موظفين البنك حرامية ولا موظفين الشركة هما اللى حرامية

الموضوع باختصار
انا شغال فى شركة وبنحصل تمن البضاعة من العملاء مباشرة او بنحصلها بشيكات من بنوك متعدده
لكن كللللللللل الفلوس دى بتتعمل ايداع فى بنك واحد لأننا بناخد منه ائتمانات (قروض) بمبالغ كبيرة
المشكلة ان كل ما بنودى فلوس يقولو الفلوس فيها عجز وناقصة
ومش بيفوت اسبوع الا لما يشيلو حد عجز فى الفلوس من اول ال10 جنيه لحد ال1000
نكلم اللى ماسكين الخزنه فى الشركة يقولو الفلوس معدوده ومظبوطه واللى فى البنك ولاد كلب حرامية
نكلم بتوع البنك يقولو الفلوس جاية ناقصة من الشركة ودى مش اول مرة تحصل
طب احنا زنبنا ايه؟؟
احنا بناخد الفلوس من الشركة وننزل مع السواق نركب العربية وندخل البنك نسلم الفلوس يعنى مافيش اصلا اى فرصة للتلاعب
مع العلم ان واحد من اللى ماسكين الخزنه فى الشركة شارى شقة فى ارقى شارع فى المدينه اللى احنا فيها
والتانى بيتاجر فى العملة بمبلغ لايقل عن 120000 جنيه
والتالت عامل قاعة افراح على مستوى
ومرتب الواخد فيهم لا يتعدى ال2000 جنيه
وبالنسبة لبتوع البنك فكانو بيطلبو اكرامية او رشوة صريحة ان جاز التعبير بحجة ان احنا بنودى فلوس كتير وبتاخد وقت كبير فى عدها
والموظفين فى البنوك التانية حذرونا من حركاتهم
كلمنا مدير البنك قال ائعدو معاهم وهما بيعدو الفلوس وفعلا بنئعد بس مكن العد بيبئا ضهره لينا ومش شايفين اوى ايه اللى بيحصل وراه
كلمنا صاحب الشركة قال ماليش فيه . اللى فلوسه تنقص تتخصم منه
طيب نحل اللغز ده ازاى؟؟
ومين الظالم ومين المظلوم؟؟
وازاى نتعامل مع الناس دى؟؟
ملحوظه احنا حاولنا ننقل فى قسم تانى فى الشركة بس منفعش لأسباب يطول شرحها
وصعب ان الواحد يسيب الشغل لأن ماصدقنا لاقينا شغل بعد سنه من البطاله والجلوس فى البيت بسبب الثورات والارف اللى عمال بيحصل فى البلد

معلش هما كام طرف 3 ولا 2
- موظفين الخزنه
-موظفين البنك (التيلر)
-موظفين نقل الفلوس من الخزنه الى البنك

وانت اى طرف فيهم

ياباشا استلام الفلوس لازم تعد الفلوس ولما تسلم تعد معاهم هوا ده العرف بغض النظر عن الكميه

اللى بيستلم يعد وهو بيسلم يسلم عدد هى دية اصول البنوك

اقتباس:

---

المشاركة الأصلية كتبت بواسطة mk3

معلش هما كام طرف 3 ولا 2
- موظفين الخزنه
-موظفين البنك (التيلر)
-موظفين نقل الفلوس من الخزنه الى البنك

وانت اى طرف فيهم

---

انا الطرف التالت اللى بيقولو عليه :)
حضرتك لو دققت فى الموضوع هتستنتج انى من موظفين نقل الفلوس من الخزنه الى البنك
وانا عارف نفسى كويس الحمد لله بس مش عارف اثق فى حد من الطرفيين التانيين
ونفسى اعرف التلاعب بيتم عن طريق مين
لأن فى الاخر احنا اللى بنشيل الليله

اقتباس:

---

المشاركة الأصلية كتبت بواسطة eng wael

ياباشا استلام الفلوس لازم تعد الفلوس ولما تسلم تعد معاهم هوا ده العرف بغض النظر عن الكميه

---

شكرا يا باشا على ردك
احنا لما بنستلم من عميل لازم بنعد الفلوس
لكن لما بناخد الفلوس من الشركة بنستلمها بواكى وصعب انى اقف اعدها تانى لان المفروض انهم عدينها
وكمان المبالغ بتكون كبيرة نسبيا وبيكون فيهم خمسات وعشرات ولو فضلنا نئعد نعد هنضيع وقت كبير وبيبقى فى شغل تحصيل تانى

انا مش بهزر اشتروا مع بعض ماكينة عد النقدية وراجعوا على المبلغ وانتوا بتستلموه من صرافين الشركة

