وانت داخل على لجنة مرور بالعربية هل بتمسك سيجارة ولا تخفى القران والسبحة ولا مش همك

**Anaslbda** · 12-04-2014 02:29 AM

.......

**khaled_sabry** · 12-04-2014 06:31 AM

بصراحه انا بدخل عادى
لو مشغل قرأن بخليه و لو مشغل برتنى سبيرز بخليها
مش بدخن
الموقف الوحيد اللى حصلى كان عقب فض رابعه و كان لسه الميدان اول او ثانى يوم يتفتح فيه للعربيات و كان طبعا مليان شرطه و جيش و قوات المظلات هى اللى بتنظم المرور
فقولت اعدى منه و انا رايح للشغل لإنه فى طريقى
و انا طالع من الميدان شوفت فى المرايه اتنين ظباط مظلات بيتكلمو مع بعض و بيشاورو على عربيتي (كانت وفتها نمر ملاكى اسيوط) وواحد فيهم متجهه ناحيتى
ساعتها طلعت بعنف و كسرت على اللى قدامى بغباء و هربت كإنى عامل عمله - انا فعلا كنت عامل عمله لإن انا كنت ناسى فى الكونسوله قصاد الفتيس ورقة تأيد لمرسى (من اللى كانت بتتوزع فى المظاهرات) علي وش منها صوره كبيره لمرسى و الوش التانى انجازات الانقلاب
و طبعا لو كان حد شاف الورقه دى كان زمانى ......

**Ahmed abdkarim** · 12-04-2014 12:34 PM

المشاركة الأصلية كتبت بواسطة abo3bdolrahman

باقولهم السلام عليكم و ببقي مشغل قرآن و مراتى منتقبة و قاعدة جنبي عادى و الحمد لله بنعدى عادى حتى الآن حتى مرة فى لجنة الظابط كان ناحية مراتى و خبط على الزجاج مكانش شايفها فى الضلمة فهيا اتضايقت و فتحت الزجاج وقاليلته على فكرة احنا مع الشرعية و ضد الإنقلاب راح ضاحك و قالها ماشى و بصلى و قالى توصلوا بالسلامة يا باشمهندس ربنا فعلا بيسترها مع الواحد كتييييييييييييييييييير

أحسن ناس والله . ربنا يحفظكم .

**r0xer** · 12-04-2014 07:12 PM

الموضوع حسسني ان الظباط اللي واقفين في الكمين يهود او ملحدين!! حاجة غريبة بجد!

حتى في اسوأ عصور حبيب العادلي كنا حاطين المصاحف عادي والسبح منورة مع المراية و مشغلين القرآن عادي ونخش اجدعها لجنة محدش يبص حتى على المصحف...واصدقائي المسيحيين حاطين الصليب عادي جدا في المراية برضو...

ومع العلم، كل دي ممارسات اضرت بمصر للأسف الشديد...لكن كل واحد حر في عربيته وفي فكره.

**fourseasons** · 12-04-2014 07:45 PM

عادى الحمد لله مبعرفش امشى بالعربية غير وانا مشغل القرأن و السبحة ولا الله الا الله فى المرأءة متعلقة عادى.والحمد لله احنا فى بلد مسلم و برضوا مرسى مش رائيسى وانا تبع السيسى.هاهاهاهاهاه

مرة قدام الشغل ايام الحظر كان فى كمين فواحد معدى و مشغل تسلم الأيادى بصوت عالى,فالضابط قاله تسلم الأيادى ....تترققص الأيادى برضوا مش حتعدى فى الحظر.هاهاهاهاها و وقفه جنبه و قاله لف و ارجع تانى.هاهاهاهاهاه

**الفجر** · 12-04-2014 08:02 PM

الى الاخ

[r0xe
المماراسات دى اضرت بمصر ازاى ممكن تفهمنى كلامك؟؟

**r0xer** · 12-04-2014 08:19 PM

المشاركة الأصلية كتبت بواسطة الفجر

الى الاخ

[r0xe
المماراسات دى اضرت بمصر ازاى ممكن تفهمنى كلامك؟؟

It's complicated bro...

**almohaor** · 12-04-2014 10:19 PM

عادى جدا المصحف منور على التابلوه والسبحة على المرآة
ومشغل قران او اى حاجة تانية موش فارقة
وكمان بكون موش رابط الحزام
وعلى فكرة مفيش ولا واحد بيربط حزام فى السويس والكل بيمر قدام اجدع كمين
ونادر مايبص على رخص او خلافه
كله استعراض للقوة امام الشعب موش اكتر... يعنى بيقولوا لينا احنا اهه
ياريت يكونوا بيفتشوا على الرخص ويشوفوا شغلهم وبس
هو احنا بقينا متهمين من اصله قدام الحكومة والا ايه الحكاية

بصراحة السؤال مستفز وكأننا متهمين فى ديننا اننا مسلمين
او ان الواحد بقى خايف من اظهار هويته المسلمة او يحس بالنقص او الخوف

مصر بلد اسلامية وبلد الازهر وعلماؤه ونعتز ونفتخر باسلامنا وسنحافظ عليهما
مهما تآمر عليها وعلينا كل ملحد او مشرك او حرامى
والحمد لله على نعمة الاسلام وكفى بها نعمة

**أبو آسر** · 12-04-2014 10:52 PM

المشاركة الأصلية كتبت بواسطة r0xer

الموضوع حسسني ان الظباط اللي واقفين في الكمين يهود او ملحدين!! حاجة غريبة بجد!

حتى في اسوأ عصور حبيب العادلي كنا حاطين المصاحف عادي والسبح منورة مع المراية و مشغلين القرآن عادي ونخش اجدعها لجنة محدش يبص حتى على المصحف...واصدقائي المسيحيين حاطين الصليب عادي جدا في المراية برضو...

ومع العلم، كل دي ممارسات اضرت بمصر للأسف الشديد...لكن كل واحد حر في عربيته وفي فكره.

حبيب العادلي ؟!
يا راجل ده احنا اكتشفنا ان الراجل ده كان رحمة فعلا ولا يوم من أيامه مقارنة بالأيام اللي بنعيشها دي
ربنا ياخدهم كلهم
وبخصوص كل واحد حر في عربيته وفي فكره فجرب كده الزق ستيكر أصفر عليه أربع صوابع على إزاز عربيتك وعدي من أي كمين وساعتها ابقى سلملي على طنط حرية
هتقولي أصل العلامة ده بقت رمز للإرهاب دلوقتي ومن حقهم يوقفوا أي حد حاططها هقولك سلملي على طنط حرية برده :)

المشاركة الأصلية كتبت بواسطة fourseasons

عادى الحمد لله مبعرفش امشى بالعربية غير وانا مشغل القرأن و السبحة ولا الله الا الله فى المرأءة متعلقة عادى.والحمد لله احنا فى بلد مسلم و برضوا مرسى مش رائيسى وانا تبع السيسى.هاهاهاهاهاه

مرة قدام الشغل ايام الحظر كان فى كمين فواحد معدى و مشغل تسلم الأيادى بصوت عالى,فالضابط قاله تسلم الأيادى ....تترققص الأيادى برضوا مش حتعدى فى الحظر.هاهاهاهاها و وقفه جنبه و قاله لف و ارجع تانى.هاهاهاهاهاه

أتحداك تعدي على كمين وترفع ايديك بأربع صوابع
وربنا يخليلك السيسي ويخليك للسيسي