتر مية تعيش فية احسب على المعادلة دى تلاقى ان حوض 60 سم * 40 * 30 = 72 لتر تقريبا يعنى سمكتين من الجولد طولهم 15 سم كفاية قوى على حوض 60 سم
15*2 *2 =60 لتر
بالنسبة للحصى اللى حضرتك حطه فى الأرضية خشن جدا وده مش كويس علشان بقايا الأكل بتنزل فى الفراغات دى وتعفن وتبوظ المية من الأفضل تحط حصى ناعم ورملة فى الأرضية
والأضائة الملونه دى مضره للسمك وبتعمل طحالب مضرة فى المية من الأفضل تركيب لمبة فلورسنت جرولوكس ودى غالية شوية بس بتدى اضائة بالأشعة تحت الحمراء بديلة للشمس وفى نفس الوقت بتقتل الميكروبات اللى فى المية ودى صورتها

انصحك تركب فلتر ارضى فى قاع الحوض وده لتنقية المية ومنع العكارة المتكونة نتيجة فضلات السمك ودى صورته

جزاكم الله كل خير و الفلتر الارضي و اللمبة دول يكلفو كام يا باشا ؟؟ وانا عندي اطول سمكة تعمل بتاع 5 سنتي و الباقي من 3 الي 4 وشلت سمك اديتة اخويا ودلوقتي الحوض فية 7 و الحمد لله مفيش عض الا نادر وبفكر اجيب السمكة الي بيسموها الزبال عشان تنضف الزجاج وكدة عادي يبقي 8 سمكات ولا في مشاكل ؟؟ الراجل كان بيقلي البلورة بتشيل 10 سمكات ابن التيت