Sent from my GT-S5282 using Forum Runner

اقتباس:

---

المشاركة الأصلية كتبت بواسطة محمود سامح

اللى بيستلم يعد وهو بيسلم يسلم عدد هى دية اصول البنوك

---

ما هو المشكله ان المبالغ اللى بستلمها من الشركة كبيرة ممكن توصل 300 400 الف واوقات بيكون اكتر وصعب انى ائعد اعد المبلغ ده كله علشان بيبقى فيه شغل تانى غير الايداعات
لكن فلوس العملاء بعدها (اقوم بعددها) وبسلمها عدد برده للشركة

طيب تخيل مرة جبت فلوس من البنك الاهلى وعملت بيهم ايداع فى البنك المشؤم ده طلعولى ورقتين 100 مزوريين
رجعت تانى البنك الاهلى واشتكيت للمدير اتصل على مدير الخزنه وجه خدنى ودخلنا خزنة البنك ورا التيلرات (الموظفين اللى ع الشباك) وورانى ان فى 2 موظفين غير التيلرات كل شغلهم انهم يعدو الفلوس اللى داخلة البنك و ورانى مكن عد الفلوس وكان مكن حديث وبيفرز المزور من السليم وقالى مستحيل ورقه مزورة تفلت من المكن ده
ولما عرف ان الفلوس راحت البنك التانى ده قال هتلاقى معاهم كام ورقه مزورة وبيشلوها للعملاء الكبار على اساس انها مش هتفرق معاهم بس المشكله انها بتيجى على دماغ الموظف اللى شايل الفلوس اللى طالع يجيب رزق عياله ولا يكون يجهز نفسه اذا كان لسه عازب

اقتباس:

---

المشاركة الأصلية كتبت بواسطة amgomaa

انا مش بهزر اشتروا مع بعض ماكينة عد النقدية وراجعوا على المبلغ وانتوا بتستلموه من صرافين الشركة

sent from my gt-s5282 using forum runner

---

ده حل كويس
وان شاء الله نحاول نعمله
وشكرا على اهتمامك يا باشا

اوعى تستلم فلوس من حد مهما كان المبلغ من غير ما تعدها بأيدك حتى لو المبلغ كبير لانك ساعتها هتعرف تتكلم مع البنك بقلب جامد لو فى غلط حصل

الطبيعى لاازم موظف من الخزينة بيكون معاكم لان دى عهدته فى الاساس لحد ما ايصال
الايداع يخده ويسوى بيه العهدة
تغير الفرع وده اصلا ضرورى كل فترة لعدم الرصد وعمل كماين
حضرتك وانت بتستلم من شركتك بتعد بواكى عشوائى لو 5 بتعد واحد منهم بداخل قدام الموظف
فهم مديرك ان الاكرامية لموظفى البنك ضرورى لسرعة الايداع

واﻻيصاﻻت فين من الفيلم ده

ومدير الفرع فين من المولد دا !
ازاى يحصل عجز مرة واتنين و ميقلبش قسم الخزينة ع اللي فيه لحد مايكتشف العجز سببه ايه !
طبقا للي بتقولة يبقي اللعب من موظفين الخزينة اللي لا فلوس بتتعد وراهم واى مشكلة هيقولوا سلمناهم كاملين وملناش ذنب.. دلوقتي تتكلم مع مدير الفرع وتشرحله الاسباب دي بدل ماتشيل مبلغ وقدرة في يوم من الايام ، ياموظف من الخزينة يتفضل يحضر وقت الايداع او وانت بتستلم الفلوس تتعد قصادك .. غير كدا يبقي توقع اى حاجة تحصلك

مشكلتك نصين، الجرء الادارى والرقابة والتانى الجزء العملى
من رائى:
1- خزنة الشركة هتديك بواكى (5 كل رزمة) لو مقفولة بشريط بنك عد باكو واحد من كل رزمة, لو مش مقفولة عدها كلها. اعملها مرتين تلاتة هتلقيهم اتعدلوا على الاخر - على فرض ان العجز من الشركة.
2- تسليم البنك، سلمة رزمة رزمة والافضل باكو باكو، وحاول تعمل علاقات معاهم لانك عميل واداعاتك كبيرة،
ولو امكن واجراءات البنك تسمح سلم لفروع تانى مش اقرب فرع، علشان لو العجز استمر يبقى من خزنة الشركة.
ممكن تجرب الحلين دول ورا بعض مش مع بعض علشان تقدر تعرف العجز جاى منين.
واضح انك جديد وعلشان كدة بيحصلك كدة، العجز ممكن يكون من الناحيتين مش من ناحية واحدة. لو انت شددت وعملت الى فوق اسبوع او اتنين وبعدين كل اسبوع شدد جامد يوم مختلف علشان محدش يعرف انت هتعد امتى، الموضوع هيتظبط.
كون انك مستعجل لانك وراك تحصيلات تانية لا ينفى مسئوليتك. القاعدة العامة العد عند التسليم والاستلام او في واحدة منهم على الاقل.
والسلام ختام

اقتباس:

---

المشاركة الأصلية كتبت بواسطة mostafa.mahran

اوعى تستلم فلوس من حد مهما كان المبلغ من غير ما تعدها بأيدك حتى لو المبلغ كبير لانك ساعتها هتعرف تتكلم مع البنك بقلب جامد لو فى غلط حصل

---

تمام يا باشا
وده اللى هيحصل بعد كده ان شاء الله

اقتباس:

---

المشاركة الأصلية كتبت بواسطة ابو ليلى

الطبيعى لاازم موظف من الخزينة بيكون معاكم لان دى عهدته فى الاساس لحد ما ايصال
الايداع يخده ويسوى بيه العهدة
تغير الفرع وده اصلا ضرورى كل فترة لعدم الرصد وعمل كماين
حضرتك وانت بتستلم من شركتك بتعد بواكى عشوائى لو 5 بتعد واحد منهم بداخل قدام الموظف
فهم مديرك ان الاكرامية لموظفى البنك ضرورى لسرعة الايداع

---

كلامك مظبوط يا باشا واتفق معاك فى اللى ئولته
بس هبئى اعد البواكى كلها مش باكو واحد علشان نحدد بالظبط اللعب من مين
والاكراميات دى بتكون ئد ايه؟؟ وكل ئد ايه؟؟ يعنى على كل ايداع ولا مرة فى الشهر ولا ايه؟؟
احنا ئولناله قبل كده بس كان رده ان ده شغلهم وهما مش بيعملو حاجة زياده

اقتباس:

---

المشاركة الأصلية كتبت بواسطة hossam_elwani

واﻻيصاﻻت فين من الفيلم ده

---

ايصالات مين وفيلم ايه ؟؟؟؟

اقتباس:

---

المشاركة الأصلية كتبت بواسطة kemoztanta

ومدير الفرع فين من المولد دا !
ازاى يحصل عجز مرة واتنين و ميقلبش قسم الخزينة ع اللي فيه لحد مايكتشف العجز سببه ايه !
طبقا للي بتقولة يبقي اللعب من موظفين الخزينة اللي لا فلوس بتتعد وراهم واى مشكلة هيقولوا سلمناهم كاملين وملناش ذنب.. دلوقتي تتكلم مع مدير الفرع وتشرحله الاسباب دي بدل ماتشيل مبلغ وقدرة في يوم من الايام ، ياموظف من الخزينة يتفضل يحضر وقت الايداع او وانت بتستلم الفلوس تتعد قصادك .. غير كدا يبقي توقع اى حاجة تحصلك

---

مدير الفرع مش على باله حاجه
اهم حاجة دفتر الخزنه مظبوط ومش مهم ايه اللى بيحصل بعد كده
والظاهر انهم متعودين على كده لأن من فترة واحد عجز 7000 جنيه وعادى لسه شغال وبيجيب فلوس ويودى فلوس وكأن شيئا لم يكن
ولعلمك اللى عجز 7000 جنيه يبقى ابن عم مدير الفرع :)

اقتباس:

---

المشاركة الأصلية كتبت بواسطة ahmed_rahem

مشكلتك نصين، الجرء الادارى والرقابة والتانى الجزء العملى
من رائى:
1- خزنة الشركة هتديك بواكى (5 كل رزمة) لو مقفولة بشريط بنك عد باكو واحد من كل رزمة, لو مش مقفولة عدها كلها. اعملها مرتين تلاتة هتلقيهم اتعدلوا على الاخر - على فرض ان العجز من الشركة.
ميرسى على ردك يا باشا
العد هيكون لكل الفلوس
2- تسليم البنك، سلمة رزمة رزمة والافضل باكو باكو، وحاول تعمل علاقات معاهم لانك عميل واداعاتك كبيرة،
ما هو ده اللى بيحصل فعلا انى بسلم بكاوى لكن المشكلة انو بيعجز ورقة ورقتين جوا الباكو نفسه
ولو امكن واجراءات البنك تسمح سلم لفروع تانى مش اقرب فرع، علشان لو العجز استمر يبقى من خزنة الشركة.
حصل كذا مرة انى بكون معايا فلوس متحصلة فى محافظة تانية وباعمل بيها ايداع فى البلد دى ومش بيبئه فى اى عجوزات وكله تمام وبرجع لهم ب وصل الايداع بدل الفلوس
بس ساعات بخلص تحصيل متأخر وبيكون البنك قفل ف باضطر انى اوديهم الشركه واخدهم تانى يوم اعمل بيهم الايداع
وساعات بتكون فلوسى لوحدها وساعات بنحط كله على بعضه وواحد بس يروح يعمل الايداع
ممكن تجرب الحلين دول ورا بعض مش مع بعض علشان تقدر تعرف العجز جاى منين.
واضح انك جديد وعلشان كدة بيحصلك كدة، العجز ممكن يكون من الناحيتين مش من ناحية واحدة.
انا فعلا لسه جديد فى الشغلانه دى لأنى دارس لغات وكنت شغال فى شركة سياحة
واول مرة اتعامل فى مبالغ كبيرة كده
وبرده اول مرة اشوف حورات بالطريقة دى
لو انت شددت وعملت الى فوق اسبوع او اتنين وبعدين كل اسبوع شدد جامد يوم مختلف علشان محدش يعرف انت هتعد امتى، الموضوع هيتظبط.
كون انك مستعجل لانك وراك تحصيلات تانية لا ينفى مسئوليتك. القاعدة العامة العد عند التسليم والاستلام او في واحدة منهم على الاقل.
تمام يا باشا كلامك على راسى

---

الحل إنك تعمل فخ

خد الفلوس من الشركه وعدها قبل ما تروح البنك

لو ناقصه يبقى العيب من الشركه

لو سليمه روح البنك ولو قالولك إنها ناقصه يبقى العيب من البنك

اللة يكون فى عونك واضح انك من مصابى السياحة كلنا فى الهوا سوا
عد كويس قبل ماتستلم من عندك وموش مشكلة ساعة و لا اتنين ذيادة لانة لا قدر اللة ممكن تلبس مبلغ كبير ربنا يسترها وعلى حسب مافهمت من كلامك انك ممكن تعمل ايداع فى افرع البنك يعنى لية تلجا لنفس الفرع غير لفرع تانى واعمل الايداع بة لتجنب العجز وتغيير الوجوة وحتى لا يتبعك لا قدر اللة حرامى
وبخصوص الهدايا للموظفين طقم قلم لكل موظف فى الخزنة حاجة بتاعة 8 جنية او ميدالية او ولاعة يعنى حاجات بسيطة وفى اللذيذ كدة

اقتباس:

---

المشاركة الأصلية كتبت بواسطة marsguy

الحل إنك تعمل فخ

خد الفلوس من الشركه وعدها قبل ما تروح البنك

لو ناقصه يبقى العيب من الشركه

لو سليمه روح البنك ولو قالولك إنها ناقصه يبقى العيب من البنك

---

تسلم يا باشا دى فكرة كويسة بردو

اقتباس:

---

المشاركة الأصلية كتبت بواسطة dedi

الله يكون فى عونك واضح انك من مصابى السياحة كلنا فى الهوا سوا هنعمل ايه بس ؟؟
منهم لله اللى وقفو حال البلد
الواحد فى السياحة كان بياخد 3 اضعاف اللى بياخدو دلوقتى بس الحمد لله على كل حال
عد كويس قبل ماتستلم من عندك وموش مشكلة ساعة و لا اتنين ذيادة لانة لا قدر الله ممكن تلبس مبلغ كبير ربنا يسترها
تمام وبعد كده الواحد مش هيئامن لحد
وعلى حسب مافهمت من كلامك انك ممكن تعمل ايداع فى افرع البنك يعنى لية تلجا لنفس الفرع غير لفرع تانى واعمل الايداع بة لتجنب العجز وتغيير الوجوة وحتى لا يتبعك لا قدر الله حرامى
وبخصوص الهدايا للموظفين طقم قلم لكل موظف فى الخزنة حاجة بتاعة 8 جنية او ميدالية او ولاعة يعنى حاجات بسيطة وفى اللذيذ كدة

---

ياريت تيجى على ئد قلم او ولاعه
المشكله انهم بيطلبو فلوس
وللتوضيح اللى بيطلب فلوس الناس اللى بتعد الفلوس مش التيلرات

حتى موظفين البنوك اللى يعتبروا من المحظوظين فى الدولة وقاعدين فى مكاتب مكيفة ومرتباتهم محترمة بالمقارنة بغيرهم
بيطلبوا رشاوى
هوه ايه الشعب المنيل بنيله ده !!!!

ماكينه العد
ارخص بكتير من المبالغ الناقصه وتحمل الخسارة
مع بعض وربنا يعوض عليكم
بس اقفلوا عليها لايبوظوها

السلام عليكم ورحمه الله
الموضوع من شركتك انت مش من البنك لان عمليه العجز والزياده خطرها كبير على موظف البنك
وخصوصا لو تكررت الشكوى من موظف معين .
انا باستغرب شركه ببتعامل فى مبالغ كبيره وليس بها ماكينه عد فلوس
اخيرا المسئول على الايداعات والسحب هو مسئول الخزينه مش المناديب وتمسك بهذا الموقف.
بخصوص الاوراق المزوره - حصل معى موقف مثل هذا سحبت فلوس وذهبت بها الى الضرائب مباشره والصراف بتاع الضرائب قال الى ان هناك ورقه مزوره - فاخذتها وذهبت الى مدير البنك وقلت له اننى سحبت فلوس ووجدت بها ورقه واحده مزوره - مدير البنك يعرفنى - قال لى من اى شباك صرفت الفلوس وتركنى شويه وقام بتغيير الورقه المزوره بواحده سليمه - بخلاف ذلك كنت ذهبت الى القسم لعمل محضر للبنك بانه يوزع فلوس مزوره

اقتباس:

---

المشاركة الأصلية كتبت بواسطة prince91720

الموضوع باختصار
انا شغال فى شركة وبنحصل تمن البضاعة من العملاء مباشرة او بنحصلها بشيكات من بنوك متعدده
لكن كللللللللل الفلوس دى بتتعمل ايداع فى بنك واحد لأننا بناخد منه ائتمانات (قروض) بمبالغ كبيرة
المشكلة ان كل ما بنودى فلوس يقولو الفلوس فيها عجز وناقصة
ومش بيفوت اسبوع الا لما يشيلو حد عجز فى الفلوس من اول ال10 جنيه لحد ال1000
نكلم اللى ماسكين الخزنه فى الشركة يقولو الفلوس معدوده ومظبوطه واللى فى البنك ولاد كلب حرامية
نكلم بتوع البنك يقولو الفلوس جاية ناقصة من الشركة ودى مش اول مرة تحصل
طب احنا زنبنا ايه؟؟
احنا بناخد الفلوس من الشركة وننزل مع السواق نركب العربية وندخل البنك نسلم الفلوس يعنى مافيش اصلا اى فرصة للتلاعب
مع العلم ان واحد من اللى ماسكين الخزنه فى الشركة شارى شقة فى ارقى شارع فى المدينه اللى احنا فيها
والتانى بيتاجر فى العملة بمبلغ لايقل عن 120000 جنيه
والتالت عامل قاعة افراح على مستوى
ومرتب الواخد فيهم لا يتعدى ال2000 جنيه
وبالنسبة لبتوع البنك فكانو بيطلبو اكرامية او رشوة صريحةان جاز التعبير بحجة ان احنا بنودى فلوس كتير وبتاخد وقت كبير فى عدها
والموظفين فى البنوك التانية حذرونا من حركاتهم
كلمنا مدير البنك قال ائعدو معاهم وهما بيعدو الفلوس وفعلا بنئعد بس مكن العد بيبئا ضهره لينا ومش شايفين اوى ايه اللى بيحصل وراه
كلمنا صاحب الشركة قال ماليش فيه . اللى فلوسه تنقص تتخصم منه
طيب نحل اللغز ده ازاى؟؟
ومين الظالم ومين المظلوم؟؟
وازاى نتعامل مع الناس دى؟؟
ملحوظه احنا حاولنا ننقل فى قسم تانى فى الشركة بس منفعش لأسباب يطول شرحها
وصعب ان الواحد يسيب الشغل لأن ماصدقنا لاقينا شغل بعد سنه من البطاله والجلوس فى البيت بسبب الثورات والارف اللى عمال بيحصل فى البلد

---

مع إحترامي لشخص حضرتك و لموقي كموظف بنك ....
أولاموظف البنك صعب يغلط في عد فلوس و لو حصل الموظف بيشيلها أو بيرجعوا للعميل..

ثانيا موضوع الإكرامية دا مستحيييييييييييييييييييل يحصل لأسباب كتير أقلها إن كل ركن في البنك مراقب ب كاميرات .. و إن موظف الكاش دا بيتعملو تحليلات و تحريات مرتين في السنة

مش يصح برضه تعرفنا إسم البنك و الفرع حتى يحترس الآخرين منه

انت الوحيد الغلطان في الموضوع ده. محدش يستلم فلوس غير بعد ما يعدها حتى لو حتعد فيها ساعة. و بالنسبة للبنك المفروض زي ما الاخوة قالولك تغير كل مرة تودع في فرع مختلف و الفلوس تبقى بتتعد قدامك طالما مش واثق فيهم, و بعدين لو انت عادد الفلوس من الاول حتبقى متأكد منها و ساعتها تتخانق و تقلب الدنيا لو حد قال انها ناقصة. و حتى لو اضطريت تسلم الفلوس فى الشركة و ترجع تاخدها تاني يبقى تعدها تاني.

ربنا معاك و ينتقم من كل واحد بيستحل مال غيره.

اولا المفروض انك تجرب تغير الفرع وتشوف النتيجه او تعمل حل تانى لو عندك حساب فى اى بنك تانى حط الفلوس فيه واسحبها بعديها بساعه مثلا وبعدين تروح تحطها فى الفرع دة وتشوف النتيجه لو البنك بتاعك قالك نفس النتيجه يبقى العيب فى الشركه لو استلموا منك عادى يبقى البنك بتاع الشركه هو اللى عندة المشكله

ومتقلش للخزنة الكلام ده
علشان ميعملوش حسابهم

عد فلوسك وانت بتستلم وعد وانت بتسلم
ولو هتقولي مافيش وقت خلاص يبقي استحمل الخسارة :)

بص انا محاسب وبتعامل مع الفلوس لوحدي
اولا استلام الفلوس لازم يكون بالعد .... وتاخد وقت زي ما تاخد
ثانياُ : الفلوس بتتقفل رزم مقفولة كل رزمة 100 ورقة وتتقفل باستكين الرزمة المقفولة والرزمة اقل من 100 ورقة تتقفل باستك من ناحية واحدة
ثالثاُ : مع الاستلام والتسليم بتستلم فئات ياعنى 1500 ورقة فئة 200 جنيه و1600 ورقة فئة 100 جنيه وهكذا
لازم تعرف كل ورقة من كل فئة عددها كام وتستلم بالعدد ده مع المبلغ مش مبلغ بس
وتسلم البنك برده بنفس الطريقة
اطلب الفئات بتاعتك من العملاء تكون كبيرة ولو ما نفعش حاول تخليهم يعملوا ايداعات في حسابك من اقرب فرع ليهم او تحويل بنكي او يدفعوا بشيكات مقبولة الدفع وتبقى ريحت نفسك جداً ورصيدك في البنك حصل فيه الايداع في نفس اليوم

اقتباس:

---

المشاركة الأصلية كتبت بواسطة Elawany13

حتى موظفين البنوك اللى يعتبروا من المحظوظين فى الدولة وقاعدين فى مكاتب مكيفة ومرتباتهم محترمة بالمقارنة بغيرهم
بيطلبوا رشاوى
هوه ايه الشعب المنيل بنيله ده !!!!

---

ربنا يهدى الجميع
الانسان لو عنده جبل من ذهب لتمنى ان يكون له جبل ثانى وثالث
ده كويس انهم ما بيطلبوش نسبه على الشغل اللى بيتعمل (زى المديرين بتوعهم)

اقتباس:

---

المشاركة الأصلية كتبت بواسطة w-m-a

ماكينه العد
ارخص بكتير من المبالغ الناقصه وتحمل الخسارة
مع بعض وربنا يعوض عليكم
بس اقفلوا عليها لايبوظوها

---

شكرا على اقتراحك يا باشا :)

اقتباس:

---

المشاركة الأصلية كتبت بواسطة sas5

السلام عليكم ورحمه الله
الموضوع من شركتك انت مش من البنك لان عمليه العجز والزياده خطرها كبير على موظف البنك
وخصوصا لو تكررت الشكوى من موظف معين .
انا باستغرب شركه ببتعامل فى مبالغ كبيره وليس بها ماكينه عد فلوس
اخيرا المسئول على الايداعات والسحب هو مسئول الخزينه مش المناديب وتمسك بهذا الموقف.
بخصوص الاوراق المزوره - حصل معى موقف مثل هذا سحبت فلوس وذهبت بها الى الضرائب مباشره والصراف بتاع الضرائب قال الى ان هناك ورقه مزوره - فاخذتها وذهبت الى مدير البنك وقلت له اننى سحبت فلوس ووجدت بها ورقه واحده مزوره - مدير البنك يعرفنى - قال لى من اى شباك صرفت الفلوس وتركنى شويه وقام بتغيير الورقه المزوره بواحده سليمه - بخلاف ذلك كنت ذهبت الى القسم لعمل محضر للبنك بانه يوزع فلوس مزوره

---

وعليكم السلام ورحمة الله وبركاته
بمناسبة الفلوس المزورة
كان فى مرة فلوس جاية من بنك cib وكان فيها ورقة ب100 مزورة (ملحوظه ع الماشى : بنك cib مافيهوش مكن لفرز النقدية المزورة من السليمة هما عندهم مكن العد العادى اللى بيعد اى ورق يتحط فيه حتى لو كان ورق كراريس)
ف المندوب دفع مكانها من جيبه ولما جه يطلب الورقة المزورة علشان يبدلها من ال cib قالوله مش هاتخدها
طب ليه يا جماعه؟؟
قالو له هنكتبلك على ورقة الايداع انه وُجد ورقة فئة 100 مزورة وتم اعدامها بمعرفة البنك
طب يا جماعة الخير مش المفروض تكون معايا الورقة وهى معدومة بالتخريم علشان يبقى دليل فى ايدى؟؟
ردو بمنتهى البرود والاستفزاز ان ده هو الاجراء اللى عندهم
وانتهى الموضوع على كده

اقتباس:

---

المشاركة الأصلية كتبت بواسطة mmkhattab

مع إحترامي لشخص حضرتك و لموقي كموظف بنك ....
أولاموظف البنك صعب يغلط في عد فلوس و لو حصل الموظف بيشيلها أو بيرجعوا للعميل..
كلامك على عينى وعلى راسى
بس انا بحكى عادى بدون شخصنة الأمور لشخص معين
موظف البنك وارد جدا ان يغلط او يسهو عليه بعض الاشياء لأنه فى النهاية بشر زيه زى اى حد
هحكيلك موقف حصل بس موظف البنك تصرف باحترام فى هذا الموقف
وهو انى صرفت شيك بمبلغ ببعض المئات من الالاف من بنك أ وروحت اعمل بيهم ايداع فى بنك ب
ف بعد عد الفلوس تفاجئت بموظف الخزنة فى بنك ب بيقولى الفلوس ناقصة 60 جنية
40 فى الخمسات و20 فى العشرات
ف قولت له ازاى؟ ده الفلوس جايه من بنك ( وكنت متخيل ان فلوس البنك لايمكن يكون فيها عجز او زياده)
سألنى بنك ايه؟؟
قولتله بنك كذا
قالى يا بيه ده بنك قطاع خاص وهتلاقى اللى سلمك الفلوس عيل مواليد 90 ولا 92 وعلشان يريح دماغة بياخد الفلوس من العميل ده ويسلمها للعميل ده من غير ما يتعب نفسه ويعد
بعدها بكذا يوم كان عندى شيك تانى من بنك أ ف مجرد ما جه دورى ودخلت ع الشباك سألت الموظف انتو بتعدو الفلوس اللى بتطلع
قالى ايوه ليه ؟؟
قولتله المبلغ اللى اخدته منك المرة اللى فاتت حصل فيه كذا كذا كذا
فهو بصراحة كان راجل صادق ومحترم
قالى اه فعلا فى اليوم ده جالى ايداع كبير بس انا معدتش غير الفئات الكبيره 200 100 50 لكن الباقى معدتوش وطلع 60 جنيه دفعهم
ف قولتله 60 جنيه مش حاجه وهما اتدفعو خلاص واللى حصل حصل
قالى انت ذنبك ايه تشيلهم ؟؟ وما تئلئش انا كده كده هاخدهم من العميل التانى
ثانيا موضوع الإكرامية دا مستحيييييييييييييييييييل يحصل لأسباب كتير أقلها إن كل ركن في البنك مراقب ب كاميرات .. و إن موظف الكاش دا بيتعملو تحليلات و تحريات مرتين في السنة

---

انا ذكرت فى المشاركة دى http://www.nilemotors.net/Nile/3875515269-post18.html
ان اللى بيطلب موظفين العد مش التيلرات
وموظفين العد دول تبع شركة نقل اموال اسمها على غير مسمى خالص
ولو حد بحث ع النت عن الشركة دى هيلاقى مقالات كتير عن سرقة واختلاسات بالملايين من موظفين الشركه مش من براها علشان كده الواحد مش حاسس بالامان معاهم خالص
ده فى مرة كان عندهم فى البنك عجز 2000 جنيه وفى الاخر شيلوهم لمندوب شركة اسمنت كبيرة والمندوب كان بيبكى بالدموع على اللى حصله
والكل كان مشترك فى الموضوع ده تيلرات وعدادين
ومافيش اى كاميرات منعتهم من انهم يعملو كده لأن (إذا كان رب البيت بالدف ضارب)
اللى كان هيمنعهم صحيح هو الضمييييييييييييييير وليس الكاميرات
بس ده مايمنعش ان فى موظفين محترمين زى الرجل اللى قولتلك عليه اللى دفع ال60 مع انو كان سهل عليه يكدب ويقول انا عادد الفلوس كلها
وفى حاجه تانية لاحظتها فى اغلب التيلرات انهم بيتعاملو مع العملا ببرود وتكبر
وكأن موظف البنك جايب الفلوس دى معاه من بيته وهو جاى الصبح
ومايعرفش ان المرتب اللى بياخده اخر الشهر هو مقابل خدمة هؤلاء العملاء وانجاز مصالحهم من ايداع وسحب وتحويل وغيره
وانو ارباح البنك تأتى من اموال العملاء سواء كانو افراد او شركات مهما كانو صغيرين او كبار
وانو من غير العملا دول البنك هيوقع
هيبقى عامل زى الدكان الوقف اللى مش بيدخله زباين
بس احنا فى اكبر بلد تضيع فيها الحقوق والحريات

هرد على بقية الناس بكرة ان شاء الله

اقتباس:

---

المشاركة الأصلية كتبت بواسطة ahmedwagdy03

مش يصح برضه تعرفنا إسم البنك و الفرع حتى يحترس الآخرين منه

---

يصح برده مايصحش ليه؟؟ بس مش عشان 3 4 موظفين مش محترمين نسوء سمعة بنك باكمله
والبنك ده قطر اشترته قريب
والفروع التانية الى حد ما معقوله
بس الفرع ده اللى فيه مشاكل كتير
ومعروف بكده فى مدينتنا بين كل الشركات والبنوك الاخرى
وللاسف مضطرين نحط فيه الفلوس لأنه البنك الاجنبى الوحيد فى مدينتنا

اقتباس:

---

المشاركة الأصلية كتبت بواسطة hh

انت الوحيد الغلطان في الموضوع ده. محدش يستلم فلوس غير بعد ما يعدها حتى لو حتعد فيها ساعة. و بالنسبة للبنك المفروض زي ما الاخوة قالولك تغير كل مرة تودع في فرع مختلف و الفلوس تبقى بتتعد قدامك طالما مش واثق فيهم, و بعدين لو انت عادد الفلوس من الاول حتبقى متأكد منها و ساعتها تتخانق و تقلب الدنيا لو حد قال انها ناقصة. و حتى لو اضطريت تسلم الفلوس فى الشركة و ترجع تاخدها تاني يبقى تعدها تاني.
ربنا معاك و ينتقم من كل واحد بيستحل مال غيره.

---

الله يخليك يا باشا
نصيحتك على راسى من فوق

اقتباس:

---

المشاركة الأصلية كتبت بواسطة kh_fawzy

اولا المفروض انك تجرب تغير الفرع وتشوف النتيجه او تعمل حل تانى لو عندك حساب فى اى بنك تانى حط الفلوس فيه واسحبها بعديها بساعه مثلا وبعدين تروح تحطها فى الفرع دة وتشوف النتيجه لو البنك بتاعك قالك نفس النتيجه يبقى العيب فى الشركه لو استلموا منك عادى يبقى البنك بتاع الشركه هو اللى عندة المشكله

---

اقتراح كويس وممكن ننفذه فى الايام اللى الشغل بيكون خفيف فيها

اقتباس:

---

المشاركة الأصلية كتبت بواسطة a.saad

ومتقلش للخزنة الكلام ده
علشان ميعملوش حسابهم

---

يا باشا زمانهم قرأو الموضوع ده من يوم ما نزل
اصلهم بيضيعو اليوم ع الفيس و ساعات على فتكات فتكات ومش بعيد يكونو متابعينا هنا

اقتباس:

---

المشاركة الأصلية كتبت بواسطة hema_lancer

عد فلوسك وانت بتستلم وعد وانت بتسلم
ولو هتقولي مافيش وقت خلاص يبقي استحمل الخسارة :)

---

تمام يا ريس كلامك مظبوط

اقتباس:

---

المشاركة الأصلية كتبت بواسطة ayman20100

بص انا محاسب وبتعامل مع الفلوس لوحدي
اولا استلام الفلوس لازم يكون بالعد .... وتاخد وقت زي ما تاخد
ثانياُ : الفلوس بتتقفل رزم مقفولة كل رزمة 100 ورقة وتتقفل باستكين الرزمة المقفولة والرزمة اقل من 100 ورقة تتقفل باستك من ناحية واحدة
ثالثاُ : مع الاستلام والتسليم بتستلم فئات ياعنى 1500 ورقة فئة 200 جنيه و1600 ورقة فئة 100 جنيه وهكذا
لازم تعرف كل ورقة من كل فئة عددها كام وتستلم بالعدد ده مع المبلغ مش مبلغ بس
وتسلم البنك برده بنفس الطريقة
اطلب الفئات بتاعتك من العملاء تكون كبيرة ولو ما نفعش حاول تخليهم يعملوا ايداعات في حسابك من اقرب فرع ليهم او تحويل بنكي او يدفعوا بشيكات مقبولة الدفع وتبقى ريحت نفسك جداً ورصيدك في البنك حصل فيه الايداع في نفس اليوم

---

تمام يا ريس :)